| لك ياوطن .. يا أغلى وطن
تبقى لنا رغم الفتن .. واحة أمن
نحميك من كيد العدا .. وأرواحنا لأجلك فدا
..
أنا شعوري ما أوصفه .. أنا شعوري ما أعرفه
أنا الوطن عندي تماما مثل أبوي ومثل أمي ومثل أخوي
لوجاك واحد يسألك تحب أبوك ؟ وألا تحب أمك وأخوك ؟
نحبهم لكن محال أنك توصف قدرهم
حبي لهم مايحكمه كم من سنة في عمرهم
نحبهم نحبهم لو كان حتى بقبرهم
لو جاك واحد يسألك وش هوالوطن ؟
أقول له أنا الوطن تلقاه عندي في الحرم ,, تلقاه في طيبة هرم ,,
أنا الوطن تلقاه عندي في المساجد والمدارس والمعاهد
أنا الوطن تلقاه عندي في المدن
تلقاه عندي في القرى
تلقاه عندي في الهجر وفي كل ديرة للسعودي في نواحيها أثر
أنا الوطن عندي في وجوه البشر ,, بيض وسمر
أنا الوطن تلقاه في قلبي معي في كل أرض ,, ولو أبتعد قلبي تشوفه ينقبض
هذا الوطن من البحر الأحمر للخليج ,, ومن الجنوب إليا الشمال
بكل مافيه من الصحاري والجبال ,,
بأطيافها وبأصنافها وبكل مافيها حلال
نحب الوطن مادام يرضي ربنا ,,
واللي يخالف شرعنا ..ماهو بوالله مننا لوكان يسكن بيننا
لأن الوطن شئ عطاه الله لنا .. وحنا بأسم هذا الوطن نفخر ونرفع روسنا | 