اخوي صالح
بالنسبه لكلامك عن كاس العالم للأنديه احب انبهك لمعلومه يمكن نسيتها وهي ترى نادي ( الــهــلال ) تأهل لكاس العالم للأنديه قبل نادي الاتحاد وتحديدا عام 2000 وكانت مقرره بأسبانيا ولكن البطولة الغيت لأمور فنيه

ثانيا يا اخي ترى كاس العالم اللي نشوفها الحين واللي كل المنتخبات تتمنى الحصول على كاسها ابتدأت (بأربعة )منتخبات فقط وحصلت الاورجواي على اول كأس
وايضا بطولة القارات ابتدأت من المملكه العربيه السعوديه تحت مسمى بطولة القارات على كأس الملك فهد وكانت المشاركه فيها رمزيه الى ان اصبحت الان حلم لجميع المنتخبات وكان اخر بطل لكأس القارات هو منتخب البرازيل

بعدين كاس العالم للأنديه اللي تتكلم عنها توها جديده وبعدين من قالك ان الانديه الاوربيه ماتهتم فيها يا اخي لو ماتهتم فيها ماكان شارك ريال مدريد ومانشستر يونايتد بكامل نجومهم عام 1999
وكلنا شفنا ليفربول شلون جالس الحين يستعد للبطوله الجايه في اليابان يعني عامل جدول وحاط في حسابه انه بيشارك وينافس على اللقب ولا لو مثل ماتقول مو مهتم كان على الاقل لعب بالفريق الرديف

وبالنسبه لكلامك انه بطل اوروبا يلعب مباراه واحده وبعدين النهائي يا اخي هم كلهم سته فرق والتصنيف من حيث لعب المباريات كان على حسب النقاط والتصنيف الدولي يعني بالظبط مثل كاس العالم يعني الفرق قسمت الى اربع مستويات المستوى الاول كان فيه فريق ليفربول بدون منافس والمستوى الثاني كان ساوباولو والمستوى الرابع كان بطل امريكا الشماليه وبطل ستراليا اما المستوى الرابع فكان الاهلي المصري والاتحاد السعودي
وعلى فكره البطوله القادمه راح يتأهل فريقين من كل قاره وراح تكون المنافسه اقوى

وطبعا اتمنى يكون (الـــهـــلال) ممثل المملكه العربيه السعوديه في تلك البطوله بعد مايجيب كاس اسيا كالعاده بأذن الله تعالى

اصبر شوي وتشوف بعدين كل الفرق تتمنى تحصل على لقب بطل العالم وما اتوقع فيه فرق مايتمنى يصير بطل العالم