عبر الرمال الذهبية وعلى خيوط القمر الندية ، تحل المواقف البرية من خلال نزهة ربما تكون يومية.. مواقف تبقى .. وفي الذاكرة تملى .. صدى الكلمات تسطر مواقف الأعضاء خلال الرحلات البرية البداية كانت مع المشرف - سلام يا هلال - مشرف المنتدى الإقتصادي وعضو اللجنة الإعلامية حدث ان طلعنا في موسم الامطار الى البر وفي منطقه جبليه المهم كان هناك واديا ينزل من الجبل وفي بطن الوادي شجره كبيره تعتبر هي مكان الظل وبجوار الجبل يعتبر المكان دافئا وفجاه داهمنا المطر وكنا في وقت المغرب ونسلخ التيس واحد الشباب الله يجزاه خير كان يقوم بعمليه غسيل الراس وعندما اتى المطر اخذنا الذبيحه ووضعناها في احد القدور ووضعناها في السياره ونسينا الراس وكنا نتوقع المطر خفيفا ولكنه اتى بغزارة وجرى الوادي بكل قوه فاجترف الخيمه والفرشات وطفات النار وانقلب الحال وكنا على موعد مع شخص عزيز وضيف علينا ياتينا في المنطقه وحضر هذا الشخص وكان الوضع ملخبط فانتقلنا الى مكان اخر بعد ان انتشلنا الخيمه بصعوبه من مجرى الوادي وبينناها وعند قيامنا بطبخ جزء من التيس اكتشفنا غياب الراس وتعلمون ان الراس يمثل اهميه كبيره عند بعض الناس خاصه اهل الباديه منهم ولابد من تواجده على الذبيحه والا تعتبر عيب بحثنا عنه لم نجده اضظررنا الى الاعتذار من الضيف عند تقديم وجبه العشاء واليوم التالي بحثنا عنه وجدناه على بعد 300 متر من مكاننا البارحه وقد جرفه السيل وكانت بحق رحلة لاتخلو من الرعب والموالقف الطريفه في نفس الوقت كما اننا نستفيد منها فائده وهي :: يجب على من يطلع الى البر الانتباه الى مجاري السيول وبطون الاوديه حتى لايحدث ما لايحمد عقباه

العضو : شامخ الهلال شاركنا ~ بكل صراحة ارى الخروج للبر متعة وفائدة ~ من أبرز المواقف : الوضوء لصلاة الفجر وكان وقتها الجو بارد جداً عيد الاضحى العام الفائت وكنت ارتعش وسنوني تصتك واللي جنبي يضحك علي ~ موقف محرج كنت أتمنى أن لا اراه : الذهاب للسوق الشعبي للنعيرية (يوم الخميس ) بالفعل تمنيت لو اني لم اذهب لما رأيته من بنات من مختلف الجنسيات الخليجية كانوا بشكل ملفت للنظر يوجع القلب

~ وللرائع : دبل كيك حضور هنا بــدااايـة ... لـكـم كـل الشــكـر علـى هـذا الإختيـااار .. وإن كـااان لـم يـزدنـي إلاا كـل تشـريـف ...مـوضــووع رااائــع .. بتـوقيــت أرووع ... بـالنـسـبـة لـي ... الـكـشـتـااات عـشـق ... أجـد فيـهـااا الهـواايـة ... والـمـتـعـة ... والفـااائــدة ... كـمـاا هي عــاااادة ... كـثـيـرة هـي الـمـواااقـف الـطريـفـة ... ولكـن الأبـرز ... قـبـل عـاااميـن ... كشـتـنـااا أنـااا ومـجـمـووعـة مـن السـمـرمــد ...وخيـمـنـااا صــوووب الـنعيـريــّـة ... وفـي احـدى الـغـاارااات الـجـربـووعيــة الليـليـّة ... طلـعـنـااا علـى حـووض الـددســن عددنـااا خمسـة تقـريبـاً ... وثـلااااثـة بالغـمـااارة ... خـويـكـم في اللـه لااابس مـلاااابس داااخليـة (تقل ابرااهيـم الصـلاااال) ... كـنـااا نصـيـد الجـرااابيـع ومـن وقـتـهـااا نذبحـهـااا ونجـهـزهـاااا ونـحـطـهـااا بـكـرتـوون معـنـاااعشـااان لاارجعـنـاا كل شي جـااااهـز ... ونـوينـااا نـرجـع الخيمـة خـلااااص اكتفينـااا جـرااابيـع ... بس المـقـروود مقـروود ... لـمـحـتـلـي جربـووع ... وكـااان السـواااق دااعس شـووي ... أخـذنـي الـحـمـاااس وانـقـز مـن الحـوووض ... نـزلـت عـلـى الأرض ورجليـنـي تتخـااابـط ...وأجـيــك مـكيّـم ازحـف عـ الأرض ..أثـنـاااء زحـفـي (وربي كـنـي اطيـر بس عـ الأرض) وعلـى وجـهـي مـااا أمـدااني أرفـع راااسـي الااا ويخـبـط وجـهـي بـقشـعـة ... صـحـيـح ان القشـعـة كـااان لـهـااا دوور كبيـر في تقليـل السـرعـة ... بس مـاااا سـوّت خيـر بـوجـهـي اللـي انصـلـخ وجـت وكـمـلت وجهـي تـخـطـيـط وزفـلـتـة ... ويـجـووون اخـويـاااي ... وأنـااا حـااالتـي حـااالـة .. والفنـيـلـة تقـطـعـت ... وبـرااطمـي نشبـت بضـرووسـي ... وداايــخ ... واللـه ويشيلـووني أخـويـاااي وعـلى المـووتـر ... وأركـب بالغـمـااارة ... يـووم وصـلـنـااا الـخيـمـة يحـاااولـوون فيني .. نـوديـك المسـتشفـى .. وأنـااا أقـوول للـه .. بسيـطـة ... وأنـااا لااا ضحـكـت احـس وجـهي تقـطـع وتشقق ...بس اكـااابـر ... نـزلـت وأنـااا داايـخ ... وأغـسـل وجـهـي ... الااا واللـه مـااافيني صـبـر .. قـلت اقـل شي نـرووح ناااخذ مرهـم ... بعـد مـاا غسـلـت قـلت ابريـح شـوي ونمـشـي ... ارتـحـت .. شـوي بس دااخـل الخيـمـة ...وأقـوووم وأثـنـااء دووخـتـي ومـن دوون مـااا انتبـه ... جلسـت علـى الكـرتـوون اللي فيه الجـرااابيـع ...لاا واللـه الاااا اللـي اسـتـوت ...عـاااد بعـدهـاا ..تـدروون الـكـلاااام مشفـر ... أمـااا المـواااقف الـحـرجـة ... فـلاااا أنـسـى ليـلـة .. كـااان الجـو فيهـااا صـقيـع ... بـرد اللـي يهـلـهـل الضـرووس ... ويـخـش بالعـظـم ...صـووب النـخـاااع ... كـنـااا فـي الـمـشـب ... مـااا عليـنـااا عـنـد شبـة الضـوو هـاااك الـدفـااا مسـتـااانسيـن وفلـة حـجـاااج وسـواالف ... مـع اثنيـن مـن اخـويـاااي ... وتـطق فـي راااسـي نطلـع صـوووب طـعـس بالدهنـاااء ... نـاااخـذ معنـااا حـزمتيـن حـطـب .. ونسـنـع انفسنـااا مـن البـرد .. ونـاااخـذ حليـب وزنجبيـل ... واللـه وأطـااالـع في أبـومـاااجـد وأبودعيـّـع ...قـلـت أخـاااف أقـوولهـم يـزلبـووني ويقـوولـوون رح اللـه يشفيـك ... او انت فـااضـي ... أو رح لحـاالـك ... خصـوصـااا أبـومـاااجـد ...دووم ارفـع ضغطـه ... قلـت ابجيبـهـااا بطريـق مـزحـة ... ان مشت مشـت ..واقـوولـهـااا .. ويـرد علـي ابـودعيـّـع ... قـداام .. تـرااا مليـنـاا مـن جلسـة البيـووت .. والمشـب ...طـااالـع فينـااا أبـومـااجـد .. وهـو راافـعـ(ن) يـديـه .. اللـه يشفيـكـم ... نحـاااول في ابومـااااجـد ربّـه يليـن رااسـه ... خصـووصـاً وحـن نـعرف مـنيـن نجيـلـه .. أخيـراً الرجـااال وااافـق بس مـهـووب مقتـنـع .. يعنـي عـاااده وده ولاا ودّه ... يـووم ركـب المـوووتـر ... ومشينـااا مسـااافـة الا الـرجـااال هـوّن وقـااال مـااودكـم تـرجـعـوون .. قـلـنـااا واللـه معـد يمديـهـااا الحيـن ابومـااجـد .. وطـوول الخـط وهـو متـلـطـم رااكب وراا وحـنـااا مزلبيـنـه انا وابـودعيـّـع سـواالف وضحـك ... ونقـط على ابـو مـاااجـد نغـزااات ... سبـحـاان اللـه كـنه دااعـي عليـنـااا .. دخـلـنـااا قـطـووع ومشيـنـااا مسـااافـة واللـه أنـواار الخـط ياللـه انشـووفـهـااا ...كـااانت الأرض مبـلـوولـة مـن المـطر قبـل ذيك الليلـة بيـووم ...ورقيـنـااا طعـس .. ونـزلـنـااا فـجـأة إلا علـى طيــن ... وينشـب المـووتـر .. ونـنـزل انا وأبـودعيـع .. اول مـااافتـحـت البـاااب وتـغـووص نـعـااالي (الله يعـزكـم) دااخـل الطيــن ...واسـحـب رجليـني واطـااالـع بالسيـاارة مـن جهـة وابـودعيـع يقـاابلنـي بالجهـة الثـاانيـة .. وأبـومـاااجـد نـزل القـزااز يقـوول .. واللـه اني دااري مـااوراااكـم الا الفلـس .. ابـدقـهـااا نـووم بالمـووتـر لااا قضيتـوا عطـووني خبـر ... عـاااد خـذ تشمـت الحيـن من أبـومـاااجـد .. ونتلفـت أنا وأبودعيـع ...وش السـواااة .. رجليـنـااا معـد نحـس فيهـن .. مـن زوود البـرد .. وعلـى طيـن .. يعنـي لااا هـي بتغريـزة ولاا بتعـليقـة .. مـدري وش هي .. الا نشبـة ... ودعـوة ابـومـاااجـد ... ذيـك الأيـاام اللـه يذكـرهـاا بالخيـر .. كـااانت جـوالاااتنـا استقبـااال الا جـواال ابـومـاااجـد ... نبي نـدق علـى أحـد الحيـن .. ويعييّ .. يابومـاااجـد تكفـى تهـز رجـااجيـل .. مـحـد حــوولـك .. ننسـم الكفـر هي أصـلاااً علـى الآخـر ... نـدف ...قـداامـنـااا طعـس وورااانـاا طعـس ... قـلـت ابحـاااول ادق علـى رقـم الشرطـة وأدق واللـه ويـدق .. ويـرد علي عسكـري .. قلـت ترانـاا .. مـغـرزيـن .. قـاال ويـن ..؟؟ هـو قـاال ويـن .. واللـه لـو أوووصف من هنـاا اليـن بكـرة .. محـد بـدااري عنـااا .. قلتـلـه قريب من الخـط واوصفلـه الخـط لانـه لفـة مـع كبري ...قـاال دق علـى أمـن الطـرق ... وأدق على أمـن الطـرق.. قـاالـوا ياااخـووي دق على الشـرطـة انتـم حـوول المـطـااار ...وارجـع ادق علـى الشرطـة .. وبعـد طلبـااات وقـلة حيـااا ... اليـن دلـوا مكـاانـا ... قلـت لأبـودعيـّـع خلـك هنـااا ابـووصـل الخـط ... الا ابـومـاااجـد مطلـع جـواالـه يضحـك ... والله كسـرتـوا خـااطري .. وأقـوولـه : منـة اللـه ولا منـة خلقـه .. بكـرة تقـعـد تمـن علينـااا محنـاا بفاااضيـن .. قلـت انا بيقـوول لاا والله ابدق على وااحـد الحيـن .. الا رد علي ازين .. تدرون ابرقـد ... وآآخـذ الفـروة وأطق اللطـمـة ... وآخـذ نعـاال ابودعيـّـع (الله يعـزكـم) .. مـن نـااحيـة الرجليـن والله معـد أحس فيـهـااا .. وأرووح الخـط ... تقريبـاً نـص سـاااعـة اليـن وصـلـت والسيـاراات تمـر كل ربـع سـاااعـة .. مقـطـعـة ...حـوول سـاااعـة كـاااملـة لطعـووني الدوريـااات ...وربي اتـذكـر وأنا أأشـر علـى مـووتـر مـن بعيـد وصلـت نص الخـط ابيـه ينتبهـلي وأنا أأشـر بالفـروة تقـل تمريـن مـدرسي ثني الذرااعيـن ومـدهـن .. والله انـهـم شبـاااب وطلـع وااحـد رااسـه مع القـزااز ضـف وجهـك يـااجـنـّـي .!! . وازعـج سنتـرااال الشـرطـة ... واللـه انـه صـاار يـرد ياااخي وشفيـك انت بيـجوونـك ترااك اقلقتنـااا ... وتجـي كبسـوولـة .. وفيـهـااا اثنيـن عسـكر مهـوويـن .. يـووم وصلـنـاا يـم مـووتـرنـااا .. ويـغـرز جنبـه .. عـز اللـه اللي استـوت في ذاا البـرد ... مـاالكـم بالطـويلـة .. يـدقـوون علـى دوريـة ثـاانيـة ... ويـطلـعـوون كبـس واايـره طـوويـل ويرقـى وااحـد الطعـس عشـااان يشـووفـوونـه ... حـنـااا يـووم جينـاا الا أبـودعيـع شـااب الضـوو .. وضبـط حليب الزنجبيـل .. وبـرد .. ورجـع ضبـطـه .. ويجلسـوون معنـاا العسكـر ودق حنـك وسـوااالـف ...اليـن جـااا خـويـهـم ويـاشـرووله بالكبس اليـن جـااا .. ويسـحـب الكبسـوولـة .. وبعـدهـااا مـووتـرنـااا ... حـوول صـلاااة الفـجـر ... منيب مطـوول عليكـم ... ونـرجـع مبـرطميـن .. وانا وابـودعيـع دق بالكـلاااام وابـومـااجـد شخـري ... يـمـكـن ذي المـوااقف هـي الأبـرز .. وحـلاااوتـهـااا في تـذكـرهـااا ... ومع عضو اللجنة الاخباريه أغلى واحد من منتديات مدمي الشباك بكل صراحه انا لا اجد نفسي هناك .. واذا رحت فهو غصب من علي .. وما قد رحت للبر الا ثلاث او اربع مرات بس أما عن المواقف والله قد صار موقف بس مدري وش يصير هو طريف والا لا .. كنا نمشي بالسياره في البر نمشي شوي الا خوينا فجأه اللي يسوق ضرب الفرامل ووقف .. وش فيه يا ولد قال شوفوا الحراره ناظرت ولاها H وش الحل .. المهم لقينا معنا مويه وعبينا الاديتر .. وبعدها وين الرياض حبيبتي .. وعن المواقف المحرجة والله قد مره غرزت علينا السياره في البر الساعه 2 في الليل ومافيه امل تطلع الكفرات كلها داخله في التراب .. :: وش الحل والجو بااااااااااااااااارد بااارد وانا تعبااان .. المهم طولنا والله قعدنا يمكن خمس ساعات .. والحمد لله لقينا واحد .. وما قصر .. وشاركتنا Day Light من منتديات مدمي الشباك وترى أن النزهة البرية أنا ببساطه أرها ممتعه أما عن المواقف يوم من الأيام رحنا للمزرعة وكنا نتمشى برا ( أنا وأختي ) وافترقنا ورحت انا مع جهه وهي من جهه ثم التفت والا نلقى ونيت يلاحق اختي (كانت تحسبه واحد من العمال :eek6: ) وما غير تشوف غبارها والمشكلة الونيت يلاحقها زيادة . .. بعد سلسله المطاردة صار اخوي إلي يلاحقها ( كنها في فلم هندي ) وشاركتنا غدي الهلال من منتديات النمر حيث ترى النزهة البرية متعه وفائده بنفس الوقت اما عن المواقف اوووووه كثير بذكر آخر موقف حصل..