|
هــــــــــــــــــــلال وبـــس ... من يقول إني من الأزرق أمل ..؟؟
السلام عليكم ورحمة الله وبركاته
..
..
..
..
مساءكم ورد ... صباحكم جوري ... يومكم ذهب .. دامت أفراحك ياهلال 
[glow=0000FF]كعادتي السنوية كمشجع هلالي احتفل بأول كأس هلالي وأبارك لجميع الهلاليين الفوز والكأس [/glow]
الكأس كما شفنا وتابعنا من خلف الشاشة <===== يعني مارحت الملعب
طعمه سكر ولذيذ جدا ... مثلي مرات
ليش ..؟؟ ... قلتوا لي ليش .. <=== أحد قال ؟
أول شي لأن الأهلي كان ضاغط وضيع كم فرصة هدف ... وكنت ماسك قلبي بإيديني الثنتين
ثاني شي الحضور الكبير في المدرجات الزرقاء
ثالث شي أبو عنبر عطر الملعب بالهدف أتبعه أبو بندر بهدف له طعم خاص في نفسي ... ;)
بعد التبريكات ... والفوز يمحي كل سلبية ... لكن في نقاط أحب أذكرها بما إني إنسان احب أضيف نقاط <=== سبحان الله
## - أتمنى أمنية خاصة من الجماهير الهلالية الوقوف خلف النجم الكبير ياسر القحطاني فياسر لعب تحت ضغط جماهيري كبير :
1- اللاعب يبي يثبت انه صفقة تستاهل
2- يبي يقدم شي في أول نهائي يلعب فيه
تمنياتي من الجماهير أن تكون واعية وتعذر ياسر لأنه لاعب قناص ومرعب جدا للخصوم واليوم ماكان في الفورمة لكن ماعليه يابو سعيد الجايات أكثر وماعليك من الكلام اللي يطلع من ناس حاقدة همها تخسر ويخسرك الزعيم
##- باكيتا لازال يقدم مستويات منخفضة جدا جدا .. هل أفلس الداهية ؟؟ ..
أدري بيطلع لي ناس تقول البطولة هذاها جت للهلال وش تبي أكثر ... لا ..
البطولة جت للهلال تحت رحمة ربكم ...
لأن الأهلي ضيع فرص أهداف .. بينما هجوم الهلال ضايع ..
المدرب تأخر جدا جدا في إدخال الصويلح ... فالصويلح معروف عنه إنه لاعب مافيه مثله بصراحة في النهائيات والمباريات المهمة اللي يكون فيها جمهور كبير
باكيتا جالس فقط يشاهد ... من دخل أبو بندر والصويلح الحال تبدل .. وصار أفضل
بس تأخر باكيتا ولولا رحمة ربك كان البطولة بجدة الآن ...
باكيتا لازم يشوفون له حل
##- المفرج وتفاريز ... يقدمون مستويات متواضعة جدا ... تفاريز سامن وصاير ثقيل ..
المفرج بصراحة شارد بالملعب الكورة تمر من عنده مدري وش يهوجس فيه ؟
ثقل موب طبيعي جدا من هالثنائي عكس الموسم اللي راح ... 
الله يستر بس من اللي جاي ...
##- شباب الشلهوب هو الشلهوب ؟؟؟؟ ... ماتلاحظون المباراة اليوم ماله حس ولا خبر ..!!!
##- عزيز وآآآآآآآآآآه ياعزيز .... ... أفضل محور سعودي بصراحة ...
من يقدر عليك ياعزيز ... بصراحة نجم الهلال والدينمو الأزرق 
##- الصويلح وش يبونه يسوي عشان يلعب ؟؟؟ ...
لاعب مقاتل ... لاعب فنان مشاغب .... لاعب يجيد التهديف من أنصاف ... لا من أرباع الفرص ...
لاعب يحرك الهجوم لحاله ... كبيـــــــــــــــــــــــــــــــــــــــــــر الصويلح
لكن للأسف مانشوفه ... ولا شفناه اليوم إلا بآخر الوقت ...
ومن دخل ... تحرك الزعيم وسجل هدفين ..
مظلووووووووووووووووووووم ياصويلح مظلوووووووووووووم
##- الجماهير كبيــــــرة .. غفيــــــــــرة .. يااااااااااااااحبيلها والله أزرق وأبيض
كلـــي فخــــــــــــــــــــــــــــــــــــــــــر أنا هلالــــــــــــــــــــــــــــــــــي
##- بصراحة طرد الخثران كان ظلم تحكيمي ومجاملة لفريق الأهلي 
بس الكـــــــــــــــــــــأس هلالي وانتيهنا ياحبيبي
أنا هلالي وغيري من الناس تنغاض ... من شوفــة الأزرق رافع بطولة
أزرق هلالي سطع في سماك يارياض .. حامض الكاس على من مايطوله
[glow=0000FF]ألف مبروك صباحكم أزرق ... ولياليكم كلها أفراااااااااااااااااح بإذن الله ..[/glow]
تحياتي أبوساري - سويسرا  | 