هلا والله القمر ..

بصراحة كلامك جميل مرة واستغرب من الجماهير هالشي ..

محمد الشلهوب لاعب كبير ... له لمساته .. ينهي المباراة من كورة وحدة ..

لكن اللي صاير هبوط في مستواه ماندري وش ظروفه ولا ندري وش سبب هالهبوط أصلا ..

لكن مايعني اننا ننقص من حجم الشلهوب كلاعب كبير ونجم في الكتبية الزرقاء ..

مشكور أخوي على كلامك العسل عن الشلهوب ...


بالنسبة لموضوع الصويلح الصويلح لاعب كبير بصراحة وهو المهاجم الأول على مستوى السعودية ..

مع احترامي لياسر والعنبر والحارثي وباقي اللاعبين ..

الصويلح ماتلقى لاعب سعودي مثل قدراته ...

بنية جسمانية قوية ... ارتقاء جميل على الكورة ... سرعة ومراوغة ... دقة وقوة في التسديد ... هداف

يعني اللي بيقول غير هالكلام صدقوني بيتكلم من عاطفته بس ..

والصويلح يالقمر مو حق شوط واحد أو إنه يكون احتياط وينزل كم دقيقة ..

الصويلح قدم مباريات جميلة في بطولة الامير فيصل وهو لاعب أساسي ..

بالنسبة لباكيتا هالمدرب داهية بصراحة ...

لكن والصراحة تنقال .. باكيتا صار بالمباريات الأخيرة مادري كيف يلعب ...

أو شي كماتشو والشلهوب راح تفاهمهم بسبب الطريق اللي أشوف باكيتا يلعب فيها

صار الشلهوب وكماتشو يتبادلون مراكز كل دقيقة بالمباراة ..

صار كماتشو يلعب على الجناح وهالشي أفقد خطورة كماتشو كصاحب تمريرات ساحرة وكلاعب متمكن في صناعة اللعب

الشلهوب أبدا مافهمنا دوره بالملعب .. فاللي يقول فيه الشلهوب في الجناح الايسر مايتناسب مع الشلهوب

الشلهوب عرفناه يلعب في وسط الملعب ويطلع للهجوم ويسانده

لكن الآن صار على الطرف فقط ... وهالشي مصيبة ...


باكيتا فعلا صارت عليه أفكار غريبة ... فقدنا بعض اللاعبين أمثال الموري وسعد ذياب ...

وهم بصراحة انسب لخط باكيتا اللي يستخدمها من كماتشو والشلهوب


تحياتي لك ذا مون وهذي وجهة نظر


ابوساري