طالعين لمزرعة عمي..وكان فيه مكان خاص للحريم ومكان خاص للرجال .. ماشاء الله كنا كثير ..كانت بنت خالتي معي..وهي اذا صارت معي ..يخلق الهبال قررنا نلعب سباق<<== بزارين وتحمسنا ودخلنا جو..... ومادرينا الا وحنا عند الرجال طبعا مايحتاج اقولكم كيف كان الوضع..خصوصا لما تضغط فرامل وانت مسرع وعن المواقف المحرجة حصل لي وليته ماحصل كنا طالعين للبر وامي موصيتني اصلح شاهي وقهوه وآخذهن معي ونسييييييت ماقصروا فيني...كل شي قالوه عني..كرهت الطلعه قسم وقد شارك مشرف المنتدى العام تحدوه البشر في منتدى النمر ويرى النزهة البرية انا من الفئه الاخيره لا اجد نفسي في البر لايام يوم وزين بعد اهم شي انام في البيت أما عن المواقف موقف محدد لا يوجد لقلت ذهابي للبر وعن المواقف الصعبة للصديق الغالي ( عارف الهلالي ) سابقا المدمر الهلالي حاليا والله من زين الاسمين خبط بمالماطور عباه ماي بدل البنزين وقد شرفنا عضو المجلس الاستشاري في منتدى النمر المتيم في يوسف حيث يرى النزهة البرية والله بالنسبة للكشتات فبلا شك لا احد يختلف كونها تعود على الشخص بفوائد كثيرة منها تغير النفسية وكسر الروتين اليومي الممل وكذلك تعلم الاعتماد على النفس والاستمتاع بالطبيعة في ظل هذا الحصار الرهيب على الطبيعة وخصوصا ونحن في عالم التكنولوجيا والانترنت . ولكن ايضا اعتقد لابد وان تكون في حدود اي انها بالنسبة لي متعة فمتى اردت الاستمتاع وقضاء وقت ممتع مالها غير الكشته .. ولست من النوع الذي يجد في الكشتات الطويلة والمتواصلة فانا احبذ الكشتات القصيرة والمرتبة بشكل اكبر أما عن المواقف المحرجة والله بالنسبة للمواقف الحرجة فوجودها في الكشتات شر لابد منه ولعل ابرز المواقف المحرجة التي لن انساها هو مرة كنا في كشته وكان انا المعد لها واعديت لها اعداد رهيب وكان كل شي ماشي تمام المهم مالكم في الطويلة يوم جا وقت العشا كان واحد من الشباب يطبخ العشا المهم انا لازم اتفلسف اكيد طبعا لاني انا اللي مسوي الكشته قلت له ياخي قياسك للملح موب زين وكل مرة الشباب يشتكون منك عاد هو قال خلاص لو ابي احط ملح بناديك ، المهم يوم جا وقت الملح قالي رح حط ملح طبعا قدام كل الشباب وبصوت عالي عشان الكل يعرف اني انا حطيت الملح واثاريه مسوي فيني مقلب راح وفك العلبة وشال الملح منها وحط سكر :b_blue: عاد انا مخفة جيت مسوي ثقة :aaicon5: والقف العلبة و واحط من ذا السكر .. ورجعت للجلسة وكل شي عادي .. لكن الفضيحه صارت يوم ذاقوا الشباب والمصيبة ظنوا فيني اني سويت فيهم مقلب وحطيت لهم سكر عاد مايحتاج انواع التسطير والابقاس لكن مرت على خير :aabye: :vuur1: : عاد من جد وقتها تمنيت اني ماطلعت :cwm27: وفيه موقف ثاني صعب شوي وهو ان كنا كاشتين و فيه واحد من العيال انشقت رجله شق مهوب بسيط وللاسف كان ما معنا علبة اسعافات اولية وهذا اكبر خطأ وتعبنا كثير يومها وتعب هو وكان الوضع يتفاقم لمرحلة لا تحمد عقباها خصوصا وان المستشفى بعيد جدا لكن الحمدلله سيطرنا على الوضع وانا اقول اي واحد يكشت اول شي يسويه ياخذ معاه علبة اسعافات اولية .. ويرى العضو " غير البشر " في منتديات الهلال أن النزهة البرية : والله بالنسبه لي اعتبرها متعه وسعه صدر .. والواحد لازم يغير جو شوي عن جو المدينه وقلقها وعن المواقف هذا موقف سويته بولد عمي .. ولا راح انساه طول عمري موقف جامد ... مره اتفقنا حنا والشباب نخيم بالثمامه بعد العيد ,, اتفقت مع الشباب كلهم الا ولد عمي وطرى على بالي اني اسوي مقلب فيه .. دقيت على ولد عمي وقلت له (( وش رايك نسافر دبي بعد العيد )) قال (( والله موب شينه )) قلت ((اجل جهز اغراضك وشغلك ..وثاني العيد نبي نحرك ان شاء الله )) ولد عمي كان جوازه منتهي .. وراح يجدده عشان روحه دبي المهم حنا جهزنا المخيم وكل شي وولد عمي مايدري .. للحين يحسب فيه سفره لدبي ثاني العيد دقيت على ولد عمي .. قلت جاهز امرك !! قال جاهز وامره والمسيكين جايب شنطته وجوزاه مأمل على دبي .. وامسك خطي للمخيم .. قال وين رايح قلت لاتخاف ماني بخاطفك هههههههههه .. استغرب وحس ان السالفه فيها انّ يوم وصلت المخيم قال وش السالفه .. قلت بلا دبي بلا هم مافيه احلى من الثمامه خخخخخخخخخخخخخخخخ وعم الضحك ارجاء المخيم ..>> متعوب عليها والشباب انواع التعليق عليه.. اللي يقول يامخفه ترى الثمامه بالسعوديه وانت جايب جوازك هع وهو كره المخيم وحقد علي ويبي يرجع البيت بأي طريقه بس بعدين هدأ الوضع واقتنع بالمقلب خخخخخخخخخخ وعن المواقف المحرجة : هذا موقف لواحد من الشباب ..بس مدري اقوله ولالا .. ولا تدرون خلاص بقوله قام من النوم وقافله اخلاقه .. يوم جينا نبي نصلي الفجر حاول يتهرب واخر شي طقها بوجيهنا .. قال ماقدر اصلي الا لازم اتروش >> جايب العيد خخخخخخخخخخخخخ وراح للرياض وتروش ورجع ويرى العضو " هلالي من طفولتي " من منتديات الهلال : موقف حصل لي بالجامعه بغيت اطيح في الكافتيريا من الدرج بين المحاضرات وتمسكت بخوووويي اللي جمبي وقعدت ادبج فيه واقول له ليش تدفني وهو ميت من الضحك وهو لادفني ولا شي .. ~ وعن أبرز موقف موقف امس بالتنهات وانا كنت ازين الفطووور وقاعد اقطع بصل وحبحر وبحطه مع مقلقل اللحم المهم بعد ماخلصت رحت بغسل يديني ونسيت وفركت يدي بعيوني وخشمي وخذ ياعطاس وخشمي صااار خشم بوزو ويرى العضو " hilalimoot " من منتديات الهلال أن النزهه البرية : تقريباً هي متعه بالنسبه لي .. والطلعات أو الكشتات تكون حسب وقت الفراغ وعن المواقف اعتقد انه لما نسينا الرز في احد الكشتات وعن المواقف المحرجة في مره من المرات كانوا الشباب ناوين يطلعون .. وكان عندي شغله وماقدرت اطلع وقلت اجلوها لبكره ورفضوا .. فطلعوا بدوني وكانت بنفسي الطلعه .. وجاني خبر ان سيارتهم تعطلت وجلسوا يوم ونص مقطوعين ويرى العضو " نواااااااااااف 11 " من منتديات الهلال أن النزهه البرية : والله اول كنت اموت في شي اسمه بر كانت وناسه وجمعه خاصه اذا كانت الطلعه في ايام الاعياد بس الحين العالم تفرقت والمشاغل كثرت وقلت الطلعات عن اول او بالاصح انقرضت.. إ وعن أبرز الموقف هذا هو اللي من بعده كرهت شي اسمه بر من 3 سنوات تقريبا ايام البرد والامطار والسيول كنت في الديره شمال الرياض ب200 كيلو وكان يوم جمعه الساعه 11 صباحا وبكره دوامات قلت خل اروح افطر عند عمي ثم اصلي الجمعه وارجع للرياض المهم لقيت عمي عند الباب وياليتني مالقيته سلمت عليه المهم قال لي وش رايك نفطر بالبر احسن من البيت جلست افكر قلت مب شينه مشينا شغل الددسن حقه واخذنا الفطور معنا وصلنا السد قلت له وقف هنا قال لا اصبر شوي ويمشي بنا وسط الشعبان ايلين لقينا مكان وقفنا فيه وجلسنا نفطر وسوينا شاهي هناك ومبسوطين اخر حلاوه اول ماخلصنا الفطور جينا نمشي امطرت مطره غير طبيعيه وغرز الددسن ونجلس من الظهر ايلين عشر بالليل وحنا نحفر وندف نبي السياره عشان تطلع المهم طلعنا وما امدانا نمشي كيلو الا وحنا والددسن في بركة مطينه وقال هذا مكاني وكان المطر قوي مره هدومنا تبللت ولعب فينا البرد وحنا بالسياره نتنافض دار بينا هالحوار بعد ماصارت الاخلاق زفت انا : الله يلعن شيطانك ياشيخ وهقتنا هنا ونا ودي افرشه من القهر قال لي : اصبر لين يوقف المطر وننزل ندف السياره انا : ايه هين ندف رح دف بلحالك والله وامرحنا بالسياره كانت ليله عويصه انا نمت بالمرتبه اللي ورا وهو قدام كنت اتمنى بطانيه ناشفه احضنها كان كل شي مليان مويه ويوم جا الصبح من يوم السبت نزلنا من السياره نشوف الوضع صار مايساعد الارض كلها صارت طين في طين قال عمي مالنا الاحل واحد تبي نطقها رجليه حتى تمرنا سياره او الدفاع المدني او اللي يجي وتقريبا مشينا 35 كيلو من الصباح حتى الساعه 5 العصر لين مرت سياره شركه يزفلتون خط الدهنا فيها عمال ونأشر لهم ويالله وقفوا كانوا خايفين يوم شافونا متشلحين وركبنا معهم ماوصلنا الا في الليل بس والله تعب دخلنا البيت مانشوف ولقينا الجماعه مولعين السفاتي قالوا لوانكم صابرين شوي بلغنا الدفاع المدني مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ عندنا مستوصف حكومي بالحاره فيه 3 دكاتره هندي وباكستاني ومصري انا ممتحن امهم بالاجازات المرضيه واحيانا توصل للتهديد لو مايكتب التقرير رحت للباكستاني وقلت له انا تعبان ابغا اجازه قال : انت كل شهر شيل خمس يوم اجازه بعدين انا مشكل المهم وامسك الحديده حقت الضغط هو يحسبني ابلفه قام من الكرسي وانحاش ويتجمعون الدكاتره وجا معهم المدير وصارت سالفه وعلموا المدير بكل شي وصرت في موقف لايحسد عليه .. ويرى العضو " الطير الهلالي .. " من منتديات الهلال : حصلت لي مواقف عديده وكثيره في البر وبصارحه منها الصعب ومنها الطريف راح ابدى بطرف قصه بريه مرت علي في حياتي البريه<<<< تحس انه مقطع البراري والفيافي وهو ماعمره قد تعدى الثمامه وشعبان ونفود شقراء المهم مره كنا مخيمين في نهاية رمضان من قبل حوالي 5 سنوات ..المهم انه عقب صلاة الفجر جانا ضباب كثيف مره اول مره اشوف ضباب زي كذا الرؤيه من جد معدومه يعني عساك تشوف الي جنبك ... معنا واحد من الربع مدمن تطعيس والعياذ بالله ..اذا نمت جنبه تسمعه يحلم بجيب مرهم ولا بدباب بانتشي المهم ان الناس تحلم بسندرلا وهذا يحلم بربع مرهم قال خوينا اركبو نطعس الجو رايق !!! اما الجو رايق عساك تشوف الي جنبك من الضباب وذا يقول خولنا نطعس ..المهم صرنا ولله الحمد خبلان وركبنا معه وطلعنا فوق النفود وياليتنا ما طلعنا ...والله ما نشوف شي مره قام يلعبنا على هالطعوس على عماها .... يوم نزلنا من النفود واحنا ما ندري وين الشرق وين الغرب حتى من زود قلبت الراس ما ندري من الي يسوق المهم اننا نزلنا ولا ما درينا الا وذيك الخميه الي دخلنا بوسطها والحمد لله ان الي فيها كانو طالعين برى ولا كان توطينا هم ...وطبعاً عينهم ما تشوف الا نحشتنا على رجلينا الا خوينا راعي السياره قاعد يسولف معهم لأنه صار يعرفهم وهذي هي اطرف موقف مر علي اما عن المواقف الصعبه كنا طالعين كشته في شعيب ابو الطلاح بعد مدينة اوشيقر بكم كيلو ؟؟؟ طالعين والجو صاحي مافيه غيوم ولا شي وصلنا وقعدنا وتغدينا وسبحان الله خلال ربع ساعه تخيل علينا الدنيا ويجينا مطر قوي بالحيل احنا مبسوطين معنا سيارات تطلعنا ما علينا خوف ... بس المصيبه اننا من ذكاؤنا الخارق صرنا كاشتين بوسط شعيب مجرى سيل وجاك السيل من هالشعيب يمشي مليون ...زين الي امداني اضف زوليت امي لأنها موصيتني عليها ... الشاهد في الموضوع ان نص قشنا راح الله يخلف عليه تصدقون من قوة السيل ان دبة الغاز ضافها السيل؟؟ المهم ان السيارات الي معنا طلعت وبسهوله ولله الحمد واحنا طالعين نشوف راعي هايلكس ومعه عائلته ناشب في الشعيب واحنا نبي نرجع قبل العشاء عشان كان فيه مباراة السعوديه والصين في الرياض في تصفيات كأس العالم بفرنسا ..المهم قلنا حرام الرجال عالق بسيل لازم نطلعه ...وقفنا وسحبناه وكل ما طلع الا ويتعلق بطين ثانيه يعني مسكين مانقدر نفارقه المهم سحبناه الين وصلنا قريب لم الخط المسفلت ولكن مدري هي سوء حظ ولا دباشة السواق المهم انه طاح وهو يسحب الهالكس بنقعة فيها مويه ولا في امل يطلع الا اذا كان تجي طياره تسحبه يمكن؟؟؟ والجدير بذكر<<<<< كني قاعد اغطي التمرين حق الهلال ههههه راعي الهايلكس قدرنا ندفه الين وصل للخط اما سيارتنا فاراحت فيها والسياره الثانيه صار سابقينا والجولات ما تشتغل ذيك الايام في المنطقه ؟؟؟ قال راعي الهالكس اركبو بصندوق تخيلو ؟؟ برد ومطر رغم ذلك ركبت انا واخوي وولد عمي بصندوق وعمي ركبناه قدام ؟؟ بس اهم شي انا لحقنا على المباراة واسبوع على الفراش طايحين من انفلونزا حاده كلنا يالأربعه الي بصندوق لو فيه ذيك الايام انفلونز الطيور كان جتنا !!واما عمي قاعد يشرب شاهي ويقشم حب قدام اها يالقهر ويرى العضو " عاشق العثرات .." من منتديات الهلال أما عن " الكشتات " والرحلات البريه ، فهو متنفس وخروج على الضغوط الحياتيه واليوميه التي تجدنا في كل حين مرتعا لها ، فهي دون أدنى شك راحة للنفس و فرصه لتصفية الذهن والخلود إلى المتعه وهروب من أعباء الحياة ولو لفترة وجيزه ،. هي بالنسبة لي متعه ومتى ما حانت الفرصه فإني تواق إلى تحقيقها ، أيضا لا ننسى أنها فائده من حيث التعود على البساطه في الأمور . المواقف الطريفه في النزهات كثيره ، خصوصا إن كان أفراد الرحله " مهبّل " .. ، وسأضطر للتخلي عن الفصحى لسهولة السرد والتلقي .. سنة من الأيام .. ، كنا مخيمين انا والعيال وعددنا اربعه بس ، وعقب ما تعشينا قمنا وطفينا الماطور ودخلناه وربطنا البيبان وكلن راح يزين فراشه ، جيت انا وحطيت فراشي في زاوية الخيمه عند الدريشه ، المراد ان العيال رقدوا ما باقي الا واحد جالس اسولف انا وياه إلين رقد وانا جالس ما جاني النوم .. واقعد اتقلب على هالمرقد ولا جا النوم ، ولين برا فيه هوا ويلعب بالدرايش ، قمت انا وغطيت وجهي بالفروه واقعد اهوجس ، يوم حسيت اني انكتمت شوي .. وارفع الفروه ، يوم رفعتها وتجي عيني على الدريشه .. واناظر ... هاه غمض فتح امسح عيونك .. واناظر زين .. وإلينه شي غريب وجه مدري وشو ، لاهوب وجه آدمي ولاهوب وجه حمار ، شي غريب .. قلت بس يابن الحلال اذكر الله وتعوذ من ابليس .. وماش حاولت اتركد بس وصلت لمرحلة أن هالزول اللي اشوفه قدامي حقيقي مهوب يتزول لي ، ومير أزعق " قوموا يا عيال قوموا يا عيال " .. ويتناقزون وش فيك وانا اتنافض ، قلت برا فيه شي الحقوا .. ويفكون الباب ويطلعون ويدورون ويناظرون إلين ما فيه ابن امه .. يوم رجعوا ، ويقعدون شوي ،، إلين بعضهم كان نايم ورايح في رجلها مدري وش انه محلم فيه .. ولينهم ما برحوا مرتاعين ما استوعبوا الا يوم جلسوا شوي وصكوا الخيمه مره ثانيه .. ثم شوي استلموني ذب وضحك إلين اصبحنا ، طبعا ممكن تتسائلون وش الطريف في الموضوع ، انهم مسكوها علي كل ما خيمنا والا رحنا يمين يسار ، قاموا يستهبلون اللي يروح ورا الخيمه يقول بالله ما شفتو وجه حمار ، واللي من بكره يقول فاتكم والله حالم في وجه حمار . مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ المواقف المحرجه والصعبه كثيره جدا وخصوصا في البر ، لأنك تكون منعزل تماما عن الحياة ومعرّض للأخطار بشكل مباشر ، قبل فتره قرروا العيال يخيمون ، فيه اللي قال التنهات واللي قال خل نبعد شوي ، طبعا أغلب اللي بيخيمون معنا مرتبطين بعزائم وأمور مشابهه مع أهاليهم داخل المدينه ، لذلك قررنا نخيم في الثمامه .. علشان يكون قريب للي بيرجعون ، المهم في الموضوع .. كان معنا ماطور " متفتف " ماطور ألف واط ، و تانكيّه صغير ، يشتغل ساعه ساعتين ويطفى ، طبعا ماكان وجوده مهم مره ولكن جبناه علشان البلوت وخلافه ، كان مكان مخيمنا تقريبا يعرفونه غالبية الشباب ما عدا واحد ، وجونا في المخيم اكثر من مره إلا هالواحد هذا وهو طبعا ما يدل ولا احد وصف له مكان المخيم ..وفي ثالث يوم تقريبا يوم جت الساعه حول الوحده كنا جالسين نلعب بلوت .. شوي والا الماطور قام يتفتف ، الا والله شوي وطفى ، على طفية الماطور جيب ربع وقف قدام الخيمه ونزلوا منه اثنين يركضون بإتجاه باب الخيمه .. وواحد منهم معه كشاف .. يوم وصلوا عند الباب .. قال واحد منهم وهو يسأل خويه .. طفى ماطورهم ؟ ، قال الثاني إيه ,, شوي ويفتح الباب ويوجه الكشاف علينا ،طبعا إذا كان ظلام وموجه لك كشاف ما تقدر تشوف اللي ماسكه او اللي خلف الكشاف عموما ، المهم قال ما عندكم بيالات ..؟ ، رد عليه واحد من العيال قال لا والله عندنا كيسان << اجل كيسان والله مهوب منك من الخوف ، طبعا الموقف هذا صاحبه ركووود ، وكل واحد ينتظر بس وش اللي بيصر ، وأنا ذكرت في البداية مكان المخيم في الثمامه لأنه في الثمامه ما يحتاج تجيب معك سلااح ، مكان قريب والناس حولك ، لكن هذا الحاصل ، جلس هالموقف تقريبا شوي ، ثم زعق واحد منهم ، مهند ، وعرفت انه هو صاحبنا ذاك اللي ما جانا طول اليومين الللي راحت ، يوم دخل قلت على تبن ما فيه سلاام لمدة ثلاث سنين قدام ، وكان معه واحد من اخوياه ، يوم مد يمينه بيسلم علي قلت يا شيخ انقلع هناك ، الغريب في الموضوع أنه جانا في المخيم وبرضه مااحد وصف له وهالإنسان عموما دائما ما يطلع لك من تحت الأرض ، مره في مطار جده جالس في صالة الإنتظار الا هو جايني يسلم ، ودائما ما تحصل مواقف معه هو بالذات لي او للعيال في خصوص انه يطلع لك من تحت الأرض .. . نهاية أحب أشكر طاقم المجله لإتاحة الفرصه الأكثر من سعيده ، وأعذرونا على الإطاله (( اللي يشوف كلامي يقول ذا فيه جوع سوالف )) ، ولكم تحياتي المعطره .. ويرى العضو "هلالي تنومة ... " من منتديات الهلال اسواء موقف مر علي يوم كان عمري 15 سنة اتذكر طلعنا في نزهه في بستان ومعنا العديد من الاقارب واتذكر انه يوجد في البستان بركة سباحة وكان احد الاقارب اكبرنا سن يعلمنا السباحه ويوجد لدية اعتقاد خاطئ بان التعليم يأتي عن طريق رمي المتعلم في البركة وهذا ماحصل حيث رماني في البركة وفي غفله مني وعلى طول في الغويط بس لحقني وطلعني واعتقد انه طلع من بطني مايكفي وايت من المياة ومن يومها الى يومنا هذا وانا اكره السباحه واخاف من تعلمها فصار موقف عالق في الذاكرة ولايمكن نسيانه #### الموقف الثاني لواحد من الاصدقاء كان نايم عندي وضرب التلفون زكان واحد يسأل عنه فقلت له انه نايم قال بالله قومه من النوم وخله يرد على مكالمتي وبالفعل جلست اصحي فيه واقول رد على التلفون واخينا في الله جالس يصيح وهو نايم ولاحتى مسك السماعه بيده يصيح الو الو الو وانا افطس ضحك عليه ############ والحقيقة انا ماني راعي بران بالحيل بس فيه موقف يحضرني الأن قبل سنتين يوم الامطار والخيرات على الصمان انعزمت انا وواحد من الاصدقاء في الصمان بس مع الاسف ضيعنا المحل وراح علينا الغداءورجعنا خايبين بربع كبسة بخاري من مطعم بدل المفاطيح والعلوم السنعه .. ويرى العضو "اسير العبرات 9 " من منتديات الهلال موقف طريف طريف والله ماعندي لان كل طلعاتنا فله ولعب سله اما المحرج مرة الساعه 12في الليل طالعين النفود وكانت ليلة مباراة الهلال مع الاتحاد العام قبل النهائي المهم انا قايل لربعي لازم نرجع قبل الفجر علشان انام واقوم الظهر ونمشي الرياض نحضر المباراة المهم اول مادخلنا النفود طاحت الركبه علينا وجلسنا الى بعد الفجر الين جانا واحد من الشباب ورجعنا معه واضطريت اني اروح للمباراة مواصل ((شكرآآ لك على اتاحت الفرصه لاسير ) ويرى العضو "وردة الهلال .. " من منتديات الهلال أن النزهه البرية : احب الكشتات خصوصاً إذا كثروا المايونيز جميلة جداً طلعات البر ..خصوصاً بعد نزول الأمطار .. أو إذا كان غيم قمة الروعة .... بس يبي لها شروط خاصة ... أولها ما في ممسى .. و تكون العدة كاملة من إلى ... ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ احاول اتذكر بس لو تدرون ان آخر طلعة يمكن قبل سنتين بس اتذكر لما كنت بالمتوسط.. كنت العب كورة و لا اطلق ولد و 24 ساعة اطقطق في الكورة .. طبعاً السنة هذي كانت اول سنة لي مع الغطا و كانت معاناة لأنا ما نطلع بلحالنا و الكورة ماقدر افكها كنت العب الكورة و هم يسوون الغدا و الظاهر ان فيه وحدة رفلا خلت القدر مفتوح عاد الكورة كانت تمشي بمان الله في السما طبعاً .. هي طاحت في القدر و انا طاح وجهي بس مسرع ركبته .. كانت تقول لا خيرك و لا كفاية شرك مو بنفس اللفظ .. لا بلفظ الله يجيركم بس زعلت على عمري و يمكن هو اهم اسباب اعتزالي للكرة و لا كان تشوفوني محترفة في الدوري الامريكي للسيدات .. ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ موقف شخصي .. ما اذكر .. فيه موقف حصل لبنت عائلة من معارفنا .. الموقف قديم جداً .. أثر فيني فقط بروايته .. ظليت و انا بسن صغيرة ما احب البر بسببه و دائم أفكاري تجيبني و توديني اذا سمعت طاري البر .. الموقف .. ان بنت صغيرة لها خمس سنين تحركت السيارات غياب الشمس و كل سيارة تقول مع الثانية .. و ظلت البنت في البر الى بكرى الفجر .. عاد انواع القصص يقولون انها تقول كان معها رجال طول الليل ... و هم فسروه على و انه ملك .. أيضاً كانوا شايفين آثار حيوانات مفترسة و متعجبين ان البنت ما صار لها شي منها ... الموقف شنيع جداً .. تخيلوا تفقدون طفل فترة الليل كله و في بر ... و علشان تعرفون قد ايش الموقف صعب .. لاااازم تعرفون انها ما تحب الآن أحد يجيب طاري الضيعة لها و لا يسألها .. مع كونها ام و ربة بيت و اطفال و زوج [ تربي الزوج ! ] ..و أنا لما نركب السيارة راجعين من البر و عددنا احياناً ما يتعدى خمسة نقوم نعدنا واحد واحد ويرى العضو "هلالي وان جار الزمن .. " من منتديات الهلال أن النزهه البرية : ~ ربما تكون هواية أو متعة وفائدة والبعض يرى في ذلك عادة والأخر لا يجد نفسه هناك فمن أي الأقسام أنت ؟ بصراحة هي ليست هواية .. أو أنني لا أجد نفسي الا هناك .. هي بالنسبة لي ( متعة ) .. حيث أنني أحاول أن أخرج لو مرة في السنة .. ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ كنا ثمانية من الشباب .. خرج ستة من الشباب بعد الفجر لجلب بعض الاغراض وشراء الفطور وقضاء بعض الحوائج .. وبقيت أنا وواحد من الشباب في المخيم .. وقالوا لنا جهزوا الشاهي بعد ساعتين .. مرت الدقائق .. وشاهدنهم من بعدي قادمين .. ولم نجهز الشاهي فقمت بسرعة الى براد الشاهي .. فوجدته نصفه ممتليء بالشاهي << من اليوم اللي قبله فحطيت عليه مويه وحطيته على النار شربوا الشباب الشاهي .. وما شربت أنا وخويي .. خمسة من الستة جاهم مغص شديد وكل شوي واحد يقوم .. ويقول عن أذنكم ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ موقف ( ماسأوي ) لن أنساه ما حييت .. حيث أنها المرة الاولى في حياتي التي أشاهد فيها ( انسان ) يموت أمامي كنا على البحر .. ايام اختبارات .. وكان عددنا 7 .. ولم يكن بجوارنا أحد سوى عائلة تبعد عن مخيمنا قرابة الـ 200 متر .. كان ثلاثة من اخويانا يسبحون بعد العصر .. وكنا نحن البقية نلعب بلوت في المخيم .. فجأة دخلت علينا بنت ( في العشرينات ) من عمرها وهي تبكي وتصارخ علينا : قوموا أنقذوا اخواني .. غرقوا في البحر .. فقمنا وصيحنا على اخويانا اللي يسبحون .. ورحنا للعائلة .. فاذا بالحريم يبكون .. والاطفال يصرخون .. قالوا : اولادنا أعمارهم في الـ 15 والـ 16 يسبحون .. وغرقوا .. وابوهم راح ينقذهم .. وما يعرف يسبح .. راحوا الشباب للبحر .. وبقيت انا وواحد من الشباب مع العائلة ( كانوا ثلاثة حريم كبار .. وثلاث بنات شابات .. وطفلين ..) .. وواحد من أخويانا راح يبحث عن خفر السواحل .. في البداية أقنعنا الرجل بالطلوع من البحر والعودة للشاطيء .. وبالفعل .. وذهب الشباب لانقاذ الولدين .. واحد من أخويانا مسك واحد من الاولاد .. وجابه لنا .. كان يلفظ انفاسه الأخيره .. وبالفعل مات بين أيدينا خفر السواحل .. حضروا بعد ساعة تقريباً .. وجلسنا نبحث عن الولد .. من الساعة 4 العصر .. ولم نجده الا الساعة 12 الليل .. وهو جثة هامدة .. رحم الله موتانا وموتى المسلمين .. رغم مرور أكثر من اربع سنوات على هذا الموقف .. الا أن العبرة تخنقني كلما تذكرته .. ولن أنسى ما حييت دموع امهم وأخواتهم وبكائهم وصراخهم .. وأنهيار الأب .. كان موقف صعب جدا .. كنا بين نارين .. بين نار البحث عن الاولاد .. ونار العائلة التي كانت تبكي وتصرخ فينا كلما شافت واحد فينا طلع للشاطيء .. خوينا اللي أنقذ الولد الاول أصيب بانهيار عصبي .. وجلس فترة طويلة يتعالج .. وبالفعل رحلة لا تنسى .. ويرى العضو "ابو نورة شايت الكورة .. " من منتديات الهلال أن النزهه البرية : هواية تجمع المتعة والفائدة و الهبال و القفطات والإقلاع حتى الضياع ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ طريف !؟ امممممممممممم .. ايه ذكرت .. وايه ذكرت واحد ثاني بعد .. اختاروا ؟؟! .. يلا بما أنكم اخترتوا الأول أجل بقولكم الثاني : مره كنا طالعين نفس الوقت هذا بس بالسنه اللي راحت ومخيمين بطعووس .. الزبده اخوي الأصغر ( ابو شذى ) كان رايح يحطب وكان مسوي لنا في أمها أبطل بطل بالعالم لدرجة أنه عيا يخلي أحد يخاويه قلناله خذ معك أحد ( عشان المنطقه كلها تضييع في تضييع ) ستين ألف طعس جمب بعض وكلهم زي بعض راح البطل الشجاع المغوار .. و تأخر !!!!!!! وكان الوالد معنا فقال لي : قم يا أبانورة لله درك ابحث عن أخيك الصائع الضائع فأجبته : أبشر بعزك ياشيخ قعدت أبحث وأبحث وأبحث فلما يأست قلت لنفسي عُد إلى ابيك وباقي العشيره لعل ذلك البزر قد رجع وعندما أردت الرجووع اذا بالكارثة والطامة والصاعقه اذا بي حتى أنا شخصيا ً قد ضيعت قعدت أفرفر وأفرفر وكادت الدموع أن تهل كما لو أنها بزابيز اذا بأخي المضيع ( ابو شذى ) أمامي ومعه حطبه عندما رأيته انفجرت بوجهه قائلا ومصرفا ً ومتجاهلا ضياعي ونسياني طريق العوده : وين ذلفت يبو ؟ لي ساعه أدورك فكان هو يعلم طريق العوده ولايعلم أنني لاأعلم فعدنا سويا ً وسويت فيها أمام الوالد أنني أحضرته من أقصى أقاصي الدنيا - وبعد كم اسبوع قلت له الصدق اني كنت أدوره وضعت - وهو الذي جابني ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ اووووه .. هذي أعتقد بعض الأعضاء وأولهم ابوساره لايخفى عليهم قصة لي من هذا النحو اذن خلوني أقولكم قصة أخرى ربما تكون الألعن بالنسبة لي ولا يعلم بها أحد من الأعضاء بإختصار : أيام الصيف ومن خلال حبي لتحدي الرمال قررت في عز الظهرية المجازفة والنزول من طعس شاهق شامخ ابن امه اللي يفكر يدحدر منه بس وكان معي مرافق ذيبان وفزاع وسنايدي قال لي بالحرف الواحد قبل الشروع بالكارثة ( ياخوي طالبك تأجلها إلى العصر على الأقل الجو يكون بارد ) أبت نفسي الا ان أكمل التحدي حتى آخر قطره من سعابيلي حاولنا ندحدر واذا بالموتر يغرز بنا ونحن في عز الظهرية في ذاك الموقف الرمال كالجمر والشمس صاقعة فوق روسنا ونحن نحفر وندفن وفي ذيك الساعه قال لي رفيقي : يلا ياذيبان خل نشوف آخر قطرة من سعابيلك واستمرينا الا أن وصل بنا الحال إلى اليأس وفقط قعدنا ندعي الله ينجينا وأنا في موقف جعلني أكره من يجيب لي طاري التحدي والرمال والسعابيل كلها والحمد لله رجعنا العصرية سالمين غانمين : ويرى العضو "سامر ليل .. " من منتديات الهلال أن النزهه البرية : ربما هي متعة محببة للنفس أحب تكرارها بعض الأوقات.. أكثر من كونها هواية أو عادة بالنسبة لي !! ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ من المواقف الطريفة التي لا زالت عالقة في ذهني .. كنا في (( كشتة )) مع الأقارب بعد العيد .. وذلك قبل عدة سنوات وبينما كان الصغار يلعبون بالطراطيع و الصواريخ .. كان أحد الأقارب ينوي ذبح الخروف اللي معنا .. (( و كان معصب في هذاك اليوم .. لأنه تلقى اتصال من عمله يخبرونه برفض تمديد الإجازة )) المهم أنه .. تفاجأ بصاروخ ينفجر في خشمه ويحمد ربه إنه من الصواريخ القديمة (( الصغيرة )) .. ولا لوكان من طرطعان هاليومين كان إلى هالحين وحنا ندور قطع وجهه المهم خلال هالحادث الأليم .. انطلق الخروف من يديه لحقه بسرعة .. واجهز عليه بكل وحشية وهو يقول .. (( احصلها منك ولا من مين )) ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ من ناحية المواقف المحرجة أو الصعبة .. لم يمر علي موقف في هذه الدرجة من الصعوبة والإحراج !! ولكن ربما أصعب شئ في (( المكاشيت )) .. هو أنك تتوضأ لصلاة الفجر ويرى العضو "الاسطــورة .. " من منتديات الهلال أن النزهه البرية : اجد نفسي ضمن المتعه والفائده في ان واحد , نظرا لان مثل هذه الكشتات او النزهات تخلق جوا رحبا في داخل الانسان فهي تعوده في المقام الاول على الخروج من جو الروتين او الضغط وتساعده على التجديد في نفسه وتعامله وحتى روحه , فمن احيانا يجد في السفر التغيير فحتما يجد في النزهات التغيير كذلك رغم فرق المده او المكان , الا اني اجدهما متساويه من حيث ترك الاثر , فقد يكون السفر على مستوى اكبر ويحتاجه الكثير من الناس الا ان النزهات او (( الكشتات )) تخلق ايضا جو ترفيهيا ذا متعه في فترات الروتين او الضغط او الضيقه التي يمر بها الانسان في مدات قصيره ويريد التخص منها واعطاء مجال ليوم غدا اجمل وافضل سواء نفسيا او داخليا ,, وليس ذلك فقط !! بل اضافه الى المتعه يكون منها الفائده بالتواصل اكثر من الطبيعه وشخصيه الانسان وعدم حصره في جو روتيني فهي تعطي فائده اكثر من خلال النزهات الى التأمل وصفاء التفكير وبعث الراحه وكان الامر اشبه برؤيه هذا العالم من اعلى قمه في العالم , كما ان النزهات او الكشتات تعطي جسرا خفيا بينك وبين من معك فهي تقرب من خلال الاحاديث او الافكار او التواصل بينك وبين رفيق الكشته او النزهه فتعطي انطباع اخر بعيدا عن اى محادثات تكون في جو او مكان اخر (( لغير النزهات )) , وتستطيع ايضا ان تكتشف من خلالها مدى قدرتك على التعامل بوتيره واحده او اكثر من خلال هذه النزهات ومدى حتى تقبلك لمثل هذه الاجواء التي تكون اشبه حينها بكتاب قابل للطوي لكل مافي الخلف ورمي كل ميحمل النفس من هموم ,, فهناك من يطلق عبارات السفر او الرحيل بعيدا لاطلاق همومه والنعم بكل شىء جديد في حياته , , اذا اليس لنا احيانا ان ننعم بنزهه او كشته بعيده مع من نرغب بالتنزه معهم للنسى ونزيل كل امر تحمله نفوسنا وننعم بفائده يكون جوهرها (( نفسيا ومعنويا )) وليس فقط ذا (( متعه )) لاضاعه الوقت ؟ اعتقد واجزم بذلك من حيث المتعه والفائده في ان واحد متى ماعرف الانسان كيفيه استغلالها واربها بطريقه لاتؤثر على الاخرى ,, ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ في احد الكشتات التي حدثت وفي اول كشته تعتبر لي ولكم واحد من الشباب , كنا قد نسينا جلب معنا الملح , فاصر احد الشباب ان يذهب ليجلب الملح فرافقته وبدلا من رجوعنا الى الطريق الذي نريده ذهبنا مع طريق اخر وتفاجئنا با السياره غرزت بنا في اخر هالليل , واثناء ماكنا نحاول اخراجها وسط هذه الظلمه ونحاول ان نتضحك لمسامره انفسنا في مثل هالموقف فكان حينها نرى خيمه لاتبعد كثيرا عنا وكنا نظن في البدايه انها خيمه لحارس ما , وبعد ان اخرجنا السياره بطلعه الروح عدنا لبنحث ونبحث عن طريقنا حتى وجدناه ثم جلبنا الملح وجدنا جيب (( شاص )) موقف امام خيمتنا بيد (( شايب )) وليحه حمراء لصدره ومعه رشاش وواقف امام مقدمه سيارته ويطلق على نار الخميه والشباب في الخيمه (( يرقلون ويصارخون)) ويطلق على النار للاخافه , وبعد مجيئنا اكتشفنا ان الخيمه التي توقفنا قبلها وغرزت سيارتنا عندها تعود لهذا الشايب وبها زوجاته وبناته وكان من خلفه حلاله , وكان يظن اننا اتينا للاعتداء عليه فااراد ان يباغتنا ظنا منه اننا نريد ان نباغته اهله ومتوقعا ان المتواجدين في الخيمه هم من كانوا بالقرب من خيمته وليس نحن وحينها عندما حل الامر وراينا بقيه الشله فكانت وجوههم متلونه مابين اصفر وازرق واحمر هذا غير الرجفه اللي واضحه حتى عيونهم ,,, فكان موقف طريف ومحرج في نفس الوقت لا انساه لانه كان اول كشته ويصير هالموقف معك ,, ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ هناك موقف محرج لاحد الاصدقاء , ففي احدى المرات كان احد الشباب يريد الذهاب لجلب مؤنه وعندما قطه نصف الطريق ضرب عليه كفر سياره فوقف لاصلاح الكفر واثناء ماكان يفك ويربط في عجله السياره فاذا بصوت من خلفه يشعر به ينفس نفسا اشبه بالشهقه وهو الذي يطير طائره لباب السياره ويغلقه عليه ويمسك ويحاول رفع (( قزازه )) السياره ولاترتفع فيكتشف حينها انها لاتعمل ويزداد حراجه الموقف ويتعلق ثوبه (( بقير السياره )) فيعتد ان من نفس من خلفه يشد في ثوبه , لدرجه انه من حرج الموقف لم يستطيع ان يتخلص من مفاتيح الربط وظلت في يده متسمره وحينها بسرعه يشغل السياره ويبحث عن مصدر هذا النفس الذي قرب له وشهق باذنه هذا الشهق العالي , ولم يجده وعندما ذهب لرعاه الغنم في صباح اليوم التالي ومعه المجموعه التي يكشت معها يحذرهم من انه يوجد اسد او نمر في هذه البريه واثناء ماكانوا يفتحصون المنطقه للبحث عنه شاهدوا راعي وعندما اراد ان يحذروه من هذا الحيوان المفترس فطلب معرفه القصه بالتفصيل وعندما سمعها وعرف المكان الذي وقفته فيه السياره والاثر الموجود حولها ضحك ضحك وقال ان هذا حمار وحشي يدور احيانا في هذه المنطقه وانه ليس نمر او اسدا , وانه لايخيف باى حال من الاحوال فانحرج الصديق من موقفه خاصه وان زملائه معه وكل من شاهدوه من الاصحاب اخبروه بالقصه واصبح حتى هذه اللحظه يذكر بهذا الموقف وعندما يرون حمارا سواء في التلفاز او غيره يشيرون ان هذا نمر او اسد من فصيله نادره ,,[

صدى الكلمات · #4 01/02/2006, 01:31 PM

عبر الرمال الذهبية وعلى خيوط القمر الندية ، تحل المواقف البرية من خلال نزهة ربما تكون يومية.. مواقف تبقى .. وفي الذاكرة تملى .. صدى الكلمات تسطر مواقف الأعضاء خلال الرحلات البرية البداية كانت مع المشرف - سلام يا هلال - مشرف المنتدى الإقتصادي وعضو اللجنة الإعلامية حدث ان طلعنا في موسم الامطار الى البر وفي منطقه جبليه المهم كان هناك واديا ينزل من الجبل وفي بطن الوادي شجره كبيره تعتبر هي مكان الظل وبجوار الجبل يعتبر المكان دافئا وفجاه داهمنا المطر وكنا في وقت المغرب ونسلخ التيس واحد الشباب الله يجزاه خير كان يقوم بعمليه غسيل الراس وعندما اتى المطر اخذنا الذبيحه ووضعناها في احد القدور ووضعناها في السياره ونسينا الراس وكنا نتوقع المطر خفيفا ولكنه اتى بغزارة وجرى الوادي بكل قوه فاجترف الخيمه والفرشات وطفات النار وانقلب الحال وكنا على موعد مع شخص عزيز وضيف علينا ياتينا في المنطقه وحضر هذا الشخص وكان الوضع ملخبط فانتقلنا الى مكان اخر بعد ان انتشلنا الخيمه بصعوبه من مجرى الوادي وبينناها وعند قيامنا بطبخ جزء من التيس اكتشفنا غياب الراس وتعلمون ان الراس يمثل اهميه كبيره عند بعض الناس خاصه اهل الباديه منهم ولابد من تواجده على الذبيحه والا تعتبر عيب بحثنا عنه لم نجده اضظررنا الى الاعتذار من الضيف عند تقديم وجبه العشاء واليوم التالي بحثنا عنه وجدناه على بعد 300 متر من مكاننا البارحه وقد جرفه السيل وكانت بحق رحلة لاتخلو من الرعب والموالقف الطريفه في نفس الوقت كما اننا نستفيد منها فائده وهي :: يجب على من يطلع الى البر الانتباه الى مجاري السيول وبطون الاوديه حتى لايحدث ما لايحمد عقباه

العضو : شامخ الهلال شاركنا ~ بكل صراحة ارى الخروج للبر متعة وفائدة ~ من أبرز المواقف : الوضوء لصلاة الفجر وكان وقتها الجو بارد جداً عيد الاضحى العام الفائت وكنت ارتعش وسنوني تصتك واللي جنبي يضحك علي ~ موقف محرج كنت أتمنى أن لا اراه : الذهاب للسوق الشعبي للنعيرية (يوم الخميس ) بالفعل تمنيت لو اني لم اذهب لما رأيته من بنات من مختلف الجنسيات الخليجية كانوا بشكل ملفت للنظر يوجع القلب

