ما شاء الله عليك ، تغطية مميزة

انا بقول نصايحي الجدية من تجربتي بعد 6 شهور من الزواج ، متمنيا لكل عريس ان ينتبه لها جيدا :

1- لا تسمع كلام الحريم ابدا ولا تعطيهم وجه ، خذ رأيهم واتخذ القرار بنفسك في كل امور الزواج.

2- انتبه انتبه لما تجي تحلق يوم العرس لا تحلق خيط حتى لو انك متعود عليه ، لأنه مع الاضواء والحرارة وكثر التبويس بتخيييييييييس وتعرق وتطلع خدودك حمر وانتبه برضه تسوي تنظيف الا اذا بيحط اللاصق وغيره لا .

3- لا تحط دهن عود على ثيابك ابدا .

4- تعال بدري للقاعة حتى يروح الارتباك وتحس انك ملك الا شوي .

5- لا تسوق يوم العرس ابدا الا اذا جيت رايح مع العروس (الله يهنيك )

6- اهم ملاحظة اهم ملاحظة اهم ملاحظة

التصوير ، اهم شي التصوير لا تطلع الا الافلام معك سواء افلام كاميرا عادية او افلام كاميرة فيديو ، بلا اختها بلا خالتها بلا هم ، الافلام معك واللي بتتصور لاززم تعرف ان الافلام كلها بتصير معك ، ممنوع وجود اي كاميرا الا كاميرة المصورة فقط وتعطيك الافلام بيدك انت تحمضها ، وجمع الافلام في مكان واحد واعطيها لآمك اذا بتسافر لشهر عسل وبعد ما ترجع احفظها في مكان امين جدا .انتبهوا تكفون لهذي النقطة لآني ظيعت كل افلام زواجي وانا مسافر وتنكدت والله شوي وابكي وكان شهر بصل ، ولما جيت هنا لامريكا اكتشفت اني شاحنها مع العفش وناسي مع رجة الزواج وقاعد اناقز ثلاث ايام من الفرحة يالله لك الحمد

7- بالنسبة للدخول لا تسمع كلام اخوياك ابدا ، اللي بيقولك سوي كذا واعمل كذا ، ازهلهم تراهم نصابين ، لا تخطط ابدا خلي كل شي بظروفه .


والله يهني كل المعاريس