نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - .. [ عفــوا ً .. الصـدارة هــلاليــه ] ..

أبــو نــورة · #1 24/10/2005, 02:05 AM

[align=center]مساء الفل والياسمين ... مساء خاص لأبو أمين <---- من هو أبو أمين ؟

أبو نورة يعود لكم بموضوع جديد ..

خسرنا من الطائي ... ولاكنها خساره جميله ....

---------------

((مدخل))

قال الشاعر أبونوره :

.. ياجمهور الهلال كل فريق ينهزم وانتم مو اول فريق ينهزم ..

وتراه مثل شهير وراح تشوفونه في مسلسل أخواني أخواتي السنه الجايه

وقبل لاينط لي أحد في وجهي ويقول :

يامندس يانصراوي تبي الهلال ينهزم وصلت بك المواصيل انك تكره الهلال ..

اقوله ابعد عني شوي بس ...

راح اشرح الموضوع <-------- مسوي مدرس

---------------

ياللأسف نحن جمهور ناقد نشاهد زعيمنا من خلف الشاشات .. ومن ثم نهجم في المنتدى ونقول هاللاعب مايعرف يلعب ويبدى ننتقد ونتفلسف

خساره مباراة خارج ارضك ومن فريق كبير في ارضه تعتبر خساره عاديه ..

ومن لايعرف الطائي في ارضه لايجيني ويقعد يقول فريق بايخ ومن هالكلام ...

وكلنا نذكر ان الأتحاد العام الماضي لم يوقف انتصاراته الا الطائي وفي حائل

النصر خرج من كأس ولي العهد سنه الف واربع ميه وخشبه

الزبده ناسي متى بس المهم ان الطائي طلع النصر من كأس ولي العهد ...

اللي مايبي الهلال ينهزم ويفوز كل المباريات اقول له :

اصبر اصبر فزعيمك مثله مثل غيره ..

ينتصر .. ويجوز له التعادل .. ومن الممكن ان ينهزم ..

لاكن الزعيم يختلف عن غيره من الفريق ..

إن أغضبك في مباراة .. انطلق اكثر من خطوة للمقدمة .. وارضاك بخمس بطولات بحرفنة ..

وماله داعي اذكركم في خماسيات الشارقه والأهلي وبدايه السنه اللي راحت السئيه ونهايتها الرائعه ;)

---------------

هلاليات أبونورة

** أعتقد ان باكيتا استطاع اقناعنا أن الفوز والبطولات تتحقق الا يطريقته المعهودة 4- 5 - 1

** ريال مدريد خسر والانتر خسر وبرشلونه بدأ بداية مخيبه للأمال في الدوري .. وانتم تبون الهلال يفوز فقط .

** الهلال فاز 11 مره متتالية في الدوري العام الماضي ولاكن في النهايه تلقى ضربه موجعه من المطلق والاتحاد في جده .

همسه :

العيد قرب وعلى شان كذا الهلال جاب العيد في حائل .

[/align]