بسم الله الرحمن الرحيم
السلام عليكم و رحمة الله وبركاته
والصلاة والسلام على أشرف الأنبياء والمرسلين سيدنا محمد وعلى آله وصحبه وسلم

كيفكم ..انشالله بخير
بداية أنا بصراحة مفتخره اني منضمة لهاذي الشبكة المنتوعه واني وحده من أعضائها
ومداومة طبعا عليها كل ما لقيت وقت فاضي قلت أدخل أشوف وش الجديد عند الزعماء
وكنت أدخل سيده على منتدى الجمهور الهلالي وأحيانا منتدى الرياضه السعوديه..وبعدين أطلع
ومتاكده انه هذا حال أغلب اللي يشاركون في المنتديات الثانيه..
وبصراحة كثيرين يضايقون من الغيبه والتنابز بالألقاب اللي يصير منتدى الجمهور الهلالي والرياضه السعوديه
وحاولت انصحهم وحاول غيري كمان ينصحهم ..
وقلنا لهم لاتدخلون منتدياتهم
قلنا لهم ياخذون حسناتكم وتاخذون سيئاتهم ..بس ابد بيمشون اللي في رؤوسهم
وانا أظن ن الجمهور الهلالي فيه خير كثير بس لو ينتبهون شوي لكتاباتهم
وان كل اللي يكتبونه بيطلع لهم يوم .. وأي يوم؟؟
ومن فتره قريبه.. بعد عيد الفطر جيت اتصفح المنتدى الإسلامي لقيت التهنئه برمضان
لاحول ولا قوة الا بالله بعد شهر كامل والشهر اللي المفروض يكون فيه الواحد حريص على الطاعات
ألقى الموضوع اللي فيه التهنئه أعلى المواضيع ..ليه؟؟
معقول!!
ومنتدى الجمهور الهلالي ينزل فيه يوميا مالا يقل عن عشر صفحات ومئات المواضيع للمناقشه
طيب ياهوه خذولكم لفه على المنتدى الإسلامي ..وقفوا شوي عن الحش والتنابز بالألقاب
والله انا عارفه انه فيهم خير وعندي أمل كبير فيهم وحابه أساعدهم بطريقه عمليه أكثر شوي بما إنهم مايدخلون كثير هالمنتدى..
بس أبي أحد يساعدني من المشرفين
الطريقه ان واحد فينا يكتب موضوع بين لهم فيه حرمة الحش في الناس وحرمة التنابز بالألقاب
وكل مره موضوع مختلف بعنوان ملفت وينزله ويدعم موضوعه بالآيات والأحاديث الشريفه
بس موهنا لانهم ماراح يدخلون أساسا
نحطه في منتدى الجمهور الهلالي ونثبته تحت الأخبار عشان الكل يشفوه ويفكر ألف مره قبل مايكتب أي شي
والمنتديات الثانيه بس يشوفون ان الهلاليين وقفوا عن الحش هم كمان راح يبطلون
اتمنى ألقى تفاعل منكم ..
وشكرا