الاخ حمودي...
بصراحه من الظلم للهلال انه يسجل الرشيد محترف هذا نادي مش جمعيه خيريه صحيح انه بيت الرشيد الثاني لكن مثل ما ذكر الاخ samiolly عالجوه ومشو راتبه وهاذي الاشياء ما يسويها نادي في السعوديه الا الهلال فقط واقولها بكل ثقه لان في ناس في انديه كبيره تحصل لهم اصابات ملاعب زي الركبه والرباط بعيد الشر والنادي يتخلى عنه ولا حتى يعالجه لان فيه بديل وينتهى الاعب ياتحصله مراسل في دائره حكوميه ولا عاله على اهله ولا تحصله يروح عند احد اعظاء الشرف يستعطفه ويتوسل اليه انه ما يعالجه من الاصابه بس يدور له او بالاحري يتوسط له في شغله علشان يكد على اهله وتحصل عظو الشرف يمكن يساعده مهوب علشان تاريخه عطفا عليه.
فما بالك يا اخي العزيز بخالد الرشيد الي راتبه ماشي وهو راح يتعالج على حساب النادي ودخل مبارة كامله له والغريب انه قبل لايرجع للملاعب بفتره مش طويله يشكر الهلالين على كرمهم وانه يعتبر الهلال بيته وانه بيلعب في الهلال لو ببلاش على الشي الي سووه له. في الاخير يبغى يسير محترف والاداره تقول له خلك هاوي واذا اثبت ان مستواك جيد نخليك محترف وانا متأكد لو مستواه ياهله انه يشغل الخانه او على اقل تقدير احتياطي فيها بيحولونه محترف طبعا ما ننسى انه بيكون هاوي براتب قدره 5000 ريال هاذي من الي يحصلها في وظع خالد صدقني ما في وانا شخصيا عاتب على خالد عتب شديد على الي يسويه الي مثله يستحي يتكلم خلاص يلعب لو يجمع كور في النادي (مبالغه) لكن اتمنى من كل قلبي ان سوء الفهم هاذا يزول وان يرجع لنا خالد زي ما خبرنا واحسن وبيلقى خير بس لا يستعجل.
ولكم الف تحيه من اخوكم فالح

عذرا على الاطاله