لوعتى فيك يوسف مالها من مثيل
جدد الفوز فرحى بين يوم وليله
آه يالموج الأزرق ياللى مثلك قليل
ما خبرتك بخيل مير مافيك حيله
لونك الي أشيله فوق متنى ثقيل
كل ما جيت أحطه عاندتنى جميله
من عرفتك هلالى وانت مالك بديل
ولو أفكر أشجع غيركم مستحيله
آه يا يوسف ياللى يفعل المستحيل
ومن يوقف بدربك آه يا طول ليله
بالكبارى تعدى ثم ترجع تميل
و المدافع تجنن ضاع ما فيه حيله
كم مدافع يبات الليل منك عليل
يسهر الليل كله خايف من الفشيله
لا لعب بالملاعب مثل سيل يسيل
وعادة السيل لا أقبل كل شى يشيله
رقمك الى تشيله بكل بيت وسبيل
15 ويـــــــل قلبى كل ليل أخيــله
جنن الشرق والغرب والجرايد دليل
كمبيوتر مهارات صعي تلقى مثيله
لا هجم مثل نمر من وقفه قتيل
والمدرب عجزله ثم أعلن رحيــله
لا نزلت الملاعب كلنا لك نميل
والبيارق ترفرف مثل نار شعيله
حبنا لك ترى والله ما هو قليل
والدليل بغلاك صوتنا الى نشيله

والله يرجعه لنا وسلامتكم...



------------------
أبو عيدالله يحييكم ويتمنى ان تقضوا اوقات سعيدة معه