أولا السلام عليكم ورحمة الله وبركاته

أخواني انا في حاجه مقلقتني هاليومين..

مع اشتعال قضية أفضل لاعب في اسيا واللي انحصرت بين 3 هم سامي والمنتشري وماكسيم..

ونتمنى التوفيق فيها للاعبنا الكبير ابو عبدالله..

المهم انه انا من متابعين جريدة الوطن عبر الانترنت( بحكم دراستي في بريطانيا)

ودائما اقرا المحليات اما الرياضه فنادرا..

الا انه من يوم بدت سالفة افضل لاعب في اسيا وفيه مراسل لجريدة الوطن في جده اسمه عوض الرقعان...هذا الصحفي كل يوم طالع بموضوع عن المنتشري وانه هو افضل لاعب في اسيا وكأنه الاتحاد الاسيوي قرر وخلص..

وكل ما اقرا له عنوان يطيح قلبي لما اسمع انه المنتشري اخذها مو سامي..

لكن في النهايه يطلع انه حمد المنتشري هو الاقرب والاحق بهاللقب..والسبب؟؟ هي هي هييي يالسبب هههههه

السبب حسب وجهة نظر الرقعان : عطفا على انجازاته مع المتخب السعودي في تأهله لكاس العالم وعطفا على انجازاته مع ناديه في اسيا...

مو كنه سامي متأهل بالمنتخب اربع مرات ولاعب مع الهلال اسيويا والمنتشري باقي فرخ صغيرون؟

عموما المهم اللقب يكون سعودي سواء لابو عبدالله او للمنتشري .. بس اللي يحز في الخاطر انتشار وباء الحمى الجستينيه بين الصحفيين ..

ما أطول عليكم وياريت نسمع ارائكم بدون تفرقه عنصريه او قبليه او الفاظ سوقيه لأنه احنا هنا نتكلم من منبر الزعيم اللي هو الهلال واتوقع انه احنا هنا كهلاليين أكبر من هالاشياء