--------------------------------------------------------------------------------

السلام عليكم ورحمة الله وبركاته ..

يالله حي الشعب الهلالي ..


ومبروك الفوز اليوم .. والله يكثر خير اللي حضر اليوم ويعطيهم العافيه ..


للي شاف مباراة اليوم او اللي ماشافها حبيت انقل بعض ارائي عن مباراة اليوم من خلال هذا الموضوع ..


@اولا ..بدأ المدرب "الفلته" الكسندر بتشكيلة مكونه من " العتيبي , الهليل , تفاريس , العصفور , مضواح , البرقان , سعد ذياب , عمر الغامدي , جيلسون , كوماتشو , الصويلح "...

@ طبعا التشكيله كانت واقعية باستثناء وجود "جيلسون" .. اللي كان والله عالة على الفريق .. ولو اننا لاعبين ناقصين افضل ..

@" حسن العتيبي ".. عودة حميدة ان شاء الله .. ولو ان كورة الهدف كان من المفترض ان يتعامل معها افضل .. بس ماعليه .. اول مباراة بعد الغيبة الطويلة .. وان شاء الله نشوفه افضل في المباريات القادمه ..

@"الهليل" .. من اول غلطه في المباراة والجمهور شاب فيه .. سب وشتم ويافاشل .. ياناس اللاعب يلعب في موقع حساس وهو الدفاع ومن بداية المباراة .. اقل شيء ياخي تسويه شجعه او اسكت .. والله يلوم اللي يلوم الهليل على مستواه اللي ظهر فيه .. لاني مثل ماقلت الجمهور من اول غلطه وهم شغالين في اللاعب سب .. والله يوفق الهليل في المباريات القادمه ..

@"العصفور" .. لكل من طالب بالعصفور بديلا للحماسي "الياس" ..اطالبهم بالرجوع لمباراة اليوم ومشاهدة مستوى العصفور ..


@"مضواح".. ماقصر الله يعطيه العافيه .. ولو اننا نتظر منه افضل من كذا ..


@"الغامدي".. والله مبدع يالغامدي .. ماشاء الله عليه من مباراة فالنسيا وهو ماشي صح .. وكمل هالابداع بهدف من تسديدة ولا اروع .. ما اقول الا الله يوفقك يالغامدي ويديم هالتالق يارب ..

@"جيلسون" .. عالة على الفريق .. ماادري وش يسوي .. لو لعب واحد من الشباب اللي في الحتياط "العبدالسلام , الموري" ..والله بيقدمون افضل منه ..لكن ان شاء الله من الملعب الى المطار ..


@ "الصويلح" .. نجم مباراة اليوم بدون منازع .. مع انه لم يلعب الا عدد قليل من المباريات كاساسي ..الا انه ظهر بمستوى وحماس رائع في هذه المباراة .. وتسبب في هدفين .. بعد ان جهز لكماتشو كورة الهدف الثاني امام المرمى وانهاها كماتشو .. وكذلك تسبب في الهدف الثالث .. بعد ان تخطى مدافع الانصار بطريقة رائعه ... وحاول تجاوز الحارس الا ان الحارس اعاقه وهو منفرد بالمرمى واحتسب الحكم ركلة جزاء واعطى الحارس كرت احمر مستحق .. كما تعرض لمخاشنات عديدة .. احدها نال على اثرها المدافع الانصاري كرت احمر بعد ضربه "للصويلح" بدون كرة .. ماقصرت ياكابتن والله يوفقك ان شاء الله في مشوارك القادم ..


* الغريب في المباراة مجاملة "الكسندر" ل "جيلسون" واخراجه ل "سعد ذياب " .. لكن تبقى وجهة نظر المدرب .. وهذا رأيي فيها ..

* طالب الجمهور كثييرا ب"ســــامي" ... لكن "الكسندر" لم يلبي الطلب لانه سيكون على حساب "جيلسون" ..

*جمهور كبيير حضر المباراة .. وياتي السبب الاكيد لهذا الحضور لان المباراة غير منقوله .. والله يعطيهم العافيه ماقصروا .. وكذلك لعيبتنا ماقصروا واهدوهم الفوز والنقاط الثلاث ..


ويبقى كل الكلام اللي قلته "وجهة نظري" .. وبالتوفيق ان شاء الله للزعيم في مبارياته القادمه ..


ســـــلام.."ابوناصر"..