السلام عليكم ورحمة الله وبركاته

..


..


..


..



هلا بكم زملائي <=== تحسون طالع من مركز صيفي

طبعا ترى موب عجز ارد عليكم ... بس مدري حسيت اني ودي أعبر عن مشاعري بموضوع

لزلك مابديش ناس تنؤز ببطني وتقؤول كان رديت عليهم


بسم الله ..


موضوع القحطاني ... أول موضوع لهذه الأمسية

ياسر القحطاني .. لاعب فنان ... طبعا تضاربت الآراء ( يمديكم على تضاربت ) ..

ياسر قدم .. ياسر ماقدم .. رجعوا ياسر وع مانبيه .. خلوا ياسر نبيه ..

مع العلم ياجماعة الخير ياسر نجم قبل وبعد ماجاء للهلال ...

ياسر اللي أسر قلوب الهلاليين بموقفه ضد عجرفة الياقوت واغراء ملايين البلوي ...

ياسر اللي محتاج وقفة أكثر من عتاب وموضي <== ينكت

لكل لاعب فترة هبوط في مستواه ..

حتى النجم الأسطورة سامي الجابر جاه فترة صيام عن التهديف موب بسيطة

الوقت بس والصبر ودعم ياسر راح يرجعون لياسر مستواه ..

والا مابيضيعه الا كلامكم عنه والتقليل من نجوميته ..


موضوع عمر الغامدي ..

عمر مقدم مستوى طيب بصراحة ... يلعب بالمحور ويلعب وسط أيمن ...

النقاد قالوا عنه مسوي حركة بالوسط الهلالي ولياقته ممتازة ...

طبعا موب أعضاء بس اللي مدحوه وأثنوا على مستواه .. كل المتابعين ..

واللي يقول غير هالكلام له يشوف عمر من مكان مانشوف معه ..
ُ

موضوع كماتشــو ..

كماتشو لاعب وسط ممتاز ... صحيح بطيء ... بس الكرة ماتنقطع كثير منه

يجيد اللمسة الوحدة ... ويضع المهاجمين قدام المرمى ..

ينفذ الركلات الثابتة بشكل ممتاز ..

ذكي ..

لاعب وسط متفاهم مع الشلهوب ...

اذا هبط مستواه في كم مباراة مايعني اننا نجرده من مهاراته وامكانياته الكروية ..

لذلك .. وسعوا صدوركم .. وسعوا صدوركم .. وسعوا صدوركم


باكيتا ...

للأمانة .. باكيتا بدأ يخرف ... أدري بيجي كم واحد وبيقول ماتشوف 6 مباريات ماخسر الا مباراة ..

لكن عطني لاعبين بمستوى اللاعبين الحاليين ..

صدقني بيكسبون بدون مدرب ...

مدرب يلعب بثلاث محاور ...

يركن نواف احتياط ... بينما نواف مقدم مستوى ممتاز !!

يلعب النجم الكبير والمهاجم الأول بالمملكة 5 أو 4 دقايق بالمباراة ...

وهو النجم أحمد الصويلح ... المظلوم بصراحة ... ليتهم يعطونه فرصىة مثل العنبر والقحطاني

يختار لاعب اجنبي بمركز مليان لاعبين نجوم ... اللي هو مركز الوسط والهجوم ... يعني كماتشو يمكن لحاجة الفريق للاعب مثله ..

لكن جيلسون وش موقعه من الإعراب ... بينما الظهير يشتكي ؟

باكيتا يكسب ماقلنا شي .... لكن اللاعبين اللي يلعبون معه مستواهم كبير ... وأغلبهم دوليين ..

أتمنى بلاتشي بصراحة ... هو الوحيد اللي يؤمن بأن الهجوم خير وسيلة للدفاع ...


رجاءن ... بليز بالانقليزي ... غوتشو بالياباني .... أطلب منكم التعقل بالرد ... لاحد يجي يشطف أبوي برد يهتز له وجداني <== وش عنده نزار


نشوفكم على ألف عافية ومازولا ...

في الختام أشكر ولد خالتي أشد الشكر ... وياليت لو أحد وده يشكره معي يرسل لي خاص

واعلموا أن الأختلاف في الرأي من حكمته سبحانه وتعالى ...

أبوساري - النمسا