خميس العويران اللوم على الادارة الي ما عطته اهتمام كافي حيث كان يطالب ب 500 الف ريال لا اكثر والبلوي وفر له ثلاثة اضعافها عشان كذا ما الومه واقول هذا هو الاحتراف فعلا

اما احمد الدوخي فحكايته مختلفة بداية بظروف محاولة الادارة مفاوضته وترديده الدائم على مسامعهم انه مشغول حاليا مع الفريق من زين المستوى عاد يا دوخي وانه لن يختلفوا في تجديد العقد ولا وكاتب لنا موضوع انه علينا عدم الانشغال بعقده لانه في حكم النتهي ولما حقت الحقايق وقدمت الادارة الهلالية عرضها والدوخي قدم مطالبه او بالاحرى جاب اخوه لانه مفتشل وقال تفاوضوا مع اخوي تبين ان الدوخي بيت النية للانتقال و هذ1 ما اغضب سمو الامير وجعله يحرج الدوخي امام الاعلام والجمهور عندما احضر ثلاثة ملايين كاش وقال للدوخي يا توقع يا نسحب عرضنا وغضب الامير له ما يبرره لانه عرف ان الدوخي والبلوي يلعبون من تحت الطاولة وان الدوخي يماطل الادارة الهلالية ويحاول احراجها وانه يريد التجديد وهي التي لم توفه حقه

ناهيك ان الدوخي كان بامكانه ينتظر لنهاية الموسم باعتباره حتى لو انتقل في ذيك الفترة ما راح يقدر يلعب مع الاتحاد لكنه تناسى كل افضال الهلاليين وتناسى فريقه وتناسى الشهرة الي حصلها والملايين الي سببها بعد الله الهلال وجماهيره وراح وانتقل للاتحاد قبل يومين من مباراة حاسمة مع فريقه !!!!!!!


واراهن ان اول شيء فعله الدوخي هو نقل مخططات باكيتا ليوردانيسكو

شكله من شين الاخلاق قال هي خاربة خاربة وش صار لما نعميها


الدوخي لو كان عنده ذرة احترام او تقدير لفريقه كان نأى بنفسه ان ينتقل في هذه الظروف ولكن !!!!!!!!!!!!




اما نواف التمياط فان شاء الله انا واثق منه تمام الثقة خصوصا ان هذا رابع عقد لنواف مع الهلال وفي كل عقد نسمع نفس الضجة الاعلامية وفي النهاية نواف يجدد ويقطع الطريق على جميع المتربصين

سواء النصر في عقده الاول مع الهلال ابان البطولة العالمية

او الاتحاد في عقديه الثاني والثالث

وان شاء الله الرابع في الطريق

نواف من المستحيل اصلا ان يضيع مستقبله من اجل حفنة دراهم وانا اراهن انه من الصعب ان ينسجم مع طبيعة الاجواء في فريق الاتحاد

واي مشجع هلالي يفكر بعقله وليس بكلام الاعلام اكيد انه واثق من ان نواف راح يجدد عقده