الغالي الغريب...

في البداية الله يبشرك بكل خير على هالاخبار الحلوه...
ولي مع كلامك بعض الوقفات :

إقتباس ** شهدت المباراة غياب المسعري والقحطاني عن تشكيلة الفريق حتى أن غيابهما عن مقاعد الاحتياط قد أراح الجماهير ( الكثيفة ) الهلالية والتي حضرت اللقاء !!

بعض اللي يقرا كلامك يقول يبالغ في فرحة الجماهير وارتياحهم لعدم مشاركة الثنائي النشاز , لكنه هو الواقع فعلا واتوقع ان عدد كبير من اللاعبين الشباب ارتاحوا ايضا لغيابهم , نتمنى من الثنائي رسم الابتسامه على شفاه محبي الزعيم بالغياب المستمر وحينها سأكون أنا أول من يقدم لهم الشكر.

إقتباس كان إشراك النزهان كظهير أيسر وإدخال المطرف أو العمودي كوسط أيسر حلا لم يخف إلا على آرثر !!!

بالنسبه لي احس بقهرررررررر وضيقه بسب وجود المطرف والعمودي في الاحتياط بينما لاعبين البربسه يحفرون بالملعب , لاحظنا كيف برز العمودي بشكل واضح في مباريات كأس الامير فيصل , بل كان هو وفيصل الصالح من العلامات الفارقه في الفريق , وفي الآونة الاخيرة تألق المطرف كثيرا , وكل هذا تحت اشراف آرثر , يعني آرثر عارفهم زين!!!!!! , كل ما أخشاه ان يتمكن الاحباط من انهاء نجوميتهم ( ولسان حالهم يقول ما ضمنها بغياب الدوليين نضمنها برجعتهم ) .

إقتباس ** العتيبي تجاوز الأزمة وبدأ مستواه في التصاعد حيث حافظ على نظافة مرماه للمباراة الرابعة إذا ماتم غض النظر عن هدف الشباب والذي جاء من ضربة جزاء !!

ياليت يالغالي يوصل كلامك الى كل من يواصل نقده لحسن من باب نطير بالعجه!!.

إقتباس اطمئنوا فقد كسب الهلال صفقة جديدة رائعة

الله يسمع منك , بس ما تشوف معي ان هذي عادت محترفين الهلال الجدد , يبدعون في أول مباراة , وبعدين يبدأ مستواهم يدحدر! .

تحياتي لك,,,