مانخونك ياحلالي***لو يطولن الليالي
السلام عليكم ورحمة الله وبركاته ،،،،،
اتمنى ان تحوز هذه الكلمات على رضاكم واستحسانكم ،،،،،،،
==============================
ياقمر سبع وثماني*** زارني ظبي يماني*** ياقمر ليتك تشوفه*** ياقمر سبع وثماني
حاشه الله من نصيبي***ياقمر شكله غريبي***ياقمر ليتك تشوفه*** ياقمر سبع وثماني
لابس له عقد هندي***يازعيم زار جندي***زارني باول محرم***أورجب ولا رمضاني
ماشط الراس موده***والهوا يومي بعوده***زارني باول محرم***أورجب ولا رمضاني
صورته بدر التمامي***اشهد انه هو مرامي***هام قلبي في غرامه***مايطيع اللي نهاني
ياعذول القلب خله***مايطيع اللي يدله***هام قلبي في غرامه***مايطيع اللي نهاني
عودها نبنوب بردي***حامل بزهور وردي***عودها بيدي لويته***مثل عود الخيزراني
حبني حسن الدلالي***وانصهر عوده ومالي***عودها بيدي لويته***مثل عود الخيزراني
قلت له ياسيد روحي***الحذر عني تروحي***ياحياتي وانت ناري***وانت فردوس الجناني
عقبكم كني يتيمي***انت بالدنيا نديمي***ياحياتي وانت ناري***وانت فردوس الجناني
قال انا وياك دايم***مثل طفلين توايم***راضعين من الموده***مايفرقنا الزماني
مانخونك ياحلالي***لو يطولن الليالي***راضعين من الموده***مايفرقنا الزماني
وسلامـــتـــكم ،،،،،،،،،،،،،
==============================
اخر تعديل كان بواسطة » الأمبراطور الصغير في يوم » 27/12/2001 عند الساعة » 10:06 AM | 