نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الفيروسه الزرقاء · #62 06/01/2006, 09:52 PM

هلا بـك فرصة ضايعه

إقتباس


	معليش تأخرت عليك ... بس ولا يهمك برد عليك

تبين الجد ماحسيت في تأخرك

، لأني أنشغلت في قضية ما :p

إقتباس


	أفاااااااااااااااااا أجل وشوله تكافئين روحك <<<< قلبت عليها

يااختي ذاك اليومـ مضغوطه

، رحت للجامعه وانا مواصله مانمت واختبارين عندي

من الساعه 7:30 الى 9:30 والاختبار الثاني من 1-3
فقلت لازمـ اكافىء نفسي دامني مادخت وبذلت مجهود عظيم أني خلصت المادة الثانيه في ساعتين

------> تتمسخر عليها بنت عمها في سرعة المذاكرة

.

إقتباس


	كل هالمجهود وشبسات وحلويات ... حرام عليه مايقدر تعبك

وأنا أشهد

فاتك قايلي يزن شرايك نحمل حلقات ناروتو قلت ياسلامـ ، أنابكافىء نفسي وإلا بكافىء نفسك!
إلا لازمـ ذا الولد يحشر نفسه معي

عاد ماحملت حلقات ناروتو إلا بس 24 حلقه ... أما الباقي بنتظر بعد الحج بتجيب لي بنت صديق أبوي من الإمارات سيدي فيه كل حلقات ناروتو من 1-165
تبيني أنسخ لك السيدي إذا جابته لي

.

إقتباس


	بس شكلتس مستانسه عليه والدليل هالحركه هههههههههه

أيه يااختي فيه أحد مايستانس أنه يروح يشتري لك من هالشيبسات والحلويات

أنا رفضته لان هذا مايستحق مكافئه لمجهود عظيمـ

إقتباس


	ماعليك منها أهم شي توسعين صدرك وأنا أختك ترى الدنيا ماتسوى

أي والله الدنيا ماتسوى

، وأنا أخيتيس موسعتن صدري وفالتها

وش تبين أكثر من كذا

إقتباس


	بما أن الحج مافيه أمل منه والأختبارات بعد العيد مباشرة

لالالالالالالالا أبشرك ، بحج

أمس قالي خالي جهزي شنطتك ترى يوم السبت في الليل بنمشي لمكه ، قلت أبشررر
عاد اليومـ خلصت اوراقي وطعمت وأفتكيت بس ياهي تعور

.

الحمدلله أن ربي سخر لي خالي ووافق انه يحج

.

إقتباس


	مافيه إلا أنكم تكشتون بالبر .. قبل العيد ... وفليها أنتي وبنات أقاربك .. حطوا لكم خيمه بلحالكم ... وأنواع التهيبل ..طلعي كل مواهبك ... بس ما وصيك سمّي على نفسك لا يدخل فيك جني ولاش يبتلشون أهلك فيك .. ثمن يدعون علي لأني أنا اللي قلت لك هالفكره

تخيلي بس نخيمـ ومن دون أهلي !
خيتو احنا الاربعاء اللي فات خيمنا ، الاربعاء بالليل والخميس والجمعه بس طبعاً مانمنا نروح ونجي ع بيوتنا

=====> ماخيموا إلا يومـ صار عندي أختبارات ، والله أن حظي نحس [كل من عرف حالتي رحمني

]

فلللللللللله بالمخيمـ ، مافيه بزارين أصغر بزر عمرهـ 9 سنوات

مفتكين من هالبنات المتزوجات اللي عندهمـ عيال
[ خل ندخل عيالنا ماتوا برد ، خل نرجع ولدي تعبان ، يمه خل نمشي للبيت رجلي بيجي يأخذني ، هالشغاله جالسه تبربر مع الشغالات وماهي مهتمه لولدي ،.......................، إلخ من ازعاجاتهمـ

]

تشوفين بنات خالي فاااااالينها ماعندهمـ إزعاج من قبل خواتهمـ ، لا وأحلى مافي المخيمـ أن مخيمـ الشباب بعيد عنا مررهـ ، يعني نأخذ راحتنا أكثر

، كل شوي نخلي أخوانا الصغار يجيبون لنا الدبابات ونلعب ماحولنا احد

.

بالنسبه للجني لاتخافين ترى أنا فيني الجني الأزرق

عايش معي من يومـ طلعت ع هالدنيا :p .

- سلامااااااات فرصه عسى ماشر وين بتقلعين له لمدة شهر

!
ترى والله الإجازة موب شهر

ع العمومـ الله يوفقك ويرجعك لنا سالمتون غانمتون

هلا بـك جــيــتــك

آآآآآآمين يارب العالمين ، تسلمـ ع هالدعوهـ الحلوهـ والله يوفقك بالدنيا والأخرة

.

هلا بـك اليورانيوم

إقتباس


	ويكتب لك الحج هالسنة إن كان فيه خير لك ..

إن شاء الله بحج هالسنه

.

إقتباس


	الحين هذا أخوك مايبي يحج معك وانتي اخته الطيبة الحبوبة الشطورة

أخوي [ مشغول ] موب فاضي يحججني

====>>> لازمـ تدافع عن أخوها حتى لو كان ضدها

!

إقتباس


	ياريت عندي خوات .. كان حجيت معهم وكسبت أجرهم .. لا و استأجر لهم دتسن وأحطهم بالحوض بعد

أيه الكلامـ سهل ، بس التطبيق صعب

!

الله يرزقك أخوات صالحات ... وتسلمـ ع هالمشاركه

كل عامـ وأنتمـ بخير ، وعيد سعيد مقدماً

...
إن شاء الله أكون ممن حج هذهـ السنة ورجع من الحج مغفور الذنب كـ يومـ ولدته أمه .
نلتقي ع خير بإذن الله

، وكل الشكر لمن دعاء لي

الفيروسه الزرقاء