نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - عاجل لأدارة النادي : درة الملاعب سيتم تقسيم مدرجاته ....... نرجو التدخل السريع ......

سلمان بن محمد · #9 30/01/2006, 06:36 PM

يالغالي

زمان كانت الجماهير الهلاليه تحضر بكثافه مرعبه في استاد الملك فهد

وما كان فيه مجال للنمشان ولا غيره يقسمون الملعب

عندك مثلا نهائي البطوله العربيه 1415هـ بين الهلال والاتحاد

حضرت الجماهير الهلاليه بشكل كثيف جدا وكأنها مباراة للمنتخب

وجمهور الاتحاد (20 نفر) ما لقوا مكان الا يسار المنصه وبالطقاق بعد

وهذي بعض الصور للجمهور الهلالي المرعب !!

ما فيه تقسيم للمدرجات !! الملعب كله أزرق

الملعب كله هلالي مع أنها نهائي ومع الاتحاد

وما جاء في بالهم أصلاً يقسمون المدرجات

والسبب : جمهور الهلال كان يحضر بكثافه !!

حتى النصراويين اللي راحوا الملعب لقوا البوابات مقفله والمدرجات Full

أما الان

ورغم كل البطولات الهلاليه

لا زال 80% من جمهور الهلال في الرياض متعيجز يحضر !!

قال ايش : اشوفها في بيتنا أريح !

لذلك لا تستغرب بالعكس انا اطالب بتقسيم المدرجات دام الجمهور الهلالي في الرياض يقدّر شوفة المباراة في التلفزيون

الموسم الماضي مباراة الهلال والاتحاد .. ذهاب دور الأربعه في كأس ولي العهد

طالبنا بعدم تقسيم المدرجات

لكن للأسف جمهور الرياض ما حضر بكثافه وبصعوبه امتلت الواجهه فقط !!

اذا رجع جمهور زمااان .. وقتها نقدر نطالب بعدم تقسيم المدرجات !!

إقتباس

الرسالة الأصلية كتبت بواسطة النجماوي


	الحين خل الجمهور يتنزل ويحضر وبعدين فكر بالتقسيم

كلام سليم

وشكرًا لك اخوي ..