أحس أن تصفيات كأس العالم 2010 راح تكون أقوى من الحالية 2006 وذلك لأن فيه بعض المنتخبات إنظلمت في القرعة ووضعت مع مجموعات قوية مثل عمان اللي اتوقع انها لو تأهلت راح تكون خير من يمثل العرب من أسيا بعد السعودية.

ومثل ماتشوفون ان جميع المنتخبات العربية المنافسة مثل قطر والإمارات وعمان والعراق وغيرهم يحاولون بشتى الطرق انه تكون لهم بصمة قوية وحاضرة على المستوي الدولي في كرة القدم.

فمن قطر اللي جهزت الأكاديمية الكبيره (اسباير) والملاعب الضخمة. ومن الإمارات اللي يشوفهم جادين من خلال تطوير الدوري عندهم و الإرتقاء بمستوى منتخبهم اللي عانده الحظ في مناسبات عديدة بعمل لقاءات مع فرق كبيرة مثل البرازيل. ومن الكويت اللي راح تسعى وبقوة انها تستعيد امجادها الماضية وانها تعوض الخسارة والصدمة الكبيرة اللي تعرض لها منتخبهم في الفترة الأخيرة. ومن منتخب عمان اللي يملك لاعبين ومحترفين على مستوى عالي ويحاول انه يترجم هالتطور اللي حاصل في مستواهم إلى انجازات. ومن منتخب البحرين اللي اثبت انه فريق قادر على مقارعة الكبار مثل اليابان وايران وقدر انه يوصل إلى المركز الخامس وكاد انه يتأهل لولا تهاونهم في مباراة ترينداد.

وهذا كلة غير المنتخبات اللي تأهلت معنا وتسعى انها تكرر انجازها. وغير المنتخبات اللي ظهرت على سطح المنافسة مثل اوزبكستان وكوريا الشمالية.

هالمؤشرات كلها تنبيء ان تصفيات 2010 راح تكون محمومة والتنافس فيها راح يكون مع منتخبات قوية ومختلفة عما نشهده في 2006

لذلك لابد ان حنا نحسب لمشاركتنا في المونديال مابعد القادم بحسابات اخرى مختلفة عن هذا المونديال ونتجهز بتجهيزات تفوق المنتخبات الأنفة الذكر. لكي نضع لنا قدما في 2010 منذ الآن ونحن قادرين على ذلك اذا استمر هذا التفوق والتطور اللي نشوفة للكرة السعودية ولن يستطيع احد منافستنا على البطاقة الأولى بمشيئة الله.