السلام عليكم
آسف جدا جدا جدا على التأخير
معليش كانت الحلقة الثالثة في المطبعة
والمطبعة طب عليهم حرامي
والحرامي كان معه مسدس
والمسدس فيه رصاص
والرصاص غالي هالايام
والايام 24 ساعة
والساعة 60 ثانية
والثانية هي الحلقة اللي راحت من ضمن هاللحلقات
وهذي الحلقة الثالثة ..
اللي فاتته الحلقة الاولى والثانية
الحلقة الاولى ارعص هنـــــا الحلقــــة الثانيـــة أرعص هنــــا بعد ===============================
الحلقـــة الثـــالثــــة
وصلنا في الحلقة الماضية ان عبسي اختفى ماندري وين طس له
أثر عبسي متوزي ورا شجرة ومطلع جواله الكاتيل ويحاول يدق على الدوريات علشان يجون ينقذون لينا .
المهم دق ثلاث اصفار هذا رقم الدوريات بجزيرة الامل
وجلس ساعة ماحد رد عليه .. وحاول مرة ثانية يدق وبعد عدة محاولات ردوا الدوريات
والى هذاك الصوت اللي يرد عليه واضح انه توه صاحي من النوم
عبسي : الو الو الو
الرقيب كريري : مين معاي ؟ وش تبغى ؟ ومين انت ؟ وفين تشتغل ؟
عبسي : ياخوي ارفق علي مهوب هذ ا بيت الدوريات
ا
لرقيب كريري : ايوه هذا بيت ام دورية ايش تبغى وبعدين ايش الازعاج هذا ياخي اقهمها اذا ماردينا عليك يعني احنا في ام شغل .
عبسي : طيب انا آسف اني اقلقت منام سعادتكم . المهم انا ابغى تجون بسرررعة …..
قاطعة الرقيب كريري : ياخي لحظة شوي
ايش تحسب الدعوى بسيطة نجي لأي مكان احنا فاضين لكم تحسب مافيه الا انت ……طوط ..طوط …طوط
أنقطع الخط .
عبسي : الو الو الو ان لله وين راح ذا ؟؟؟!!!!!!
دق مرة ثانية عبسي { عفوا لقد تعثر مرور مكالمتك الرجاء الاتصال في وقت لاحق }
عبسي : يوووووووووووووه وش السوات الحين
وبينما كان عبسي يدور مساعدة ويحاول يتصل على اخوياه الداجين علشان يجون يفزعون معه .
كان ابو طلال { نامق } شايل مرته سميرة عقب ما اغمي عليهــا ووداها للمستشفى .
و عدنان يفاوض الخبل علام
عدنان : اسمع يابو جمشة { هذي عيارة علام }
أنت الحين وش تبي بالضبط ؟ تبي الطاقة الشمسية ؟
ماعندنا لك طاقة شمسية تبي تذبح لينا اذبحها خلني أرتاح منها ومن طلباتها
فزت لينا من كلام عدنان وقالت : أفاااااااااااااا هذي أخرتهــا ياقليل الخاتمة
من زينك انت وجهك لا تصدق اني احبك تراني منحدة عليك .
عدنان : ايوه باني على حقيقتك طلعي اللي بقلبك
ولا ومسوية فيهــا رومانسية وانهــا تحب النورس وتعرف تكلم معهم بلا نصب
وعلى فكرة طيور النورس مهيب اسمهن كذا هذولي اسمهن غرانيق حقات مجاري
وياكلن الجيف اللي مثلك .
لينــا : وراه ماتنطم وتنثبر يامعصقل انت سروالك الوسخ تراك زودتها
فكني عليه يابو جمشة تكفى خلني اوريه شغلة .
عدنان: شوي شوي على هونك لايطق لك عرق .
تكفى يابو جمشة اتركهــا خلني اشوف وش تبي تسوي هالمريضة
علام : بسسسسسسسسسسسسسسسس اقلقتوا ابو جدي
أقول ياعدنان ترى ابذبحهــا
عدنان : الله يجزاك خير تسوي معروف لو تذبحهــا
لينا : الله ياخذ هالراس وخر تكفى يابو جمشة خل شوشتي شوي خلني اطب في بطنه .
جاء علام واطلق لينا وقال يالله يام جدايل عليتس فيه
مير تنطلق لينا ومدرعمة لعدنان ..........في الحلقة القادمة نكمـــــل
ــــــــــــــــــــــــــــــــــــــــــــــــــــــــــــــــــــــــــ
جميع الحقوق مدفونــــة للجمجمـــة
