نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

لوحة مميزة · #6 12/11/2005, 11:13 PM

[align=center]

وعليكم السلام ورحمة الله وبركاته ..
يسلمو إدارة تطوير المجلس على هالطرح أو إتاحة الفرصة والتنشيط

حبيت أشارك معكم مشاركة بسيطة
مجرد مشاركه

حبيت أقول أن المشاكل عندنا مستأصله فينا ماهي من الشركات اللي ما توظف أو الشباب اللي ما يتقدمون
المشكلة من ورى من قبل من التدريس عندنا
من أيام الشباب يحددون تخصصهم وهدفهم

التدريس عندنا في مرحلة الثانوية سيء جداً والمواد هي نفسها والأقسام هي نفسها
والمدرسين ما أعمم لكن فيه مدرسين مايشيلون هم المسؤوليه ويقدرون قدرات الطالب
موب شرط الطالب يصير ملم في جميع العلوم

لازم تتاح الفرصه للطالب من البدايه لتحديد هدفه وتغيير أسماء الأقسام
علمي/شرعي
وتغيير طريقة التدريس بحيث ما يكون شرط الطالب ملم في كل العلوم
حتى يكون الطالب عنده هدف وفرصة قبوله في الجامعه أكبر في التخصص اللي يبيه
وبكذا بيسعى للوظيفه اللي يبيها ولا يكون فيه إستياء من الوظايف المطروحه
لأنها أصلاً ماهي هدف له

أنا أشوف أنه التعليم الثانوي له دور
ثم الجامعي وتيسير القبول
ووضع إختبارات للقبول

بهذا نفتح أقسام أكثر أقسام تفيد الدوله بكبرها
أقسام تهتم بالصناعه والهندسه وتوسيع دائرة القبول
لأننا مثل ما قلت لازم نكون مشتغلين من الأول ومهيئين الطلاب لها

لازم نتوسع ماعندنا مصانع ما عندنا قدرات الحين
لكن عندنا المادة وهذا واضح
التعليم عندنا لازم له إعادة نظر حتى يكون الشاب له هدف
ونبي هذا الهدف يكون علمي وصناعي لتطوير البلد

على العموم يمكن أكون خرجت عن الموضوع
لكن هذا له دخل في نظري

ويسلمو مره ثانيه على إتاحة الفرصه

وشكراً ..

تحياتي ..[/align]