~ وللرائع : دبل كيك حضور هنا بــدااايـة ... لـكـم كـل الشــكـر علـى هـذا الإختيـااار .. وإن كـااان لـم يـزدنـي إلاا كـل تشـريـف ...مـوضــووع رااائــع .. بتـوقيــت أرووع ... بـالنـسـبـة لـي ... الـكـشـتـااات عـشـق ... أجـد فيـهـااا الهـواايـة ... والـمـتـعـة ... والفـااائــدة ... كـمـاا هي عــاااادة ... كـثـيـرة هـي الـمـواااقـف الـطريـفـة ... ولكـن الأبـرز ... قـبـل عـاااميـن ... كشـتـنـااا أنـااا ومـجـمـووعـة مـن السـمـرمــد ...وخيـمـنـااا صــوووب الـنعيـريــّـة ... وفـي احـدى الـغـاارااات الـجـربـووعيــة الليـليـّة ... طلـعـنـااا علـى حـووض الـددســن عددنـااا خمسـة تقـريبـاً ... وثـلااااثـة بالغـمـااارة ... خـويـكـم في اللـه لااابس مـلاااابس داااخليـة (تقل ابرااهيـم الصـلاااال) ... كـنـااا نصـيـد الجـرااابيـع ومـن وقـتـهـااا نذبحـهـااا ونجـهـزهـاااا ونـحـطـهـااا بـكـرتـوون معـنـاااعشـااان لاارجعـنـاا كل شي جـااااهـز ... ونـوينـااا نـرجـع الخيمـة خـلااااص اكتفينـااا جـرااابيـع ... بس المـقـروود مقـروود ... لـمـحـتـلـي جربـووع ... وكـااان السـواااق دااعس شـووي ... أخـذنـي الـحـمـاااس وانـقـز مـن الحـوووض ... نـزلـت عـلـى الأرض ورجليـنـي تتخـااابـط ...وأجـيــك مـكيّـم ازحـف عـ الأرض ..أثـنـاااء زحـفـي (وربي كـنـي اطيـر بس عـ الأرض) وعلـى وجـهـي مـااا أمـدااني أرفـع راااسـي الااا ويخـبـط وجـهـي بـقشـعـة ... صـحـيـح ان القشـعـة كـااان لـهـااا دوور كبيـر في تقليـل السـرعـة ... بس مـاااا سـوّت خيـر بـوجـهـي اللـي انصـلـخ وجـت وكـمـلت وجهـي تـخـطـيـط وزفـلـتـة ... ويـجـووون اخـويـاااي ... وأنـااا حـااالتـي حـااالـة .. والفنـيـلـة تقـطـعـت ... وبـرااطمـي نشبـت بضـرووسـي ... وداايــخ ... واللـه ويشيلـووني أخـويـاااي وعـلى المـووتـر ... وأركـب بالغـمـااارة ... يـووم وصـلـنـااا الـخيـمـة يحـاااولـوون فيني .. نـوديـك المسـتشفـى .. وأنـااا أقـوول للـه .. بسيـطـة ... وأنـااا لااا ضحـكـت احـس وجـهي تقـطـع وتشقق ...بس اكـااابـر ... نـزلـت وأنـااا داايـخ ... وأغـسـل وجـهـي ... الااا واللـه مـااافيني صـبـر .. قـلت اقـل شي نـرووح ناااخذ مرهـم ... بعـد مـاا غسـلـت قـلت ابريـح شـوي ونمـشـي ... ارتـحـت .. شـوي بس دااخـل الخيـمـة ...وأقـوووم وأثـنـااء دووخـتـي ومـن دوون مـااا انتبـه ... جلسـت علـى الكـرتـوون اللي فيه الجـرااابيـع ...لاا واللـه الاااا اللـي اسـتـوت ...عـاااد بعـدهـاا ..تـدروون الـكـلاااام مشفـر ... أمـااا المـواااقف الـحـرجـة ... فـلاااا أنـسـى ليـلـة .. كـااان الجـو فيهـااا صـقيـع ... بـرد اللـي يهـلـهـل الضـرووس ... ويـخـش بالعـظـم ...صـووب النـخـاااع ... كـنـااا فـي الـمـشـب ... مـااا عليـنـااا عـنـد شبـة الضـوو هـاااك الـدفـااا مسـتـااانسيـن وفلـة حـجـاااج وسـواالف ... مـع اثنيـن مـن اخـويـاااي ... وتـطق فـي راااسـي نطلـع صـوووب طـعـس بالدهنـاااء ... نـاااخـذ معنـااا حـزمتيـن حـطـب .. ونسـنـع انفسنـااا مـن البـرد .. ونـاااخـذ حليـب وزنجبيـل ... واللـه وأطـااالـع في أبـومـاااجـد وأبودعيـّـع ...قـلـت أخـاااف أقـوولهـم يـزلبـووني ويقـوولـوون رح اللـه يشفيـك ... او انت فـااضـي ... أو رح لحـاالـك ... خصـوصـااا أبـومـاااجـد ...دووم ارفـع ضغطـه ... قلـت ابجيبـهـااا بطريـق مـزحـة ... ان مشت مشـت ..واقـوولـهـااا .. ويـرد علـي ابـودعيـّـع ... قـداام .. تـرااا مليـنـاا مـن جلسـة البيـووت .. والمشـب ...طـااالـع فينـااا أبـومـااجـد .. وهـو راافـعـ(ن) يـديـه .. اللـه يشفيـكـم ... نحـاااول في ابومـااااجـد ربّـه يليـن رااسـه ... خصـووصـاً وحـن نـعرف مـنيـن نجيـلـه .. أخيـراً الرجـااال وااافـق بس مـهـووب مقتـنـع .. يعنـي عـاااده وده ولاا ودّه ... يـووم ركـب المـوووتـر ... ومشينـااا مسـااافـة الا الـرجـااال هـوّن وقـااال مـااودكـم تـرجـعـوون .. قـلـنـااا واللـه معـد يمديـهـااا الحيـن ابومـااجـد .. وطـوول الخـط وهـو متـلـطـم رااكب وراا وحـنـااا مزلبيـنـه انا وابـودعيـّـع سـواالف وضحـك ... ونقـط على ابـو مـاااجـد نغـزااات ... سبـحـاان اللـه كـنه دااعـي عليـنـااا .. دخـلـنـااا قـطـووع ومشيـنـااا مسـااافـة واللـه أنـواار الخـط ياللـه انشـووفـهـااا ...كـااانت الأرض مبـلـوولـة مـن المـطر قبـل ذيك الليلـة بيـووم ...ورقيـنـااا طعـس .. ونـزلـنـااا فـجـأة إلا علـى طيــن ... وينشـب المـووتـر .. ونـنـزل انا وأبـودعيـع .. اول مـااافتـحـت البـاااب وتـغـووص نـعـااالي (الله يعـزكـم) دااخـل الطيــن ...واسـحـب رجليـني واطـااالـع بالسيـاارة مـن جهـة وابـودعيـع يقـاابلنـي بالجهـة الثـاانيـة .. وأبـومـاااجـد نـزل القـزااز يقـوول .. واللـه اني دااري مـااوراااكـم الا الفلـس .. ابـدقـهـااا نـووم بالمـووتـر لااا قضيتـوا عطـووني خبـر ... عـاااد خـذ تشمـت الحيـن من أبـومـاااجـد .. ونتلفـت أنا وأبودعيـع ...وش السـواااة .. رجليـنـااا معـد نحـس فيهـن .. مـن زوود البـرد .. وعلـى طيـن .. يعنـي لااا هـي بتغريـزة ولاا بتعـليقـة .. مـدري وش هي .. الا نشبـة ... ودعـوة ابـومـاااجـد ... ذيـك الأيـاام اللـه يذكـرهـاا بالخيـر .. كـااانت جـوالاااتنـا استقبـااال الا جـواال ابـومـاااجـد ... نبي نـدق علـى أحـد الحيـن .. ويعييّ .. يابومـاااجـد تكفـى تهـز رجـااجيـل .. مـحـد حــوولـك .. ننسـم الكفـر هي أصـلاااً علـى الآخـر ... نـدف ...قـداامـنـااا طعـس وورااانـاا طعـس ... قـلـت ابحـاااول ادق علـى رقـم الشرطـة وأدق واللـه ويـدق .. ويـرد علي عسكـري .. قلـت ترانـاا .. مـغـرزيـن .. قـاال ويـن ..؟؟ هـو قـاال ويـن .. واللـه لـو أوووصف من هنـاا اليـن بكـرة .. محـد بـدااري عنـااا .. قلتـلـه قريب من الخـط واوصفلـه الخـط لانـه لفـة مـع كبري ...قـاال دق علـى أمـن الطـرق ... وأدق على أمـن الطـرق.. قـاالـوا ياااخـووي دق على الشـرطـة انتـم حـوول المـطـااار ...وارجـع ادق علـى الشرطـة .. وبعـد طلبـااات وقـلة حيـااا ... اليـن دلـوا مكـاانـا ... قلـت لأبـودعيـّـع خلـك هنـااا ابـووصـل الخـط ... الا ابـومـاااجـد مطلـع جـواالـه يضحـك ... والله كسـرتـوا خـااطري .. وأقـوولـه : منـة اللـه ولا منـة خلقـه .. بكـرة تقـعـد تمـن علينـااا محنـاا بفاااضيـن .. قلـت انا بيقـوول لاا والله ابدق على وااحـد الحيـن .. الا رد علي ازين .. تدرون ابرقـد ... وآآخـذ الفـروة وأطق اللطـمـة ... وآخـذ نعـاال ابودعيـّـع (الله يعـزكـم) .. مـن نـااحيـة الرجليـن والله معـد أحس فيـهـااا .. وأرووح الخـط ... تقريبـاً نـص سـاااعـة اليـن وصـلـت والسيـاراات تمـر كل ربـع سـاااعـة .. مقـطـعـة ...حـوول سـاااعـة كـاااملـة لطعـووني الدوريـااات ...وربي اتـذكـر وأنا أأشـر علـى مـووتـر مـن بعيـد وصلـت نص الخـط ابيـه ينتبهـلي وأنا أأشـر بالفـروة تقـل تمريـن مـدرسي ثني الذرااعيـن ومـدهـن .. والله انـهـم شبـاااب وطلـع وااحـد رااسـه مع القـزااز ضـف وجهـك يـااجـنـّـي .!! . وازعـج سنتـرااال الشـرطـة ... واللـه انـه صـاار يـرد ياااخي وشفيـك انت بيـجوونـك ترااك اقلقتنـااا ... وتجـي كبسـوولـة .. وفيـهـااا اثنيـن عسـكر مهـوويـن .. يـووم وصلـنـاا يـم مـووتـرنـااا .. ويـغـرز جنبـه .. عـز اللـه اللي استـوت في ذاا البـرد ... مـاالكـم بالطـويلـة .. يـدقـوون علـى دوريـة ثـاانيـة ... ويـطلـعـوون كبـس واايـره طـوويـل ويرقـى وااحـد الطعـس عشـااان يشـووفـوونـه ... حـنـااا يـووم جينـاا الا أبـودعيـع شـااب الضـوو .. وضبـط حليب الزنجبيـل .. وبـرد .. ورجـع ضبـطـه .. ويجلسـوون معنـاا العسكـر ودق حنـك وسـوااالـف ...اليـن جـااا خـويـهـم ويـاشـرووله بالكبس اليـن جـااا .. ويسـحـب الكبسـوولـة .. وبعـدهـااا مـووتـرنـااا ... حـوول صـلاااة الفـجـر ... منيب مطـوول عليكـم ... ونـرجـع مبـرطميـن .. وانا وابـودعيـع دق بالكـلاااام وابـومـااجـد شخـري ... يـمـكـن ذي المـوااقف هـي الأبـرز .. وحـلاااوتـهـااا في تـذكـرهـااا ... ومع عضو اللجنة الاخباريه أغلى واحد من منتديات مدمي الشباك بكل صراحه انا لا اجد نفسي هناك .. واذا رحت فهو غصب من علي .. وما قد رحت للبر الا ثلاث او اربع مرات بس أما عن المواقف والله قد صار موقف بس مدري وش يصير هو طريف والا لا .. كنا نمشي بالسياره في البر نمشي شوي الا خوينا فجأه اللي يسوق ضرب الفرامل ووقف .. وش فيه يا ولد قال شوفوا الحراره ناظرت ولاها H وش الحل .. المهم لقينا معنا مويه وعبينا الاديتر .. وبعدها وين الرياض حبيبتي .. وعن المواقف المحرجة والله قد مره غرزت علينا السياره في البر الساعه 2 في الليل ومافيه امل تطلع الكفرات كلها داخله في التراب .. :: وش الحل والجو بااااااااااااااااارد بااارد وانا تعبااان .. المهم طولنا والله قعدنا يمكن خمس ساعات .. والحمد لله لقينا واحد .. وما قصر .. وشاركتنا Day Light من منتديات مدمي الشباك وترى أن النزهة البرية أنا ببساطه أرها ممتعه أما عن المواقف يوم من الأيام رحنا للمزرعة وكنا نتمشى برا ( أنا وأختي ) وافترقنا ورحت انا مع جهه وهي من جهه ثم التفت والا نلقى ونيت يلاحق اختي (كانت تحسبه واحد من العمال :eek6: ) وما غير تشوف غبارها والمشكلة الونيت يلاحقها زيادة . .. بعد سلسله المطاردة صار اخوي إلي يلاحقها ( كنها في فلم هندي ) وشاركتنا غدي الهلال من منتديات النمر حيث ترى النزهة البرية متعه وفائده بنفس الوقت اما عن المواقف اوووووه كثير بذكر آخر موقف حصل..طالعين لمزرعة عمي..وكان فيه مكان خاص للحريم ومكان خاص للرجال .. ماشاء الله كنا كثير ..كانت بنت خالتي معي..وهي اذا صارت معي ..يخلق الهبال قررنا نلعب سباق<<== بزارين وتحمسنا ودخلنا جو..... ومادرينا الا وحنا عند الرجال طبعا مايحتاج اقولكم كيف كان الوضع..خصوصا لما تضغط فرامل وانت مسرع وعن المواقف المحرجة حصل لي وليته ماحصل كنا طالعين للبر وامي موصيتني اصلح شاهي وقهوه وآخذهن معي ونسييييييت ماقصروا فيني...كل شي قالوه عني..كرهت الطلعه قسم وقد شارك مشرف المنتدى العام تحدوه البشر في منتدى النمر ويرى النزهة البرية انا من الفئه الاخيره لا اجد نفسي في البر لايام يوم وزين بعد اهم شي انام في البيت أما عن المواقف موقف محدد لا يوجد لقلت ذهابي للبر وعن المواقف الصعبة للصديق الغالي ( عارف الهلالي ) سابقا المدمر الهلالي حاليا والله من زين الاسمين خبط بمالماطور عباه ماي بدل البنزين وقد شرفنا عضو المجلس الاستشاري في منتدى النمر المتيم في يوسف حيث يرى النزهة البرية والله بالنسبة للكشتات فبلا شك لا احد يختلف كونها تعود على الشخص بفوائد كثيرة منها تغير النفسية وكسر الروتين اليومي الممل وكذلك تعلم الاعتماد على النفس والاستمتاع بالطبيعة في ظل هذا الحصار الرهيب على الطبيعة وخصوصا ونحن في عالم التكنولوجيا والانترنت . ولكن ايضا اعتقد لابد وان تكون في حدود اي انها بالنسبة لي متعة فمتى اردت الاستمتاع وقضاء وقت ممتع مالها غير الكشته .. ولست من النوع الذي يجد في الكشتات الطويلة والمتواصلة فانا احبذ الكشتات القصيرة والمرتبة بشكل اكبر أما عن المواقف المحرجة والله بالنسبة للمواقف الحرجة فوجودها في الكشتات شر لابد منه ولعل ابرز المواقف المحرجة التي لن انساها هو مرة كنا في كشته وكان انا المعد لها واعديت لها اعداد رهيب وكان كل شي ماشي تمام المهم مالكم في الطويلة يوم جا وقت العشا كان واحد من الشباب يطبخ العشا المهم انا لازم اتفلسف اكيد طبعا لاني انا اللي مسوي الكشته قلت له ياخي قياسك للملح موب زين وكل مرة الشباب يشتكون منك عاد هو قال خلاص لو ابي احط ملح بناديك ، المهم يوم جا وقت الملح قالي رح حط ملح طبعا قدام كل الشباب وبصوت عالي عشان الكل يعرف اني انا حطيت الملح واثاريه مسوي فيني مقلب راح وفك العلبة وشال الملح منها وحط سكر :b_blue: عاد انا مخفة جيت مسوي ثقة :aaicon5: والقف العلبة و واحط من ذا السكر .. ورجعت للجلسة وكل شي عادي .. لكن الفضيحه صارت يوم ذاقوا الشباب والمصيبة ظنوا فيني اني سويت فيهم مقلب وحطيت لهم سكر عاد مايحتاج انواع التسطير والابقاس لكن مرت على خير :aabye: :vuur1: : عاد من جد وقتها تمنيت اني ماطلعت :cwm27: وفيه موقف ثاني صعب شوي وهو ان كنا كاشتين و فيه واحد من العيال انشقت رجله شق مهوب بسيط وللاسف كان ما معنا علبة اسعافات اولية وهذا اكبر خطأ وتعبنا كثير يومها وتعب هو وكان الوضع يتفاقم لمرحلة لا تحمد عقباها خصوصا وان المستشفى بعيد جدا لكن الحمدلله سيطرنا على الوضع وانا اقول اي واحد يكشت اول شي يسويه ياخذ معاه علبة اسعافات اولية .. ويرى العضو " غير البشر " في منتديات الهلال أن النزهة البرية : والله بالنسبه لي اعتبرها متعه وسعه صدر .. والواحد لازم يغير جو شوي عن جو المدينه وقلقها وعن المواقف هذا موقف سويته بولد عمي .. ولا راح انساه طول عمري موقف جامد ... مره اتفقنا حنا والشباب نخيم بالثمامه بعد العيد ,, اتفقت مع الشباب كلهم الا ولد عمي وطرى على بالي اني اسوي مقلب فيه .. دقيت على ولد عمي وقلت له (( وش رايك نسافر دبي بعد العيد )) قال (( والله موب شينه )) قلت ((اجل جهز اغراضك وشغلك ..