|
بعد ماكيف كانت شوف كيف أصبحت !! للهلاليين فقط
[align=center] 
السلام عليكم ورحمة الله وبركاته
امسي عليكم كلكم بالخير بصراحه مشتاق لكم صار لي حول الشهر عنكم 
ــــــــــــــــــــــــــــــــــــــــــــــــــــــــــ
بدون مقدمات بما لايدع مجالاً للشك هو نادي القرن الزعيم الاسيوي كيف كان قبل موسم وشوف هو الحين من الموسم المنصرم حتى الان ...
ــــــــــــــــــــــــــــــــــــــــــــــــــــــــــ
وهو يقدم لنا البطوله تلو الاخرى اللي حنا طبعاً متعودين عليها ... ولكنها أذهلت غيرنا ورفعت ضغط هاك وذاك وهذا هو الهلال ,,, من طلع على الدنيا ...
ــــــــــــــــــــــــــــــــــــــــــــــــــــــــــ
نقول وهم يقولون .... ولكن الزعيم يفعل مايذهلنا نحن وهم ....
ــــــــــــــــــــــــــــــــــــــــــــــــــــــــــ
أمجاد تلوى الاخرى بحكام اجانب وسعوديون ...... جعلتنا نقترح أن تضاف مادة لكل الجامعات
أسمهــــــــا ( زعم 44 )
ــــــــــــــــــــــــــــــــــــــــــــــــــــــــــ
بحكم اني من سكان مدينة بريدة فيه مثل عندنا من قديم يتدوله الصغير والكبير وهو
( ياحول ياللي ماله بريدة ) أي ( مسكين ياللي ماله بريدة )
صرت الحين اقول ( ياحول ياللي ماله زعيم )
ــــــــــــــــــــــــــــــــــــــــــــــــــــــــــ
أبن أخوي الصغير دائما مايسألني ويوقولي عم متى مبارات الهلال القادمة ..
الآن والله هو اللي يخبرني عن مباريات الهلال أول بأول 
ــــــــــــــــــــــــــــــــــــــــــــــــــــــــــ
هذا هو العشق الزعيمي منذ الصغر
بصراحه ونعم التربيه أهني أخوي على هالولد
ــــــــــــــــــــــــــــــــــــــــــــــــــــــــــ
وأنا أشتري مقاضي رمضان لقيت كيسان عصير للبيع ومكتوب عليها
للهـــــــــلاليين فقط
ــــــــــــــــــــــــــــــــــــــــــــــــــــــــــ
كنت زاير أحد الشباب باستراحته وكان عنده واحد نصراوي جلست اتناقش أنا وياه
ومع الحماس والهواش ... قالي شوف أحسن لاعب مر على الهلال هو فهد الهريفي
عرفت أنه أصيب بأنفصام بالشخصيه المزمنه والهستريا البطوليه التي أصابت كل عشاق اللون الأصفر بمختلف نواديه
ــــــــــــــــــــــــــــــــــــــــــــــــــــــــــ
قبل كم موسم الهلال فاز على الطائي سته وتصدر وجتك الصحافه تهجم عليه بخيلها ورجلها
كيف الهلال يفوز بهالنتيجه وهو يالله فاز بالمباريات اللي قبلها
والحين شوف النادي اللي انتم خابرين يفوز على فرق آسيويه بالسته ويالله بالله يتعادل مع الوحده
ومع ذلك وجد التصفيق والمديح مع أنها أغرب حاله حدثت في الكره الارضيه
ــــــــــــــــــــــــــــــــــــــــــــــــــــــــــ
ولكن هذا ماضرنا بس ضرهم !!!!
ــــــــــــــــــــــــــــــــــــــــــــــــــــــــــ
وفي الختام فعلا الزعيم كيف كان والان كيف أصبح !!
تحيتي لكم وآسف على الاطاله [/align]  | 