جيت احيي ضيوف الحفل والفيلسوف = يوسف اللي وحشكم موووت وحشني موت
جيت عامل حساب اليرد في ثوب صوف = والله اللي سترماجبت فروه وكوت
مايهم اتحمل واتحدى الظروف = كني اثبت الفاول ويوسف يشوت
لاتذكرت ابو يعقوب بين الصفوف = اتمنى الزمن يرجع ويثبت ثبوت
كيف ننساك وانت النمر عشق الأولوف = كيف ننسى اسمك اللي ردده كل صوت
مانسينا انطلاق النمر من دون خوف = ولانسينا الظهير اللي حلف ماتفوووت
كيف زحلق وزحلقته وكلٍ يشوف = منك ما حصل ألا اكبر عدد للكروت
كيف علمته الدبكه بطق الدفوف = وكيف غيرت موجاته بلمسة رموت
كل مره تعدي منه وإلا تفوت = ما سلم له قميص ولاقعد فيه بوووت
كم ظهيرٍ تخطيته وصابه كسوف = واعتزل بعدك اللعب ورجع للبلوت
كانت ايام ماتنسى ونجم معروف = كل ماهز له حيطه يهز البيوت
المدرج يبي يشكي فراغ وعزوف = والملاعب تبي تحزن وتصمت صموت
حيو الفيلسوف وصفقو بالكفوف = وارقصو رقصة العرضه معه بالبشوت
وارفعو نجمنا الفنان فوق الكتوف = قولو انا نحبك يالثنيان مووووت
والنهايه هنا تفرض علي الوقوف = يوم وصلتها رقمك ختمت البيوت
مشاركتي في حفل تكريم اللاعب الكبير يوسف الثنيان
اتمنى ان تنال اعجابكم
****************************
