[align=center]يعطيك الف عافيه على الوصف والتدقيق ..

عده نقاط باحاكيك فيها وباخذ بود بعض الاخوان ..

الجمهور .. وما ادراك مالجمهور ..

<==< ماغيره مسنتر وحقوي وشويه ينعدون ع الاصابع

ليه ياشباب .. يعني بس الوقفه مع سامي وياسر والفريق الاول ..؟؟!!

طيب هالفريق اللي حنا موب معطينا وجه ترو هو هلالنا بعد كم سنة ..!!!

عجبي والله ممن يطبلون ويرقصون على انغام الاخذ والاعطاء وهو مستكثر

قيمة تذكرة لمؤازرة عشقه ( المزعوم )

ع العموم ابو سلطان ما كذب بحرف يوم يقول اذا حنا ( الجمهور )

تشبعنا من الحضور .. فهو والكتيبه الزرقاء تشبعوا من البطولات

كلام حلو وصميم .. يضرب في اعناق من يزعم انه يحب الزعيم

والله حرام .. حرام حرام ..

وجوه شابه وصلت لنهائي اولى البطولات .. وكسب اولى ثلاث نقاط بالدوري

وكلها في سبيل انه يحافظ ع الالقاب لين مايجي الاول ويكوش على كل شيئ

ولا يلقى منا الا جمهور لا يتعدى 300 مشجع >>

الشيئ الثاني .. عزيزي صاحب الموضوع .. ارجو اننا مانثقل كاهل هالوجوه الشابه ..

فيها مايكفي من الضغط .. والتحامل ..

كفانا تحطيمااااااااااااااااااااااااااااا

والله كفانا .. هم يقولون متى يجي اليوم اللي يشجعونا عشان نصير مثل سامي

ونواف ويوسف وياسر .. وحنا نقول

الجهة اليمنى تحتاج لتغيير

السناتره هم مسببات البلنتيات

الحارس ابجورة .. يطارد الكاميرات

جبلي .. امل كل هلالي صميم فيه جميع مقومات الحارس الناجح

بس يواظب و ( يطنش ) كل مطبل

هليل ومرشدي .. من اروع مارأيت لو ينتبهو لبعض الهفوات

اللي بتفقدهم مركزهم .. والا هم نجوم والا لما مثلوا الزعيم

مضواح .. هذا ( الطائر الازرق ) امل الزعيم في الجهة اليسرى

ابدع امس كما ابدع غيره .. ترك جهته وهاجم وناوش .. وسوى حركة زيدان الشهيرة

وتسبب في هدفين كل التقدير لك يامضواح ..

فاستمر ايها الطائر الازرق ولا تلتفت لمن طبل ورقص

العصفور .. موب العصفور اللي قبل البرتغال .. راجع حساباتك ياكابتن ..

الفرج .. اصابه والله العم حالت دون الظهور بمستواه الفيصلي ..

ولكن يظل نقطة مضئيه في وسط الهلال ..

الذياب .. قدم يسرى حساسه .. يعيبه عدم تغطيه الظهير ومساندته ..

ويعيبه كثرة الهجوم دون الرجوع .. ولكن يظل بطل وسط الميدان ..

الصويلح والعنبر .. اقل مايقال عنكما .. انتم كوابيس الحراس ..

ولا يهمكم من طبل وصفق .. واصلوا وحنا وراكم ..

اسف ع الاطاله .. بس حبي لهالكيان بعض الاحيان يفقدني اعصابي

وكله حبن باعضاء الزعيم ... والزعيم براسه ..

لذا جمهور امس .. مانبي نشوفه مرة ثانيه .. والا انشهد ان ابو سلطان

بتكون له كلمه .. وافهموا كلامي ياعقلاااااء ..

ولاعبينا الواعدين .. شجعوهم دون اي تجريح .. رجاااء

والسلام ختام[/align]