بسم الله الرحمن الرحيم

اخواني الخبر مو صحيح لكن اتمنى فعلاً ان تغلق القناة السعوديه الرياضيه ..

الحقيقه انا ابغى اعرف شي واحد ..!
ليه افتتحوا هالقناة اصلاً ؟

وش اللي يميزها عن الباقي وش فايدتها ؟

اذا قناة السعوديه الرياضيه ما نقلت كأس العالم 2006 لجمهور وسكان المملكه فأقترح ان تغلق ..
لأن a r t ماخلت شي ما احتكرته ..
والامثله كثيرهـ : كأس العالم للمنتخبات , كأس العالم للأنديه , قرعة كأس العالم , كأس العرب, واخيراً اعتزال ابويعقوب .. ما بقى شي ماتم احتكارهـ , والرياضيه اللي شاطرهـ فيه نقل الدوري السعودي وياليتها تنقل مباريات لها معنى , لا ينقلون مباريات تافهه ..
حاب اعرف ليه اي منتخب من المنتخبات او نادي من الانديه غير السعوديه يلعب بطوله او عالكأس يتمتعون ويشوفون مباريات فرقهم وحنا يالسعوديين ناشب لنا صالح كامل في اي مباراهـ ..


اخواني انا عارف ان اغلبنا ولله الحمد مقتدر ويقدر يشتركـ في a r t لكن اللي ماعندهم وش يسوون يتعبون ويشجعون ايام التصفيات منتخبنا لكأس العالم ولما تأهل المنتخب سحبتوا عليهم وتجازونهم بالتشفير ؟ ايش فايدة التشجيع وحضور المباريات وتعبهم وبعضهم تغيب عن عمله وعن دراسته ليساند ويشجع منتخبنا وفي الاخير ماتنقلون المباريات سواءًَ كأس العالم او غيرهـ ..

حبايبي اطالب من شبكة ار تي انها تفكـ حصرها للبطولات او يتم اغلاق القناة الرياضيه السعوديه والدوري مانبي نشوفه او تدرون عطوا صالح كامل يحتكرهـ يمكن يربح ..

مشكورين واسف عالاطاله وهذا من حرّ ما فيني ..

تقبلوا تحياتي ,,