| [align=center]مشكور على الموضوع الرائع
معليش انا بتجاوز مساحه الرد اذا سمحت لي وابتكلم بلساني ولسان بعض الجماهير
اللي ما توصل اصواتهم .
عزيزي انا اشوف من اكبر الاسباب في ضعف الحضور هو الملعب البرتقالي
واكبر دليل شف المباريات النهائيه اذا كانت في الاستاد على كبره يمتلي
واذا كانت في الملز بالقوه الواجهه تتعبى ونصها فراغات
انا اتوقع انه جاء الوقت اللي يبني فيه ملعب جديد في الرياض يكون عدد مقاعده
محدود يعني من 25000 الى 30000 ويكون طرازه جديد مثل ملاعب قطر بتقول لي عندنا الاستاد
بقولك الاستاد مخصص للمباريات الكبيره بس اما باقي المباريات كلها في هالملعب اللي يجيب
النوم إضاءه ضعيفه ارضيه معدومه مدرجات من العصر الحجري ترجع للبيت ومعك لزقه لظهرك
ولا كملوها باللون الاسطوري حقهم .
وصدقني وقنها لك حق تعتب على الجمهور ليش ما يجون للملعب وعلى فكره حنا الحين في طفره
اقتصاديه والسيوله متوفره للدوله يعني اذا ما سوينا ملعب الحين في الرياض وجده متى راح
نسوي ( طبعا الرياض وجده لان نص المباريات في هالمدينتين) .
اما الاسباب الصغيره فصدقني يجي على راسها الامن اللي كل شي عندهم ممنوع
الواحد بيجي الملعب يرفه عن نفسه مو يجي عشان يموت من العطش وكل شي ممنوع عليه
واتوقع سالفه الشعله في مباراة الاتحاد الموسم اللي راح والمشاكل اللي جات عليها اكبر
دليل .
اما الحل المثالي في وجهة نظري لحل مشكله العزوف الجماهيري هي ان كل فريق يلعب في
ملعب النادي حقه ويكون تقسيم المدرجات عادل مو مثل اللي صاير عندنا يقسم لك الملعب من
النص وانت على ارضك .
اسف على الاطاله لكن شي في خاطري وطلعته اتمنى اكون لامست الحقيقه [/align]  | 