أنا أقولك وش أحسن سيارة


شف جب لك مازدا بوكس موديل 84
ولازم يكون لونها أخضر

وشرط أساسي يكون اللي فاكها وكالة يكون زول

وإذا جبتها حطها في الشمس يومين لما يقلب لونها الى ليموني

وبعدها أفتح الكبوت وتلقى يمين المكينة سلكين
واحد أحمر والثاني أسود لاتسوي فيهن شي

شف جنب السلكين فيه علبة رصاصية لاتفتحها
شف تحت العلبة فيه مسمارين لونهم واحد وردي والثاني برتقالي

فك واحد من المسمارين ..

كانك فكيت المسمار الوردي رح للكفر الوراني اليمين

شف وش نوع الكفر كانه ميشلان ترى المشيلان كويس

وكانه برجستون برضه كويس

بس انتبه تقرب الهانكوك
يقولون انه مخزن يعني ماينفع ..

بعدين انتبه تشتري كفرات من الغرابي
ترى الغرابي أحسن مافيه المسجلات

الحين وش تبغى بالضبط ؟؟؟

تراني نسيت .....

ايه صح تذكرت ..تبغى وش أحسن سيارة للتطعيس ؟؟


غير جيب العشة لا تركب ..

تعرف جيب العشة ؟؟

والا السعفة

تعرف السعفة

هاه وش قلت ؟؟؟؟؟؟؟