تمنيت اشوف اسمك على كرت الفرح مكتوب ,,
حروفه تسحر عيوني تموتني وتحييني..
تمنيتك تجي عاني تسابقني الهوى وتذوب,,
أحط القلب في ايدينك وقلبك صار بيديني..
تمنيتك تجي خاطب وتهديني الغلا مسحوب,,
وانا مهري ترى شوفك وشوفك بس يكفيني ..
تمـنـيـتك تـقـدم لـي هـديـة عـرسـنا يادوب ,,
ابي اسمع صدى صوتك وهو يردد تحبيني ..
تمنيتك مثل منته حبيب وغايه المـطـلـوب ,,
ولااطـمـع تـرى بمـالك أبـد مـابـيه ياعــيـني..
اذا شفتك يحق لي اغني من الفرح مسحوب,,
وانادي باسمك الغالي حبيبي ليه مشقيني..
انا اللي دايم احلم بك انا اللي قلبي المعطوب,,
وانا اللي كاتم الفرحه واعد الوقت بسنيني..
يضيع العمر في لحظه وانا ارجى جية المحبوب ,,
على باب الأمل ناطر عساه يمر ويجيني..
انا ادري تناساني تناسى وعده المكذوب,,
تناسى اجمل احلام رسمها الحب في عيني..
ولكن ضاعت الفرحه ومعها ينتهي المكتوب ,,
ويبقى لي صدق صوته وهو يردد تحبيني..
