اخوي العزيز ابو سامي الهلالي
اولا جزاك الله خير على النصيحه ,انا سمعت نصيحتك وقلت ياولد خم نفسك والحق اشتر لك فريزر قبل ماتخلص وجبت فريزر
يحبه قلبك وشريت سخان على شان نذوب اللي في الفريزر اذا طلع اللى فيه ورحت وجبت سباك فلبيني بروفيشينال على شان يركب السخان ولما شافه قال ناقصك حاجه , قلت وش هي (بريه)؟
قال (البو) يعني كوع , قلت الامر هين , تعال معي خمس دقايق ونجيب الكوع.وطمرنا للسوق ولكن تدري وش المفاجأه يابو سامي ؟ , مالقينا كوع . ورجعت للبيت وان ضايق صدري
ولما وصلت البيت قالت المدام الفريزر اللي جبته كبير , قلت وش يعني ؟ قالت تغيره وتجيب واحد صغير لأن مطبخنا صغير
والفريزر ضيقه زياده ولازم لازم تغيره باصغر, قلت الشكوى لله
رجعت لصاحب المحل على شان ابدله باصغر كان يقول لي اصلا
مافيه لاكبير ولا صغير, قلت لاحول ولا قوة الا بالله ,حسبنا الله
ونعم الوكيل .
يعني الربع خلصوا الفريزرات والاكواع من السوق.
جمد يامجمد , واسمعي يا رعا........النصر.
واضرب كوع ياصاحب الاكواع, وجاملي يا رعا.........النصر.
لنا الله.

------------------
كل العداوات ترجى مودتها
الا عداوة من عاداك عن حسد