بالامس كنت مار من شارع فلسطين بجده وانا موقف بالاشاره وعلى يساري فندق الماريوت(مقر سكن المنتخب السعودي بمسكره بجده) المهم الا والاقي باص المنتخب موقف عند الفندق والاعبين ينزلون منه المهم ما قدلرت اقاوم منظر التمياط والقحطاني والشلهوب والخثران رجعت على الفندق ودخلت المطعم والاقي كل لاعبين المنتخب ما عدا القحطاني والعنبر المهم استاذنت من الشلهوب اني اخذ معه صوره وعلى طول رحب الا التمياط مار من قدامنا واخذ معه صوره وكانت بعدسه الشلهوب المهم سالت الشلهوب عن القحطاني والعنبر قالي العنبر مهوب نازل يتعشى اما القحطاني هالحين نازل ما امداه يكمل كلامه الا والقحطاني داخل للمطعم طبعا المطعم كان فللللل والمطعم صغييير اصلا وكان على يميني كالديرون ومساعديه فدخل القحطاني وقعد يسولف مع كالديرون وهو واقف المهم استاذنت منه اني اخذ معه صوره فرحب واخذت معه اكثر من صوره المهم القحطاني اخذ حلى بس ويوم جا بيجلس ما لقاله كرسي وطاولتي فيها كراااسي المهم استاذن القحطاني وجلس معي والله يا شباب انه في قمه التواضع ودمه خفيييف قعد يذب على المنتشري وضحك كل اللي في المطعم عليه وحكيت معه عن موضوع استمراره مع الهلال خاصه ان المبلغ لم يتسلمه القادسيه الى الان قالي اطمن دام اني دخلت الهلال منيب طالع منه.