أول شي أحب ألف مبروك على افتتاح الموقع للطائر عبدالله مضواح نجم الهلال القادم في مركز الظهير الأيسر .. واللي اتوقع بإذن الله بتكون جهة قوية بوجوده ...

ثاني شي برد على كل من عارض الموقع وقال رأيه الشخصي ...

أولا ..

اللاعب مثل ماقالت الاخت هلالية موت موب هو صاحب فكرة الموقع هو اعطاء موافقه فقط ..

ثاني ..

الموقع موب رياضي بس .. الموقع فيه اقسام عامة ... لذلك الموقع شامل

ثالثا ...

من حق المعجبين الي يشوفون في موهبة عبدالله مستقبل كبير انهم يوقفون وراه ويحسسونه بالمسؤولية وانه لاعب يجب عليه ان يهتم بنفسه ولا يخذل عشاقه واللي يأملون عليه في مركز الظهير ...


رابعا ..

ليس من حق أي شخص أن يعارض الموقع لأني شخصيا من حقي أسوي لي موقع وأسميه باسمي ..
وعبدالله من حقه يكون له موقعه الخاص اللي يتواصل فيه مع محبينه

خامسا ...

كثرة المنتديات الهلال تسوي تنافس وتخلي اخبار الزعيم في متناول عشاق الزعيم ...
يكفي الزعيم والقناص ومدمي الشباك والنمر والهلال وعبدالله مضواح ..
من ناحية الأخبار الحصرية راح يكون فيه مصلحة عامة للزعيم .. ولجماهيره

سادسا ...

اللي ماعجبه الموقع ولاعجبه اللاعب يترك الموقع واللاعب للي يحبونه ليه اللقافة


تحياتي لكم ابوساري .. وتمنياتي لموقع الطائر بالنجاح ...