الاخ الغالي جنرال روما احب اعقب على ردودك
وارجوا ان تتقبلها بصدر رحب

إقتباس 1) متى وقع الهلال العقد مع ديادورا ؟ بعد نص الموسم !!!!!! وبعدين الهلال تاخر كثير لانه قال نبي تصميم لحالنا يميزنا عن الجميع فلو طلب الهلال احد اطقم الشركه فماراح يتاخر الطقم لكن نحن السبب

اولاً ماجا العرض الا في ذلك الوقت وفيه اغراء توفير ملابس ومكافات فوز
تبي الاداره تقول لا اكيد تجربه وتبي تعيشها وماتوقعوا ان الشركه تخل بوعودها لانهم قالوا خلال شهر نامن الطقم لكم وماوفوا ايش ذنب الاداره؟ابي اجابتك ارجوك
الشي الثاني قلت ملابسهم جاهزه الاسترتش زي طقم روما رفض من قبل اللاعبين لانه لايناسب جونا ويضايق اللاعبين وهذا السبب اللي خلى الاداره تعلن عن تصميم
واعطونا طقم لعبوا فيه فصل الشتاء لان خامته ثقيله جداً والصيف رفض اللاعبين لبسه
واعتقد مهم راحتهم واذا ما نت مصدق اسالهم يقولون لك

إقتباس 2)طيب والصورة اللي منزلتها ادارة الموقع للطقم ؟ اوبعد طقم مشي حالك الين يوصل الطقم الجديد

حبيبي اللي جايب الطقم مندوب الشركه وكان الوقت ضيق حضر قبل التوقيع بيوم ومشى بعده بساعات الى دبي
وهذا القميص اللي موجود عندهم وهو طقم لبسه فريق شالكه الالماني ومنتخب المانيا يعني نفس الخامه
ولازم عند التوقيع يكون فيه قميص وهذا اللي متوفر
اتمنى ان الفكره وضحت لك

إقتباس 3) والله وانا اخوك جميع شركات العالم عقودها كذا وبعدين ترى العقد مده سنه وحده بس يعني وش راح تزين بالسنه هذي !!! وبعدين ماتدري ان المحلات تنزل عندنا اطقم تقليد ؟ يعني اديداس راح تنزل اطقم الهلال الاصليه بحدود 70 او 80 ريال للتيشيرت بس هذا اذا مو اكثر وتحصله في المحلات الثانيه ب20 ريال !!!!!!! ولا احد يقدر يقولهم شي وهذا شي واقعي وكلنا نعرفه

فيما يخص كل الشركات بس اديداس غير كل الشركات شركه رائده ومميزه وكلمتها وحده
ولمعلوميتك كل الشركات اللي قدمت (وهذا كلام في المؤتمر قاله بدر الشمري) اللي هي نايك وبوما وغيرهم رفضوا تامين ملابس الالعاب الاخرى اديداس وافقت يعني كلامك موصح مو كل شركه توافق على شروطك واذا تبي تتاكد مرهم واسالهم ان وافقوا ادارة النادي والامير محمد راح يسمعونك ومجهودك ماراح يضيع

وتقول العقد مدته سنه(انت مثل اللي يقول التقربوا الصلاة ويوقف)
العقد مدة سنه وقابل للتجديد سنتين اضافيتين حسب ماذكر في المؤتمر (اذا كنت قريت وقائعه كامله وفهمته)

وبالنسبه لموضوع التقليد واذا مضايقك فانت وانا وجميع عشاق الزعيم هذا دورهم
لايشترون التقليد ويشترون الاصلي تتوقع بيربح التقليد بيقعد في كبودهم

والاداره قالت في المؤتمر انها سجلت اسم الهلال وشركة اديداس شرطت الشي هذا وارسلت خطابات الى الجمارك ووزارة التجاره حول موضوع التقليد(ويبدوا انك ما قريت وش صار من حوارات في المؤتمر)

إقتباس 4)ارجع واقول هذب غلطة الادارة في تعاقداتها مع الشركات لكن جزاهم الله خير انهم ماقصروا ودفعوا من جيوبهم

ياخوي انا قلت هالنقطه عشان عقد ديدورا كان مع وكيل مو مع الشركه مباشره والوكيل ممثل لها لكن كان غير ملتزم ببنود العقد
والعقد الحالي مع الشركه الرئيسيه مباشره يعني رسمي
اتمنى وضحت هالنقطه

إقتباس 5)والله يالغالي ماعمري شفت احد يمدح طقم شالكه وميلان وريال مدريد كل واحد يقول الشين عندي والزين حوالينا هذي اللي بقوله ويعطيك ربي الف عافيه يالغالي

ما ادري من وين جبت هالكلام ياخي تتوقع ملايين الجماهير في شالكه وريال مدريد مقاطعين الطقم ياخي بس بكهام باعوا له بقيمة 30.000.000 دولار فنايل كل اللي شروا ما عجبهم
وريال مدريد يباع له 5.000.000 مليون قميص في السنه وانا اتكلم عن الاصليه غير المقلده اللي عندنا

تحياتي اخوي واتمنى ان تتقبل ردي واعتذر لك اذا كان هناك شي من كلامي يزعلك