أنا من رأيي إن هالمباراة مهمة للمنتخب وراح يكون من أفيد اللقاءات

خصوصا بعد ما شفنا نفس الأخطاء اللي صارت مع منتخب باراجواي تتكرر في برنامج المباريات الودية للمنتخب بحيث إن المنتخبات اللي بنقابلها ليست بذاك المستوى اللي كنا نتوقعه. وزيادة على كذا راح تلعب المنتخبات المشاركة بلاعبين الأندية المحلية بدون المحترفين. ولعل أبرزهم المنتخب السويدي اللي قال مدربه إن الغرض من مشاركته في هالبطولة هو إعطاء الفرصة لوجوه جديدة وتنمية مواهبها. ((نستضيفهم ونجيبهم ونخسر عليهم وأخرتها هم اللي يستفيدون!!))

لذلك أعتقد إن المنتخب الياباني يعد من أفضل المنتخبات لأعداد المنتخب السعودي لكأس العالم
لأنه مضمون إن اليابان بتلعب بلاعبينها الأساسيين عشان ماتفرط في تصدر المجموعة وتحافظ على سمعتها.
وتعتبر اليابان من أقوى الفرق الأكثر إحتكاكا بالمنتخب السعودي ويليه ايران ثم كوريا
والمنتخب الياباني تغير عن المنتخب اللي كنا نقابله زمان لأنه أصبح الآن يملك عدد كبير من المحترفين الكبار خارجيا مثل ناكاتا. وعطفا على النتائج اللي حققها في الفترة الأخيرة مثل تعادله مع البرازيل وفوزه بكأس أسيا الأخيرة.

والمباراة-وإن كانت رسمية-فهي لاتختلف عن الودية في شيء لأن المنتخب السعودي ضامن-بعد التوكل على الله-التأهل في مجموعته حتى لو إنهزم في المباريتين كلهن. وفضيحة على مستوى آسيا أحسن من فضايح قدام العالم كله!
إن رفض المسؤولين إقامة المباراة فبإعتقادي إنهم فرطوا في فرصة كبيرة للأستفادة قبل كأس العالم وخصوصا إنهم ماراح يخسرون شي لأنها مباراة رسمية مافيها تكاليف استضافة أو انتظار رد المنتخبات طويلا مثل الودية.