نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - يا جمهور الهلال...جبتوا الفضيحة لنفسكم+جمهور الأهلي الذي يدعي الرقى..

جـن الملاعب · #4 16/12/2005, 08:18 PM

هـلا بـ توريس لاتعبت على الموضوع

@@أولا:لاحظت صراحة كثرة الموضوعات في منتدى الجمهور الهلالي ومنتدى يوسف عن المواضيع التي تتحدث على الجمهور..

هـذي المشكله الأزليه ناس حاقده مندسّه تبي تخرب سمعة الزعيم وكأنهم من جماهيره

لما واحد ثاني يسيء لك بتستنكر وتقول حاقد بس هذولا المريضين على بالهم تمويه

@@مستوى الهلال لايعلى عليه في هذه المباراة....

صدقـت خصوصا إننا فزنا موووب زي الفاشلين يقولون شرّفنا الوطن وهم مهزومين ،،

أجل لو يفوزون أكيد بيقولون مكاننا الدوري الأسباني

وخصوصا أيضا إنها أمام بطل أوروبي وسمعته من شرق الأرض لغـربها

على العموم مازلت مقتنع أن الحفل تلفزيونيا شيء خرافي

في أوربت فقط لكن اي آر تي سلملي عليها وعلى المعلّق الحفله

@@سامي الجابر....مهضوم حقه منكم...محد جاب طاريه

تكلّموا عنه وعن تقبيله لرأس يوسف وعرض الكبتنيه عليه في لمسة وفاء نادره في هالزمن الأغبر

وأيضا مووب غريبه سامي يبدّع في المباراه عشان كذا تشوف الجماهير عادي الوضع عندها

فـ يجيبون طاري الخثران وعمر الغامدي اللي بصراحه يستاهلون المؤازره يستاهلون والله ;)

@@منتدى الأهلي

منتديات الاتهاد...

إذا بتحسـب منافسينك بيمدحون الهلال أو على الأقل بيعطونه حقه تكون غلطان أخوي

هم يتمنون مايشوفون الهلال خير شر وعسى حياتهم تظلم بس أهم شي مايشوفونه في السماء بارز

@@على العموم...مبروك فوزنا على فالنسيا...
إلحين لازم ننسى المباراة ونفكر في الأهم...

الله يبارك فيك وعقبال ما نهنّي بعض بكل بطوله يارب يا كريم

أهم شي ما نفرح كثير وننسى المباراه في يومها (بس صعبه شوي اللي سووه قدام فالنسيا ما ينتسى)

تحياتي ويعطيك العافيه