نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

مـفـارق أحـبـابـه · #1 06/12/2005, 12:29 PM

بسم الله الرحمن الرحيم

في يوم مباراة الهلال والنصر كنت انا واخوي معزمين على الحضور لاننا بصراحة كنا متوقعين النتيجة تاريخية !!!

وكنا ناوين نروح للملعب بدري ، لاننا متوقعين الحضور بيكون كبير ...

عقب ما صلينا العصر وكنا جالسين بالمجلس نشرب شاهي ونتعازم نروح على سيارته ولا سيارتي ... فجأة !!!

الباب ينفتح بقوة !!!! قلت من الطارق <=== من الروعة

واذا بأمي الله يخليها لي تقول لاخوي : قم قمت عصبك وتثنت ركبك .

<=== هذا وجه اخوي

رح جب خبز وكراث وكافيار

<== هذا انا

قام اخوي وراح يجيب الاغراض والوقت يمضي والنكه تبقى ....

ما جاء الا عقب صلاة المغرب .... وسريع سريع طمرنا للملعب ...

ويوم وصلنا ولاهم مقفلين البوابات حقت جماهير الهلال

قلنا ما بدهاش مدرجات النصر .. يوم دخلنا ... ياهو برااااااااااااااااااد يهفهف عندهم ... المدرج اللي فوق فاااااااااضي

شوي ويجي جنبا واحد نصراوي <=== احلف . يوم درا اننا هلاليين قال انتم ضيوفنا <=== مهب عاقل حاتم العراقي

وجلسنا ساكتين ... لاين جاء هدف الهلال !!!

وانا اللي اقمز قمزة جوالي ما جابه الا عبدالعزيز الخثران !!!!

عقب ما وعيت لروحي .. وتذكرت اننا محنب بديرتنا ... واناظر اللي حولي والا العالم عيونهم علي انا واخوي

<=== هذي وجيههم .

قلت يلعن ام القهر ... كله منك يا حلوي <=== تراه ما لعب

سويت فيها نصراوي ... ياخوي العمر مش بعزأه.

واكبر دليل اللي صار عقب المباراة ...

اللي ابي اوصله من القصه : الا بغيت تحضر مباراة لازم تروح بدري <=== قل قسم

اخوكم مفارق احبابه