مشاهدة مشاركة بصفحة مستقلة
  #1  
قديم 09/10/2005, 01:36 AM
ملك فالنسيا ملك فالنسيا غير متواجد حالياً
زعيــم متواصــل
تاريخ التسجيل: 28/10/2004
مشاركات: 183
الدوري السعودي والقناه الرياضيه السعوديه

السلام عليكم
كل عام وانتم بخير
موضوعي اليوم هو هام لكل من يحب ويعشق الدوري السعودي وهو بعنوان < الدوري السعودي والقناه الرياضية >
لاشك يا شباب ان الدوري السعودي ينقل بشكل كبير على القناه الرياضيه وهي لاتستحق هذا الدوري القوي وذلك لانها لاتجيد لتغطيه لهذا الدوري المميز فعلا والذي يظم اقوى فرق اسيا وفرق سبقت ان حققت كاس اسيا للانديه وهي الهلال والنصر والقادسيه والاتحاد والشباب وايضا هناك فرق حققت كاس العرب وهي الشباب والاتحاد والهلال والاهلي ........ لكن لقناه الرياضيه بصراحه قناه فاااشله وهي من افسدت الدوري علينا وجعلته دوري ضعيف وممل لانها لاتغطيه ممتازه ولامعلقين ممتازين بل جابوا لنا معلق الطائره العدوان ومعلق الفروسيه تركي الجابر وايضا شباب هناك سبب اخر لفشلها وهي تقنيه الصوره فمن يشاهد مباره بالدوري السعودي على القناه الرياضيه يظن ان هذه المباره في عام 1900 م وليس 2005 م لان الصوره شكلها قديمه والملعب صاير كانه حوش مظلم ما تشوف وجيه الاعبين والجمهور ووبالوقت نفسه شاهد مباره على قناه اوربت تحس انك تتابع مباره اوربيه لان التقنيه والاهتام بالمباره والمراسلين والزملاء بالملعب ومعلقين على مستوى لان تقنيه الصوت والصوره على اعلى مستوى ولكن القناه الرياضيه تفتقد لهذه الميزه وهي التقنيه فنشاهد مباريات اقسم بالله يمل الواحد اذا شافها على هالقناه البارده واللي ما تحس انها تنقل اقوى دوري عربي وهو الدوري السعودي يا اخوان الدوري السعودي مطلوب من افضل القنوات لانها تعرف انه دوري مميز وجمهوره ومتابعينه كثر بالعالم العربي ...... ااااه بس لما اشوف الدوري الاماراتي على دبي الرياضيه تحس كنه دوري اسباني مو اماراتي ولما تشوف الدوري القطري على الجزيره وقناه الكاس تحس انه دوري الإنجليزي لان كل شي ممتاز تغطيه ونقل مميز وتقنيه ومعلقين على مستوى وايضا اهتمام بالدوري بشكل مميز مما صراحة تحسدهم على هالقنوات الرائعة المتميزة وان شاء الله قناه الكاس تأخذ لدوري السعودي وتنقله هي والاربت لكي نستمتع فيه....... وإنا ألان بقولك ابرز سلبيات القناه الرياضيه السعودية بشكل مفصل
1_ ضعف تقنيه الصوره بشكل فاضح للجميع يعني كأنهم ينقلون مباره بملعب مافيه إضاءة
2_ معلقين ما يدرون وش ألطبخه باستثناء العتيبي وابراهيم الجابر
3_ ضعف الاهتمام بالدوري يعني ما عندهم برامج للدوري كتقييم للجولة وبرنامج ماذا حدث بالجولة الماضية من تقارير وأهداف وغيره
4_ محليين أنواع الدجه من ماجد لنجيب انواع ضيقه الصدر لما تشوف هالاثنين ما ادري من قايل لهم انهم معلقين اكفاء وانا اتوقع انهم جابوهم لان تاريخهم يشفع لهم ..... ضيقوا صدورنا بعد كل مباره يقولون المباره فاشله وممله وتلقاها احسن مباره بالدوري والمشكله انهم يتمنون ان كل مباره تنتهي 6×6 علشان يقتنعون انها كانت قويه ومثيره يعني المباره اللي فيها هجمات كثيره وخطيره وانتهت 1×1 يقولون عنها مباره ممله وبطئيه
5_ المشكله الكبرى ان القناه الرياضيه حاليا لاتستطيه نقل أي مباره في حائل والمدينه المنوره وغيرها من المدن ما ادري متى بيحلون المشكله ذي يعني انا ما اذكر اني شفت مباره نقلتها القناه الرياضيه في حائل او المدينه عكس اوربت مشاء الله تنقل المباريات حتى لو كانت المباره بالمريخ
6_ اتمنى منها انها تتعلم من الاوربت والكاس القطريه والجزيره الرياضيه وارتي كيف تنقل المباريات وايضا تتعلم من دبي والكاس كيف تضع برامج للدوري اللي تنقله
وابي رايكم يا شباب ايضا في هالمساله يعني هل تتمنى ان تاخذ أي قناه الدوري السعودي وتنقله ام يستمر على القناه الرياضيه
اضافة رد مع اقتباس