وثاني العيد نبي نحرك ان شاء الله )) ولد عمي كان جوازه منتهي .. وراح يجدده عشان روحه دبي المهم حنا جهزنا المخيم وكل شي وولد عمي مايدري .. للحين يحسب فيه سفره لدبي ثاني العيد دقيت على ولد عمي .. قلت جاهز امرك !! قال جاهز وامره والمسيكين جايب شنطته وجوزاه مأمل على دبي .. وامسك خطي للمخيم .. قال وين رايح قلت لاتخاف ماني بخاطفك هههههههههه .. استغرب وحس ان السالفه فيها انّ يوم وصلت المخيم قال وش السالفه .. قلت بلا دبي بلا هم مافيه احلى من الثمامه خخخخخخخخخخخخخخخخ وعم الضحك ارجاء المخيم ..>> متعوب عليها والشباب انواع التعليق عليه.. اللي يقول يامخفه ترى الثمامه بالسعوديه وانت جايب جوازك هع وهو كره المخيم وحقد علي ويبي يرجع البيت بأي طريقه بس بعدين هدأ الوضع واقتنع بالمقلب خخخخخخخخخخ وعن المواقف المحرجة : هذا موقف لواحد من الشباب ..بس مدري اقوله ولالا .. ولا تدرون خلاص بقوله قام من النوم وقافله اخلاقه .. يوم جينا نبي نصلي الفجر حاول يتهرب واخر شي طقها بوجيهنا .. قال ماقدر اصلي الا لازم اتروش >> جايب العيد خخخخخخخخخخخخخ وراح للرياض وتروش ورجع ويرى العضو " هلالي من طفولتي " من منتديات الهلال : موقف حصل لي بالجامعه بغيت اطيح في الكافتيريا من الدرج بين المحاضرات وتمسكت بخوووويي اللي جمبي وقعدت ادبج فيه واقول له ليش تدفني وهو ميت من الضحك وهو لادفني ولا شي .. ~ وعن أبرز موقف موقف امس بالتنهات وانا كنت ازين الفطووور وقاعد اقطع بصل وحبحر وبحطه مع مقلقل اللحم المهم بعد ماخلصت رحت بغسل يديني ونسيت وفركت يدي بعيوني وخشمي وخذ ياعطاس وخشمي صااار خشم بوزو ويرى العضو " hilalimoot " من منتديات الهلال أن النزهه البرية : تقريباً هي متعه بالنسبه لي .. والطلعات أو الكشتات تكون حسب وقت الفراغ وعن المواقف اعتقد انه لما نسينا الرز في احد الكشتات وعن المواقف المحرجة في مره من المرات كانوا الشباب ناوين يطلعون .. وكان عندي شغله وماقدرت اطلع وقلت اجلوها لبكره ورفضوا .. فطلعوا بدوني وكانت بنفسي الطلعه .. وجاني خبر ان سيارتهم تعطلت وجلسوا يوم ونص مقطوعين ويرى العضو " نواااااااااااف 11 " من منتديات الهلال أن النزهه البرية : والله اول كنت اموت في شي اسمه بر كانت وناسه وجمعه خاصه اذا كانت الطلعه في ايام الاعياد بس الحين العالم تفرقت والمشاغل كثرت وقلت الطلعات عن اول او بالاصح انقرضت.. إ وعن أبرز الموقف هذا هو اللي من بعده كرهت شي اسمه بر من 3 سنوات تقريبا ايام البرد والامطار والسيول كنت في الديره شمال الرياض ب200 كيلو وكان يوم جمعه الساعه 11 صباحا وبكره دوامات قلت خل اروح افطر عند عمي ثم اصلي الجمعه وارجع للرياض المهم لقيت عمي عند الباب وياليتني مالقيته سلمت عليه المهم قال لي وش رايك نفطر بالبر احسن من البيت جلست افكر قلت مب شينه مشينا شغل الددسن حقه واخذنا الفطور معنا وصلنا السد قلت له وقف هنا قال لا اصبر شوي ويمشي بنا وسط الشعبان ايلين لقينا مكان وقفنا فيه وجلسنا نفطر وسوينا شاهي هناك ومبسوطين اخر حلاوه اول ماخلصنا الفطور جينا نمشي امطرت مطره غير طبيعيه وغرز الددسن ونجلس من الظهر ايلين عشر بالليل وحنا نحفر وندف نبي السياره عشان تطلع المهم طلعنا وما امدانا نمشي كيلو الا وحنا والددسن في بركة مطينه وقال هذا مكاني وكان المطر قوي مره هدومنا تبللت ولعب فينا البرد وحنا بالسياره نتنافض دار بينا هالحوار بعد ماصارت الاخلاق زفت انا : الله يلعن شيطانك ياشيخ وهقتنا هنا ونا ودي افرشه من القهر قال لي : اصبر لين يوقف المطر وننزل ندف السياره انا : ايه هين ندف رح دف بلحالك والله وامرحنا بالسياره كانت ليله عويصه انا نمت بالمرتبه اللي ورا وهو قدام كنت اتمنى بطانيه ناشفه احضنها كان كل شي مليان مويه ويوم جا الصبح من يوم السبت نزلنا من السياره نشوف الوضع صار مايساعد الارض كلها صارت طين في طين قال عمي مالنا الاحل واحد تبي نطقها رجليه حتى تمرنا سياره او الدفاع المدني او اللي يجي وتقريبا مشينا 35 كيلو من الصباح حتى الساعه 5 العصر لين مرت سياره شركه يزفلتون خط الدهنا فيها عمال ونأشر لهم ويالله وقفوا كانوا خايفين يوم شافونا متشلحين وركبنا معهم ماوصلنا الا في الليل بس والله تعب دخلنا البيت مانشوف ولقينا الجماعه مولعين السفاتي قالوا لوانكم صابرين شوي بلغنا الدفاع المدني مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ عندنا مستوصف حكومي بالحاره فيه 3 دكاتره هندي وباكستاني ومصري انا ممتحن امهم بالاجازات المرضيه واحيانا توصل للتهديد لو مايكتب التقرير رحت للباكستاني وقلت له انا تعبان ابغا اجازه قال : انت كل شهر شيل خمس يوم اجازه بعدين انا مشكل المهم وامسك الحديده حقت الضغط هو يحسبني ابلفه قام من الكرسي وانحاش ويتجمعون الدكاتره وجا معهم المدير وصارت سالفه وعلموا المدير بكل شي وصرت في موقف لايحسد عليه .. ويرى العضو " الطير الهلالي .. " من منتديات الهلال : حصلت لي مواقف عديده وكثيره في البر وبصارحه منها الصعب ومنها الطريف راح ابدى بطرف قصه بريه مرت علي في حياتي البريه<<<< تحس انه مقطع البراري والفيافي وهو ماعمره قد تعدى الثمامه وشعبان ونفود شقراء المهم مره كنا مخيمين في نهاية رمضان من قبل حوالي 5 سنوات ..المهم انه عقب صلاة الفجر جانا ضباب كثيف مره اول مره اشوف ضباب زي كذا الرؤيه من جد معدومه يعني عساك تشوف الي جنبك ... معنا واحد من الربع مدمن تطعيس والعياذ بالله ..اذا نمت جنبه تسمعه يحلم بجيب مرهم ولا بدباب بانتشي المهم ان الناس تحلم بسندرلا وهذا يحلم بربع مرهم قال خوينا اركبو نطعس الجو رايق !!! اما الجو رايق عساك تشوف الي جنبك من الضباب وذا يقول خولنا نطعس ..المهم صرنا ولله الحمد خبلان وركبنا معه وطلعنا فوق النفود وياليتنا ما طلعنا ...والله ما نشوف شي مره قام يلعبنا على هالطعوس على عماها .... يوم نزلنا من النفود واحنا ما ندري وين الشرق وين الغرب حتى من زود قلبت الراس ما ندري من الي يسوق المهم اننا نزلنا ولا ما درينا الا وذيك الخميه الي دخلنا بوسطها والحمد لله ان الي فيها كانو طالعين برى ولا كان توطينا هم ...وطبعاً عينهم ما تشوف الا نحشتنا على رجلينا الا خوينا راعي السياره قاعد يسولف معهم لأنه صار يعرفهم وهذي هي اطرف موقف مر علي اما عن المواقف الصعبه كنا طالعين كشته في شعيب ابو الطلاح بعد مدينة اوشيقر بكم كيلو ؟؟؟ طالعين والجو صاحي مافيه غيوم ولا شي وصلنا وقعدنا وتغدينا وسبحان الله خلال ربع ساعه تخيل علينا الدنيا ويجينا مطر قوي بالحيل احنا مبسوطين معنا سيارات تطلعنا ما علينا خوف ... بس المصيبه اننا من ذكاؤنا الخارق صرنا كاشتين بوسط شعيب مجرى سيل وجاك السيل من هالشعيب يمشي مليون ...زين الي امداني اضف زوليت امي لأنها موصيتني عليها ... الشاهد في الموضوع ان نص قشنا راح الله يخلف عليه تصدقون من قوة السيل ان دبة الغاز ضافها السيل؟؟ المهم ان السيارات الي معنا طلعت وبسهوله ولله الحمد واحنا طالعين نشوف راعي هايلكس ومعه عائلته ناشب في الشعيب واحنا نبي نرجع قبل العشاء عشان كان فيه مباراة السعوديه والصين في الرياض في تصفيات كأس العالم بفرنسا ..المهم قلنا حرام الرجال عالق بسيل لازم نطلعه ...وقفنا وسحبناه وكل ما طلع الا ويتعلق بطين ثانيه يعني مسكين مانقدر نفارقه المهم سحبناه الين وصلنا قريب لم الخط المسفلت ولكن مدري هي سوء حظ ولا دباشة السواق المهم انه طاح وهو يسحب الهالكس بنقعة فيها مويه ولا في امل يطلع الا اذا كان تجي طياره تسحبه يمكن؟؟؟ والجدير بذكر<<<<< كني قاعد اغطي التمرين حق الهلال ههههه راعي الهايلكس قدرنا ندفه الين وصل للخط اما سيارتنا فاراحت فيها والسياره الثانيه صار سابقينا والجولات ما تشتغل ذيك الايام في المنطقه ؟؟؟ قال راعي الهالكس اركبو بصندوق تخيلو ؟؟ برد ومطر رغم ذلك ركبت انا واخوي وولد عمي بصندوق وعمي ركبناه قدام ؟؟ بس اهم شي انا لحقنا على المباراة واسبوع على الفراش طايحين من انفلونزا حاده كلنا يالأربعه الي بصندوق لو فيه ذيك الايام انفلونز الطيور كان جتنا !!واما عمي قاعد يشرب شاهي ويقشم حب قدام اها يالقهر ويرى العضو " عاشق العثرات .." من منتديات الهلال أما عن " الكشتات " والرحلات البريه ، فهو متنفس وخروج على الضغوط الحياتيه واليوميه التي تجدنا في كل حين مرتعا لها ، فهي دون أدنى شك راحة للنفس و فرصه لتصفية الذهن والخلود إلى المتعه وهروب من أعباء الحياة ولو لفترة وجيزه ،. هي بالنسبة لي متعه ومتى ما حانت الفرصه فإني تواق إلى تحقيقها ، أيضا لا ننسى أنها فائده من حيث التعود على البساطه في الأمور . المواقف الطريفه في النزهات كثيره ، خصوصا إن كان أفراد الرحله " مهبّل " .. ، وسأضطر للتخلي عن الفصحى لسهولة السرد والتلقي .. سنة من الأيام .. ، كنا مخيمين انا والعيال وعددنا اربعه بس ، وعقب ما تعشينا قمنا وطفينا الماطور ودخلناه وربطنا البيبان وكلن راح يزين فراشه ، جيت انا وحطيت فراشي في زاوية الخيمه عند الدريشه ، المراد ان العيال رقدوا ما باقي الا واحد جالس اسولف انا وياه إلين رقد وانا جالس ما جاني النوم .. واقعد اتقلب على هالمرقد ولا جا النوم ، ولين برا فيه هوا ويلعب بالدرايش ، قمت انا وغطيت وجهي بالفروه واقعد اهوجس ، يوم حسيت اني انكتمت شوي .. وارفع الفروه ، يوم رفعتها وتجي عيني على الدريشه .. واناظر ... هاه غمض فتح امسح عيونك .. واناظر زين .. وإلينه شي غريب وجه مدري وشو ، لاهوب وجه آدمي ولاهوب وجه حمار ، شي غريب .. قلت بس يابن الحلال اذكر الله وتعوذ من ابليس .. وماش حاولت اتركد بس وصلت لمرحلة أن هالزول اللي اشوفه قدامي حقيقي مهوب يتزول لي ، ومير أزعق " قوموا يا عيال قوموا يا عيال " .. ويتناقزون وش فيك وانا اتنافض ، قلت برا فيه شي الحقوا .. ويفكون الباب ويطلعون ويدورون ويناظرون إلين ما فيه ابن امه .. يوم رجعوا ، ويقعدون شوي ،، إلين بعضهم كان نايم ورايح في رجلها مدري وش انه محلم فيه .. ولينهم ما برحوا مرتاعين ما استوعبوا الا يوم جلسوا شوي وصكوا الخيمه مره ثانيه .. ثم شوي استلموني ذب وضحك إلين اصبحنا ، طبعا ممكن تتسائلون وش الطريف في الموضوع ، انهم مسكوها علي كل ما خيمنا والا رحنا يمين يسار ، قاموا يستهبلون اللي يروح ورا الخيمه يقول بالله ما شفتو وجه حمار ، واللي من بكره يقول فاتكم والله حالم في وجه حمار . مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ المواقف المحرجه والصعبه كثيره جدا وخصوصا في البر ، لأنك تكون منعزل تماما عن الحياة ومعرّض للأخطار بشكل مباشر ، قبل فتره قرروا العيال يخيمون ، فيه اللي قال التنهات واللي قال خل نبعد شوي ، طبعا أغلب اللي بيخيمون معنا مرتبطين بعزائم وأمور مشابهه مع أهاليهم داخل المدينه ، لذلك قررنا نخيم في الثمامه .. علشان يكون قريب للي بيرجعون ، المهم في الموضوع .. كان معنا ماطور " متفتف " ماطور ألف واط ، و تانكيّه صغير ، يشتغل ساعه ساعتين ويطفى ، طبعا ماكان وجوده مهم مره ولكن جبناه علشان البلوت وخلافه ، كان مكان مخيمنا تقريبا يعرفونه غالبية الشباب ما عدا واحد ، وجونا في المخيم اكثر من مره إلا هالواحد هذا وهو طبعا ما يدل ولا احد وصف له مكان المخيم ..