السـ،ـ،ـ،ـ،ـ،ـ،ـ،ـ،ـلام عليكـ،ـ،ـ،ـ،ـ،ـ،ـ،ـ،ـ،ـ،ـ،ـم ورحمـ،ـ،ـ،ـ،ـ،ـ،ـ،ـ،ـ،ـ،ـ،ـة اللـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـه








بعد اللقاء اللتي اجرته صحيفة الرياضي مع امير الشباب والرياضه : سلطان بن فهد حفــظه اللــه وذكر فيه ان المملكه

تنضم قريبا الى نظام اللاعب الخليجي واللي مايعرف النظام يعتبر هذا النظام مثل المعمول فيه باوروبا يعني الهلال يقدر

يجيب عشر لاعبين لكن من الخليج ومايحسبون من الاجانب يعني نجيب لاعب كويتي وعشر قطريين وست بحرينين

وكأنهم سعوديين لكن السؤال هل يستفيد الهلال من هذا القرار ؟ بجلب لاعب او لاعبين ام تكون الماده عائق لضم بعض

النجوم الخليجيين وصراحه فيه كثير لاعبين خليجيين يستاهلون اللعب للهلال :




اولهــم : وليد جاسم لاعب قطري في نادي الريان القطري لاعب وسط مهاجم مهاراته عاليه جدا لكن اتوقع يطمح للعب

في اوروبا يعني نبطي يجي للهلال .



الثانــي : جميع لاعبين المنتخب البحريني ماعدا الحارس يعني نقدر نشتري لاعب او لاعبين من الدفاع وخصوصا ان

قاماتهم طويله ولا ننسى ان اسعارهم رخيصه جدا بعكس القطريين



الثالــث : اللاعب العماني عماد الحوسني وهذا يكفينا انه سجل اكثر من 17 هدف لا ومع نادي الرياض يعني هداف متميز

بس لو يسلم من هالقصه يصير



الرابــع : اللاعب الكويتي مساعد ندى وهذا مثل حسين عبد الغني للي مايعرفه مو شكل لكن لعب يعني فنان ويمسك

الظهير الايسر صح ويجيد الركلات الثابته



الخامــس : الاعبان الامارتيين اسماعيل مطر وسبيت خاطر الاول هواللي ماسك الوسط لمنتخب الامارات ونادي الوحده

ومهاراته عاليه جدا ولو يخلي شعره شوي يكون رونالدينيو ثاني


والثاني سبيت خاطر ولاننسى وش سوى بالزعيم هاللاعب قدمه قويه مررره ويتحرك في كل مكان لكن اتوقع لو يجي


مايلقى مكان من الزحمه عندنا بالوسط


وانا اتوقع لو الزعيم يبي يجيب اللاعبين هذولي كلهم يقدر لكن وش يسوي بالباقين وانا اتمنى لو نستفيد من قرار الامير سلطان ونجلب على الاقل ثلاث لاعبين وحتى مو مكلفين
واتمنى الموضوع اعجبكم