السلام عليكم.....
مساء الخير للكل...او صباح الخير......
في البداية احب ابين لكم اني من الاعضاء المقلين جدا بالكتابة..مع اني من اللي شهدوا تأسيس هالشبكه الغاليه...بس احب استمتع بقراءه المواضيع ولو كان فيه تعليق على السريع علقنا
....
الموضوع اللي ابي اتكلم فيه احس انه مهم جدا والكثير منا والله اعلم غافل عنه....هالموضوع يخص امي وامك ,,يخص الانسانه اللي حملت فيه تسع شهور وسهرت وعانت علشانك....هالموضوع بكيفون عليه الاعضاء الحساسين
...
ياجماعه ابسألكم...فيه احد مننا لا سمح الله امه ماتعنيله شي..؟؟...يعني ماتفرق معاه وجودها او عدم وجودها في حياته...؟؟ الطبيعي وان شاء الله انه لا....
السؤال اللي انا كاتب الموضوع علشانه...........هل تعبر لأمك عن مشاعرك لها.....؟؟ او بالأصح هل ممكن انك تبين الشي هذا لأمك...؟؟؟ هل مثلا ممكن انك تجي مره في يوم عادي وتبين لأمك قد ايش هي تعنيلك.......؟؟؟؟؟
هل قد قلت لأمك لو مرره في حياتك..... احبــــــــــــــــــــــــــــــــــــــــــــــــــــــــــــــــك...؟؟؟
فيه ناس كثيـــــــــــــــــــــــــــــــر يموتون بأمهاتهم بس مايقدرون يقولونها بصريح العباره.....تلقاه يقول اييييه هين اكيد احبها يعني معقوله امي ماتدري اني احبها...؟؟؟؟؟ مايحتاج اقولها هي تدري اني اموت فيها بدون ما اتكلم....؟؟؟
طيب...!! واذا كانت تدري انك تحبها هل هذا يخليك ماتفرحها بصريح العباره...؟؟؟
الكلمه الحلوه عن الام من ولدها او بنتها يأثر فبها تأثير خياااااااااااااااااااااااااااااااااااااااااااااالي... حتى لو كابرت او مابينت بس هي من داخلها تكون اسعد انسانه بهالدنيا.........
في ناس عندهم مشكلة ثانيه بهالموضوع..واتوقع هم الاغلبيه....يقولون لا صراحه استحي اقول لأمي احبــــــــــــــك ..!! شلووون اقولها لالالا ما اقدر صراحه ماعندي جرأة اقولها اني احبك وانك عندي بالدنيا كلها ولو تطلبين عيوني ما تغلى عليك...!! مجنوووون اقول ما اقدر اخاف تضحك علي..!!
واخاف اخواني يضحكون ...!!
بالعكس ياخوي الام تعشق الكلمه الحلوه من ولدها او من بنتها....وان ضحكت مره ,,المره الجايه مهيب ضاحكه او مستغربه اذا كان هالموضوع شاغلك....
بتفرح وتطير من الفرح بحب ولدها الظاهر والباطن.........لو ماييجك الا الاجر من الله سبحانه لأنك فرحتها كان كفاك....
هي تحبك وانت تزعلها وترفع ضغطها....!! فما بالك وانت مرضيها وتعبرلها عن اللي بداخلك لها.......!!!!!!!!!
ياجماعه ترى الام تستاهل ان الواحد يفرحها بكل شي يقدر عليه...ولا تستصغرون الكلمه الحلوه ...اثرها كبيـــــــــــــــــــــــــــــــــــــــر على الام حتى لو مابينت هالشي.........
هذا الموضوع اللي ودي نتناقش فيه ونشوف اراء بعض.........
هل انت تقول لأمك انك تحبها وانها اغلى انسانه بهالكــــون.....؟؟
او تستحي من هالشي رغم محبتك الكبيره لها.......؟؟