وفي ثالث يوم تقريبا يوم جت الساعه حول الوحده كنا جالسين نلعب بلوت .. شوي والا الماطور قام يتفتف ، الا والله شوي وطفى ، على طفية الماطور جيب ربع وقف قدام الخيمه ونزلوا منه اثنين يركضون بإتجاه باب الخيمه .. وواحد منهم معه كشاف .. يوم وصلوا عند الباب .. قال واحد منهم وهو يسأل خويه .. طفى ماطورهم ؟ ، قال الثاني إيه ,, شوي ويفتح الباب ويوجه الكشاف علينا ،طبعا إذا كان ظلام وموجه لك كشاف ما تقدر تشوف اللي ماسكه او اللي خلف الكشاف عموما ، المهم قال ما عندكم بيالات ..؟ ، رد عليه واحد من العيال قال لا والله عندنا كيسان << اجل كيسان والله مهوب منك من الخوف ، طبعا الموقف هذا صاحبه ركووود ، وكل واحد ينتظر بس وش اللي بيصر ، وأنا ذكرت في البداية مكان المخيم في الثمامه لأنه في الثمامه ما يحتاج تجيب معك سلااح ، مكان قريب والناس حولك ، لكن هذا الحاصل ، جلس هالموقف تقريبا شوي ، ثم زعق واحد منهم ، مهند ، وعرفت انه هو صاحبنا ذاك اللي ما جانا طول اليومين الللي راحت ، يوم دخل قلت على تبن ما فيه سلاام لمدة ثلاث سنين قدام ، وكان معه واحد من اخوياه ، يوم مد يمينه بيسلم علي قلت يا شيخ انقلع هناك ، الغريب في الموضوع أنه جانا في المخيم وبرضه مااحد وصف له وهالإنسان عموما دائما ما يطلع لك من تحت الأرض ، مره في مطار جده جالس في صالة الإنتظار الا هو جايني يسلم ، ودائما ما تحصل مواقف معه هو بالذات لي او للعيال في خصوص انه يطلع لك من تحت الأرض .. . نهاية أحب أشكر طاقم المجله لإتاحة الفرصه الأكثر من سعيده ، وأعذرونا على الإطاله (( اللي يشوف كلامي يقول ذا فيه جوع سوالف )) ، ولكم تحياتي المعطره .. ويرى العضو "هلالي تنومة ... " من منتديات الهلال اسواء موقف مر علي يوم كان عمري 15 سنة اتذكر طلعنا في نزهه في بستان ومعنا العديد من الاقارب واتذكر انه يوجد في البستان بركة سباحة وكان احد الاقارب اكبرنا سن يعلمنا السباحه ويوجد لدية اعتقاد خاطئ بان التعليم يأتي عن طريق رمي المتعلم في البركة وهذا ماحصل حيث رماني في البركة وفي غفله مني وعلى طول في الغويط بس لحقني وطلعني واعتقد انه طلع من بطني مايكفي وايت من المياة ومن يومها الى يومنا هذا وانا اكره السباحه واخاف من تعلمها فصار موقف عالق في الذاكرة ولايمكن نسيانه #### الموقف الثاني لواحد من الاصدقاء كان نايم عندي وضرب التلفون زكان واحد يسأل عنه فقلت له انه نايم قال بالله قومه من النوم وخله يرد على مكالمتي وبالفعل جلست اصحي فيه واقول رد على التلفون واخينا في الله جالس يصيح وهو نايم ولاحتى مسك السماعه بيده يصيح الو الو الو وانا افطس ضحك عليه ############ والحقيقة انا ماني راعي بران بالحيل بس فيه موقف يحضرني الأن قبل سنتين يوم الامطار والخيرات على الصمان انعزمت انا وواحد من الاصدقاء في الصمان بس مع الاسف ضيعنا المحل وراح علينا الغداءورجعنا خايبين بربع كبسة بخاري من مطعم بدل المفاطيح والعلوم السنعه .. ويرى العضو "اسير العبرات 9 " من منتديات الهلال موقف طريف طريف والله ماعندي لان كل طلعاتنا فله ولعب سله اما المحرج مرة الساعه 12في الليل طالعين النفود وكانت ليلة مباراة الهلال مع الاتحاد العام قبل النهائي المهم انا قايل لربعي لازم نرجع قبل الفجر علشان انام واقوم الظهر ونمشي الرياض نحضر المباراة المهم اول مادخلنا النفود طاحت الركبه علينا وجلسنا الى بعد الفجر الين جانا واحد من الشباب ورجعنا معه واضطريت اني اروح للمباراة مواصل ((شكرآآ لك على اتاحت الفرصه لاسير ) ويرى العضو "وردة الهلال .. " من منتديات الهلال أن النزهه البرية : احب الكشتات خصوصاً إذا كثروا المايونيز جميلة جداً طلعات البر ..خصوصاً بعد نزول الأمطار .. أو إذا كان غيم قمة الروعة .... بس يبي لها شروط خاصة ... أولها ما في ممسى .. و تكون العدة كاملة من إلى ... ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ احاول اتذكر بس لو تدرون ان آخر طلعة يمكن قبل سنتين بس اتذكر لما كنت بالمتوسط.. كنت العب كورة و لا اطلق ولد و 24 ساعة اطقطق في الكورة .. طبعاً السنة هذي كانت اول سنة لي مع الغطا و كانت معاناة لأنا ما نطلع بلحالنا و الكورة ماقدر افكها كنت العب الكورة و هم يسوون الغدا و الظاهر ان فيه وحدة رفلا خلت القدر مفتوح عاد الكورة كانت تمشي بمان الله في السما طبعاً .. هي طاحت في القدر و انا طاح وجهي بس مسرع ركبته .. كانت تقول لا خيرك و لا كفاية شرك مو بنفس اللفظ .. لا بلفظ الله يجيركم بس زعلت على عمري و يمكن هو اهم اسباب اعتزالي للكرة و لا كان تشوفوني محترفة في الدوري الامريكي للسيدات .. ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ موقف شخصي .. ما اذكر .. فيه موقف حصل لبنت عائلة من معارفنا .. الموقف قديم جداً .. أثر فيني فقط بروايته .. ظليت و انا بسن صغيرة ما احب البر بسببه و دائم أفكاري تجيبني و توديني اذا سمعت طاري البر .. الموقف .. ان بنت صغيرة لها خمس سنين تحركت السيارات غياب الشمس و كل سيارة تقول مع الثانية .. و ظلت البنت في البر الى بكرى الفجر .. عاد انواع القصص يقولون انها تقول كان معها رجال طول الليل ... و هم فسروه على و انه ملك .. أيضاً كانوا شايفين آثار حيوانات مفترسة و متعجبين ان البنت ما صار لها شي منها ... الموقف شنيع جداً .. تخيلوا تفقدون طفل فترة الليل كله و في بر ... و علشان تعرفون قد ايش الموقف صعب .. لاااازم تعرفون انها ما تحب الآن أحد يجيب طاري الضيعة لها و لا يسألها .. مع كونها ام و ربة بيت و اطفال و زوج [ تربي الزوج ! ] ..و أنا لما نركب السيارة راجعين من البر و عددنا احياناً ما يتعدى خمسة نقوم نعدنا واحد واحد ويرى العضو "هلالي وان جار الزمن .. " من منتديات الهلال أن النزهه البرية : ~ ربما تكون هواية أو متعة وفائدة والبعض يرى في ذلك عادة والأخر لا يجد نفسه هناك فمن أي الأقسام أنت ؟ بصراحة هي ليست هواية .. أو أنني لا أجد نفسي الا هناك .. هي بالنسبة لي ( متعة ) .. حيث أنني أحاول أن أخرج لو مرة في السنة .. ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ كنا ثمانية من الشباب .. خرج ستة من الشباب بعد الفجر لجلب بعض الاغراض وشراء الفطور وقضاء بعض الحوائج .. وبقيت أنا وواحد من الشباب في المخيم .. وقالوا لنا جهزوا الشاهي بعد ساعتين .. مرت الدقائق .. وشاهدنهم من بعدي قادمين .. ولم نجهز الشاهي فقمت بسرعة الى براد الشاهي .. فوجدته نصفه ممتليء بالشاهي << من اليوم اللي قبله فحطيت عليه مويه وحطيته على النار شربوا الشباب الشاهي .. وما شربت أنا وخويي .. خمسة من الستة جاهم مغص شديد وكل شوي واحد يقوم .. ويقول عن أذنكم ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ موقف ( ماسأوي ) لن أنساه ما حييت .. حيث أنها المرة الاولى في حياتي التي أشاهد فيها ( انسان ) يموت أمامي كنا على البحر .. ايام اختبارات .. وكان عددنا 7 .. ولم يكن بجوارنا أحد سوى عائلة تبعد عن مخيمنا قرابة الـ 200 متر .. كان ثلاثة من اخويانا يسبحون بعد العصر .. وكنا نحن البقية نلعب بلوت في المخيم .. فجأة دخلت علينا بنت ( في العشرينات ) من عمرها وهي تبكي وتصارخ علينا : قوموا أنقذوا اخواني .. غرقوا في البحر .. فقمنا وصيحنا على اخويانا اللي يسبحون .. ورحنا للعائلة .. فاذا بالحريم يبكون .. والاطفال يصرخون .. قالوا : اولادنا أعمارهم في الـ 15 والـ 16 يسبحون .. وغرقوا .. وابوهم راح ينقذهم .. وما يعرف يسبح .. راحوا الشباب للبحر .. وبقيت انا وواحد من الشباب مع العائلة ( كانوا ثلاثة حريم كبار .. وثلاث بنات شابات .. وطفلين ..) .. وواحد من أخويانا راح يبحث عن خفر السواحل .. في البداية أقنعنا الرجل بالطلوع من البحر والعودة للشاطيء .. وبالفعل .. وذهب الشباب لانقاذ الولدين .. واحد من أخويانا مسك واحد من الاولاد .. وجابه لنا .. كان يلفظ انفاسه الأخيره .. وبالفعل مات بين أيدينا خفر السواحل .. حضروا بعد ساعة تقريباً .. وجلسنا نبحث عن الولد .. من الساعة 4 العصر .. ولم نجده الا الساعة 12 الليل .. وهو جثة هامدة .. رحم الله موتانا وموتى المسلمين .. رغم مرور أكثر من اربع سنوات على هذا الموقف .. الا أن العبرة تخنقني كلما تذكرته .. ولن أنسى ما حييت دموع امهم وأخواتهم وبكائهم وصراخهم .. وأنهيار الأب .. كان موقف صعب جدا .. كنا بين نارين .. بين نار البحث عن الاولاد .. ونار العائلة التي كانت تبكي وتصرخ فينا كلما شافت واحد فينا طلع للشاطيء .. خوينا اللي أنقذ الولد الاول أصيب بانهيار عصبي .. وجلس فترة طويلة يتعالج .. وبالفعل رحلة لا تنسى .. ويرى العضو "ابو نورة شايت الكورة .. " من منتديات الهلال أن النزهه البرية : هواية تجمع المتعة والفائدة و الهبال و القفطات والإقلاع حتى الضياع ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ طريف !؟ امممممممممممم .. ايه ذكرت .. وايه ذكرت واحد ثاني بعد .. اختاروا ؟؟! .. يلا بما أنكم اخترتوا الأول أجل بقولكم الثاني : مره كنا طالعين نفس الوقت هذا بس بالسنه اللي راحت ومخيمين بطعووس .. الزبده اخوي الأصغر ( ابو شذى ) كان رايح يحطب وكان مسوي لنا في أمها أبطل بطل بالعالم لدرجة أنه عيا يخلي أحد يخاويه قلناله خذ معك أحد ( عشان المنطقه كلها تضييع في تضييع ) ستين ألف طعس جمب بعض وكلهم زي بعض راح البطل الشجاع المغوار .. و تأخر !!!!!!! وكان الوالد معنا فقال لي : قم يا أبانورة لله درك ابحث عن أخيك الصائع الضائع فأجبته : أبشر بعزك ياشيخ قعدت أبحث وأبحث وأبحث فلما يأست قلت لنفسي عُد إلى ابيك وباقي العشيره لعل ذلك البزر قد رجع وعندما أردت الرجووع اذا بالكارثة والطامة والصاعقه اذا بي حتى أنا شخصيا ً قد ضيعت قعدت أفرفر وأفرفر وكادت الدموع أن تهل كما لو أنها بزابيز اذا بأخي المضيع ( ابو شذى ) أمامي ومعه حطبه عندما رأيته انفجرت بوجهه قائلا ومصرفا ً ومتجاهلا ضياعي ونسياني طريق العوده : وين ذلفت يبو ؟ لي ساعه أدورك فكان هو يعلم طريق العوده ولايعلم أنني لاأعلم فعدنا سويا ً وسويت فيها أمام الوالد أنني أحضرته من أقصى أقاصي الدنيا - وبعد كم اسبوع قلت له الصدق اني كنت أدوره وضعت - وهو الذي جابني ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ اووووه .. هذي أعتقد بعض الأعضاء وأولهم ابوساره لايخفى عليهم قصة لي من هذا النحو اذن خلوني أقولكم قصة أخرى ربما تكون الألعن بالنسبة لي ولا يعلم بها أحد من الأعضاء بإختصار : أيام الصيف ومن خلال حبي لتحدي الرمال قررت في عز الظهرية المجازفة والنزول من طعس شاهق شامخ ابن امه اللي يفكر يدحدر منه بس وكان معي مرافق ذيبان وفزاع وسنايدي قال لي بالحرف الواحد قبل الشروع بالكارثة ( ياخوي طالبك تأجلها إلى العصر على الأقل الجو يكون بارد ) أبت نفسي الا ان أكمل التحدي حتى آخر قطره من سعابيلي حاولنا ندحدر واذا بالموتر يغرز بنا ونحن في عز الظهرية في ذاك الموقف الرمال كالجمر والشمس صاقعة فوق روسنا ونحن نحفر وندفن وفي ذيك الساعه قال لي رفيقي : يلا ياذيبان خل نشوف آخر قطرة من سعابيلك واستمرينا الا أن وصل بنا الحال إلى اليأس وفقط قعدنا ندعي الله ينجينا وأنا في موقف جعلني أكره من يجيب لي طاري التحدي والرمال والسعابيل كلها والحمد لله رجعنا العصرية سالمين غانمين : ويرى العضو "سامر ليل .. " من منتديات الهلال أن النزهه البرية : ربما هي متعة محببة للنفس أحب تكرارها بعض الأوقات.. أكثر من كونها هواية أو عادة بالنسبة لي !! ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ من المواقف الطريفة التي لا زالت عالقة في ذهني .. كنا في (( كشتة )) مع الأقارب بعد العيد .. وذلك قبل عدة سنوات وبينما كان الصغار يلعبون بالطراطيع و الصواريخ .. كان أحد الأقارب ينوي ذبح الخروف اللي معنا .. (( و كان معصب في هذاك اليوم .. لأنه تلقى اتصال من عمله يخبرونه برفض تمديد الإجازة )) المهم أنه .. تفاجأ بصاروخ ينفجر في خشمه ويحمد ربه إنه من الصواريخ القديمة (( الصغيرة )) .. ولا لوكان من طرطعان هاليومين كان إلى هالحين وحنا ندور قطع وجهه المهم خلال هالحادث الأليم .. انطلق الخروف من يديه لحقه بسرعة .. واجهز عليه بكل وحشية وهو يقول .. (( احصلها منك ولا من مين )) ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ من ناحية المواقف المحرجة أو الصعبة .. لم يمر علي موقف في هذه الدرجة من الصعوبة والإحراج !! ولكن ربما أصعب شئ في (( المكاشيت )) .. هو أنك تتوضأ لصلاة الفجر ويرى العضو "الاسطــورة .. " من منتديات الهلال أن النزهه البرية : اجد نفسي ضمن المتعه والفائده في ان واحد , نظرا لان مثل هذه الكشتات او النزهات تخلق جوا رحبا في داخل الانسان فهي تعوده في المقام الاول على الخروج من جو الروتين او الضغط وتساعده على التجديد في نفسه وتعامله وحتى روحه , فمن احيانا يجد في السفر التغيير فحتما يجد في النزهات التغيير كذلك رغم فرق المده او المكان , الا اني اجدهما متساويه من حيث ترك الاثر , فقد يكون السفر على مستوى اكبر ويحتاجه الكثير من الناس الا ان النزهات او (( الكشتات )) تخلق ايضا جو ترفيهيا ذا متعه في فترات الروتين او الضغط او الضيقه التي يمر بها الانسان في مدات قصيره ويريد التخص منها واعطاء مجال ليوم غدا اجمل وافضل سواء نفسيا او داخليا ,, وليس ذلك فقط !! بل اضافه الى المتعه يكون منها الفائده بالتواصل اكثر من الطبيعه وشخصيه الانسان وعدم حصره في جو روتيني فهي تعطي فائده اكثر من خلال النزهات الى التأمل وصفاء التفكير وبعث الراحه وكان الامر اشبه برؤيه هذا العالم من اعلى قمه في العالم , كما ان النزهات او الكشتات تعطي جسرا خفيا بينك وبين من معك فهي تقرب من خلال الاحاديث او الافكار او التواصل بينك وبين رفيق الكشته او النزهه فتعطي انطباع اخر بعيدا عن اى محادثات تكون في جو او مكان اخر (( لغير النزهات )) , وتستطيع ايضا ان تكتشف من خلالها مدى قدرتك على التعامل بوتيره واحده او اكثر من خلال هذه النزهات ومدى حتى تقبلك لمثل هذه الاجواء التي تكون اشبه حينها بكتاب قابل للطوي لكل مافي الخلف ورمي كل ميحمل النفس من هموم ,, فهناك من يطلق عبارات السفر او الرحيل بعيدا لاطلاق همومه والنعم بكل شىء جديد في حياته , , اذا اليس لنا احيانا ان ننعم بنزهه او كشته بعيده مع من نرغب بالتنزه معهم للنسى ونزيل كل امر تحمله نفوسنا وننعم بفائده يكون جوهرها (( نفسيا ومعنويا )) وليس فقط ذا (( متعه )) لاضاعه الوقت ؟ اعتقد واجزم بذلك من حيث المتعه والفائده في ان واحد متى ماعرف الانسان كيفيه استغلالها واربها بطريقه لاتؤثر على الاخرى ,, ~ موقف ربما يبقى في الذاكرة من خلال " تلك النزهة " ما أبرز موقف طريف حل بك ؟ في احد الكشتات التي حدثت وفي اول كشته تعتبر لي ولكم واحد من الشباب , كنا قد نسينا جلب معنا الملح , فاصر احد الشباب ان يذهب ليجلب الملح فرافقته وبدلا من رجوعنا الى الطريق الذي نريده ذهبنا مع طريق اخر وتفاجئنا با السياره غرزت بنا في اخر هالليل , واثناء ماكنا نحاول اخراجها وسط هذه الظلمه ونحاول ان نتضحك لمسامره انفسنا في مثل هالموقف فكان حينها نرى خيمه لاتبعد كثيرا عنا وكنا نظن في البدايه انها خيمه لحارس ما , وبعد ان اخرجنا السياره بطلعه الروح عدنا لبنحث ونبحث عن طريقنا حتى وجدناه ثم جلبنا الملح وجدنا جيب (( شاص )) موقف امام خيمتنا بيد (( شايب )) وليحه حمراء لصدره ومعه رشاش وواقف امام مقدمه سيارته ويطلق على نار الخميه والشباب في الخيمه (( يرقلون ويصارخون)) ويطلق على النار للاخافه , وبعد مجيئنا اكتشفنا ان الخيمه التي توقفنا قبلها وغرزت سيارتنا عندها تعود لهذا الشايب وبها زوجاته وبناته وكان من خلفه حلاله , وكان يظن اننا اتينا للاعتداء عليه فااراد ان يباغتنا ظنا منه اننا نريد ان نباغته اهله ومتوقعا ان المتواجدين في الخيمه هم من كانوا بالقرب من خيمته وليس نحن وحينها عندما حل الامر وراينا بقيه الشله فكانت وجوههم متلونه مابين اصفر وازرق واحمر هذا غير الرجفه اللي واضحه حتى عيونهم ,,, فكان موقف طريف ومحرج في نفس الوقت لا انساه لانه كان اول كشته ويصير هالموقف معك ,, ~ مواقف حرجة ربما وأوقات صعبة كانت حينها يتمنى ذلك الفرد لو لم يكن موجودا في تلك البقعة هل حصل لك موقف محرج أو لأحد أصدقائك ؟ هناك موقف محرج لاحد الاصدقاء , ففي احدى المرات كان احد الشباب يريد الذهاب لجلب مؤنه وعندما قطه نصف الطريق ضرب عليه كفر سياره فوقف لاصلاح الكفر واثناء ماكان يفك ويربط في عجله السياره فاذا بصوت من خلفه يشعر به ينفس نفسا اشبه بالشهقه وهو الذي يطير طائره لباب السياره ويغلقه عليه ويمسك ويحاول رفع (( قزازه )) السياره ولاترتفع فيكتشف حينها انها لاتعمل ويزداد حراجه الموقف ويتعلق ثوبه (( بقير السياره )) فيعتد ان من نفس من خلفه يشد في ثوبه , لدرجه انه من حرج الموقف لم يستطيع ان يتخلص من مفاتيح الربط وظلت في يده متسمره وحينها بسرعه يشغل السياره ويبحث عن مصدر هذا النفس الذي قرب له وشهق باذنه هذا الشهق العالي , ولم يجده وعندما ذهب لرعاه الغنم في صباح اليوم التالي ومعه المجموعه التي يكشت معها يحذرهم من انه يوجد اسد او نمر في هذه البريه واثناء ماكانوا يفتحصون المنطقه للبحث عنه شاهدوا راعي وعندما اراد ان يحذروه من هذا الحيوان المفترس فطلب معرفه القصه بالتفصيل وعندما سمعها وعرف المكان الذي وقفته فيه السياره والاثر الموجود حولها ضحك ضحك وقال ان هذا حمار وحشي يدور احيانا في هذه المنطقه وانه ليس نمر او اسدا , وانه لايخيف باى حال من الاحوال فانحرج الصديق من موقفه خاصه وان زملائه معه وكل من شاهدوه من الاصحاب اخبروه بالقصه واصبح حتى هذه اللحظه يذكر بهذا الموقف وعندما يرون حمارا سواء في التلفاز او غيره يشيرون ان هذا نمر او اسد من فصيله نادره ,,[

ما أسود في جوفه أبيض ** وأبيض في جوفه أسود ما افترقا قط ، وما استجمعا ** كلاهما من ضده يولد فما هو ؟؟

النقاط الأساسية عند اتباع الأنظمة الغذائية ضرورة مراعاة النقاط التالية لدى اتباع أي نظام غذائي: ـ أن يحتوي النظام الغذائي على جميع العناصر الغذائية الضرورية لصحة وسلامة الجسم. ـ عدم الحرمان من الأطعمة الدسمة لكونها ضرورية للجسم، ولكن يمكن التقليل من تناولها. ـ الإكثار من تناول الخضار والفواكه والحبوب. ـ الامتناع عن تناول المشروبات الغازية. ـ الاستمرار في النظام الغذائي لفترة طويلة كيلا يزداد الوزن ثانية. النظام الغذائي النفسي الرجيم الغذائي النفسي الذي يتم تطبيقه عن طريق مراكز العلاج النفسي للبدانة، والتي يتم التركيز فيه على محاربة أنماط الشخص السلوكية المتعلقة بتناول الطعام ومحاولة اكتشاف المشكلة الأساسية من زيادة الوزن، والتدريب على كيفية المحافظة على الوزن الطبيعي أو القريب من الوزن المثالي الذي وصل إليه الشخص بعد تطبيق هذا النظام، ومساعدته على التخلص من الشعور بالذنب لكونه بدينا، والابتعاد عن استخدام الأدوية والمستحضرات التي يشاع عنها أنها الوصفة السحرية للبدانة. مع ضرورة الالتزام بممارسة التمارين الرياضية لمدة تتراوح بين 40 ـ 60 دقيقة كل يوم، والمشي لمدة مماثلة أيضا، مع إثارة وعي الفرد بأن يتناول ما يحتاج إليه جسمه فقط وأن يسيطر على نفسه ويستخدم إرادته القوية في ذلك. والجدير بالذكر أن الريجيم الغذائي المصاحب يتميز بالمذاق الجيد ولا تتعدى سعراته الحرارية 700 سعرة حرارية في اليوم وهو يتضمن الأطعمة في الوجبات الثلاث التالية: الإفطار: ـ نصف ثمرة جريب فروت. ـ بيضة مسلوقة. ـ قطعة توست جاف. ـ شاي أو قهوة بدون سكر. «ويمكن استبدال البيض والتوست بأربع ملاعق من حبوب الكورن فليكس مع نصف كوب لبن منزوع الدسم». الغداء: وهو قليل البروتين: ـ طبق كبير من سلطة الخضار الطازج. ـ طبق متوسط من شوربة الخضار. ـ 60 جراما من التونة خالية من الزيت «أو قطعة متوسطة من الجبن القريش». ـ برتقالة أو 6 عنبات أو 6 ثمرات فراولة أو قطعة صغيرة من الشمام. العشاء: مثل الغداء مع إضافة 120 جراما من اللحم والدجاج أو السمك. وهناك تمرين نفسي يمكن ممارسته عند التعرض لإغراء الآكل. ـ ضع إصبعي السبابة والإبهام فوق الجبهة أعلى الحاجبين ثم اضغط بشدة. ـ احبس نفسك 5 ثوان بعدها استرخ تماما وأنت جالس. ـ كرر هذا التمرين 5 مرات. وهو تمرين يساعد على التخلص من السلوك الذي يمارسه الفرد لا إراديا وهو في قرارة نفسه لا يريد ممارسته. صداع الرأس المزمن (( والعلاج )) ..... لصداع الرأس المزمن مسببات كثيره لا مجال لذكرها ومن بينها الإجهاد وعسر الهضم , إرتفاع ضغط الدم وأسباب عديده معروفه وأخرى غير معروفه . ويستخدم المريض لهذا المرض أقراص المسكنات كالأسبرين والباراسيتامول ومنهم من يشفي بإذن الله ومنهم من لايشعر بتحسن على الإطلاق فيلجأ إلى الأطباء إلى إجراء التحاليل والفحوصات اللازمه لمعرفة أسباب هذا الصداع المزمن . وكم من مريض كانت نتائج فحوصاته وتحاليله إيجابيه دون معرفة أسباب هذا الصداع . والطب الحديث له الأثر الكبير في معرفة بنيه الإنسان والعلاقه بين أعضاءه , فكل طبيب معترف له بشرف مهنته فهو الذي يسر له الله لأن يكون الوسيط بين الإنسان ورغبته لمعرفة مايسكن في جوفه وما يتحرك في عروقـــــه . وللأسبرين ومشتقاته مضارا كثيره منها مايصيب الجهاز الهضمي , لذا نرى كثرته مضره وقد تؤدي إلى مضاعفات لاتحمد عقباها . ففي الحبه السوداء الناعمه شفاء كذلك لصداع الرأس , ولتركيب هذا العلاج . تلزمنـا المواد التاليـــه : 1 - الحبه السوداء . 2 - الينسون الناعم . 3 - مسمار القرنفل الناعم . طريقة تركيب علاج صداع الرأس : تخلط ثلاث مقادير من الحبه السوداء الناعمه والينسون الناعم ومسمار الفرنفل الناعم , ثم تحفظ هذه الخلطه في إناء مغلق يؤخذ منه بعد ذلك المقادير المطلوبه للعلاج . طريقة إستعمال العلاج : 1 - ملعقه صغيره مرتين في اليوم قبل وجبتي الإفطار والغداء , ويتم بلعها بواسطة الماء . 2 - بعد يومين أو ثلاثه سيزول هذا المرض المزعج بإذن الله . كما أن هذا العلاج فعالية لمن يتعرضون للصداع المستمر لكثرة الإجهاد الذي تتعرض إليه العين وخاصه عند الأدباء وهواة القراءه وكتابة القصص . ولمثل هؤلاء أنصح بتناول : 1 - ملعقه متوسطة من هذا الخليط وبلعها بواسطة الماء وسيشعر المريض بتحسن خلال بضع دقائق إن شاء الله . كما أن لهذا أثر في تسكين وجع الأسنان بإتباع الأتي : يعض على مكان الألم بلفيفه صغيره من القماش المسامي تحوي ملعقه صغيره من العلاج لمدة 10 دقائق . وسيشفي المريض بالصداع المزمن أو ألم الأسنان بـــــإذن الله سبحانه وتعالى .