هلا اختي بنت الاسلام

أنا اقولك ليه ؟
تدرين ليه ؟
قولي ليه ؟

ابقولك عن نظرية او بالأصح حقيقة يعني ابتفلسف عليك شوي
والنظرية وش تقول :
من المعروف ان الفرع يعود للأصل
يعني كل فرع يرجع لأصله صح ===> شكلك تقولين وش يبي ذا

فإذا كان أول رجل خلق هو ابونا آدم عليه السلام خلقه الله من ايش؟
من تراب يعني اصل بني آدم التراب .
طيب حواء اللي هي امنا وهي اول امرأة خلقها الله من ايش خلقت ؟
من ضلع ابونا آدم يعني مخلوقة من رجل .
الى هنا تمام .
نتيجة النظرية أن اصل آدم عليه السلام وهو الرجل من تراب
والتراب معروف انه المكون الرئيس للأرض ومعروف أن التراب
مادة صلبة وخشنة فالرجل دائما مخشوشن بكلامه بتصرفاته
بمعاملته مع الناس فطبيعي أن يرجع الى أصله .

فآدم عليه السلام فرع من اصل وهو التراب
فطبيعي أن الفرع يحب أن يرجع الى اصله ويحن لأصله
وهذا هو الرجل .
فالرجل يحب أن يكدح في الارض ويزرع ويحفر وينشيء المباني
فهو بفطرته يرجع الى أصله .
فكرة القدم معروف انها لعبة خشنة ةتحتاج الى عضلات وقوة
وهذا مايتوافر بالرجل وإذا بغيتي
مثال لذلك شوفي لاعبين الاتحاد وراح تقتنعين من كلامي .
وأيضا السيارات والتفحيط كلها اشياء تحتاج الى خشونة
ورجولة .

طيب الحين نرجع للمرأة اللي أصلها من آدم .
فطبيعي أن المرأة ترجع لأصلها وهو الرجل فلذلك تجدينها عاطفية
حنونه تهتم بالعلاقات الانسانية أكثر من الرجل .
أي كلمة تجرحها اي كلمة تهتم لها
أما الرجل مطنش ممكن انه تجرحه كلمة بس بعد شوي ينسى
أما المرأة ممكن هالكلمة اللي جرحتها تسبب لها اضطرابات نفسية
توصلها لحد الجنون .

فدائما الرجل والمرأة يحنون الى اصلهم ...

فالرجل يميل للخشونه والخشونة من التراب اللي هي الأرض .

أما المرأة تميل للين و للعطف والحنان التي هي من ضلع ابونا آدم
وآدم هو الرجل .

يعني بجميع الحالات المرأة تحن للرجل
والرجل يحن للارض أو الخشونة

فكلنا يرجع لأصله ;)

لذلك لاتستغربين منا نحن معشر الرجال أن نحب الكورة والسيارات
لاننا طبيعي نرجع لأصلنا .;)