السلام عليكم
.

ما أقول الا قاتل الله الجهل..ولا هذا أسلوب مناصحه يا الناصح؟؟

هذا هو اللي علموه لك أخوياك في الأستراحه.. حبيبي ناصح بالسر قبل العلن هذا أول شروط المناصحه..

وغير كذا .. قال الله تعالى : بسم الله الرحمن الرحيم..

((أدع الى سبيل ربك بالحكمة والموعظة الحسنة)) صدق الله العظيم

أنت تفكر وتدبر في كلام رب العالمين ولا تاخذ التفسير جاااهز ومفسر من شلة الأستراحة؟؟

الحكمة:النظر الى الضرر الناجم عن المناصحة بكل الطرق الممكنة وتحاول تجنبه..
الموعظة الحسنة: أختيار الأسلوب المناسب في الكلام مع مراعاة نفسيات الأخرين وحالتهم النفسية ومقاماتهم..

وركز لي على مقاماتهم..وأنت تكتب عنوان الموضوع..

ولا بس شاطرين في فتح مواضيع وفلسفة زايدة وخوض في أمور ليس لكم بها أدنى علم شرعي..

وتفكرون كل الأعضاء هنا ما قرو في علم الشريعه وباب الدعوه الى الله والمناصحه بالتي هي أحسن..

وزي ما قلت قبل ما بيودينا في داهية الا البربرة اللي مالها سنع ومالها أي أساس من الصحة

أو حتى اقل القليل من العلم الشرعي..

أخوي الناصح أحب أبلغك ترى النمرة غلط ولا تفكر كثرة التجاوب من الأعضاء تدل على موافقتهم لك..

أرجع لعدد مشاركاتهم وبتشوف أنه في ناس ما قروا الموضوع ويبون يزودون عدد مشاركاتهم

بنسخ ما قيل قبلهم ووضعه كأشارة على الموافقة..

أتمنى وأنا أخوك بعد قراءة ردي هذا انك تطلب من أحد المشرفين ان كان الصوت الهلالي أو غيره بحذف الموضوع والأكتفاء بما أوردته وان كان لك أي تعليقات فاليك بالرسائل الخاصة ولنجعل الأخوه الأعضاء بعيدين عن النقاش بيننا لكي لا ندخل في متاهات في الردود.. وستجد كلما يريح صدرك باذن الله تعالى


ولك مني كل الشكروالتقدير..


يوسف العسيس - بريطانيا