قال سبحانه (( ولا تنابزوا بالألقاب .. الاية ))


هلا وغلا أخوي حمتو ... موضوع جميل جدا ... ومأجور عليه إن شاء الله ..


أولا برد على أخوي عاشق الذيب 999 ثم أرجع لك حمتو ...


أخوي عاشق الذيب ... تخيل تمشي .. ويجيك مجموعة من الأطفال ويحذفونك بالحصى ... <== للمثال فقط

هل تاخذ حصاة من الأرض وترميها عليهم ؟؟؟


هنا تكون اخوي نزلت نفسك لمستواهم ...


ولكن خذ الأمر بحكمة ... وأعرف كيف تتصرف ...



والنار تزيد النار .. والبارد يطفيها ;)


يعني لايهمونك اخوي ... هل يغلط ونغلط ...



هل جاك منصور البلوي وقال عنك أنت بنت ...؟؟

ليه تحط حرتك في ناس مالهم دخل لا بسب ولا بغيره ..؟؟


اخو عاشق الذيب ... أنا ماعلمك ... أنا أنبهك لشي غفلت عنه ..


وهو أنك محاسب يوم القيامة على هالكلام ...


وغيرنا من اخواننا الهلاليين الله يهديهم ....


وش بتقول قدام ربك ..؟؟


بتقول والله مشجع اتحادي قال لي جمهوركم بنات ؟؟؟


ليه مانكون أكبر منهم ..؟؟


ثانيا ... والأهم


جمهور الهلال بنات والا شباب ... كلهم تاج راس الجماهير ...


والبنات وش فيهم نقص ..؟؟


البنات لهم حماسته وولاؤهم للزعيم ...


ومانصير عاد متخلفين لهالدرجة ... ونخجل من قولة ان الهلال له قاعدة كبيرة من البنات ...


بالعكس فخر لنا ...

اتمنى توصل المعلومة لك اخوي عاشق الذيب ..





نرجع لك أخوي حمتو ... ونرجع لموضوع الهادف ...


أول شي الكلام اللي قلت عنه حمتو انتشر بالمنتدى انتشار غريب جدا ....


صار فيه ناس تتكلم وآخذة راحتها ....


سب وشتم علني ... لارادع ولا حياء ...


والحجة انه منتديات النصر والاتحاد تفعل هالشي ...


قمة الغباء ... إذا صاروا متخلفين نتخلف مثلهم ؟؟؟

إذا صاروا همج نكون مثلهم ؟؟؟


الله أمرنا وليس حمتو والا ابو ساري والا شبكة الهلال بكبرها....

الله أمرنا بحسن الخلق ...

وأن نعامل الحسن بالحسن ... والسيء بالحسن ...


تعاليم الدين ... وتربيتنا .. وينها ..؟؟


هل تنزل نفسك لمستوى دنيء جدا ...


وتخون خلقك وتربيتك .. وعشان من ؟؟؟؟؟


عشان ناس ماتستاهل ذكرها والله ....


هل تنزل نفسك لمستوى دنيء جدا ...

وتنزل من المستوى العام للمنتدى ... وتحط من قدره



المنتدى يدخل ناس كبار وعالم فاهمة ... تخيل يدخلون يلقون هالتفاهات ...



بالله مانستحي ..؟؟



تخيل أمير الهلال ... والا سامي .. والا أحد اللاعبين ... والا أحد الجماهير من خارج المملكة ...


وشافوا مستوى المواضيع والاساءات للاندية والاخرى ولاعبيها ...

حتى لاعبينا وصلهم اساءات ..


وش موقفكم كجماهير هلالية ...


هل بتعتذرون بأن اتحادي او نصراوي قال هالكلام ...


أخواني خلونا نبدأ من جديد ... وعلى موضوع حمتو ومغرور حدي ...

خلونا نرتقي بالمنتدى شوي عن هالتفاهات اللي ماتقدم ولا تأخر ....


اتمنى من كل الاعضاء ان يكتبوا تعقيبهم على هالموضوع ... واللي هو دليل تأييدهم ...



وخلونا نطلع من هالمواضيع ... ونتجه لمواضيع فعلا تهم الزعيم ...



وألف شكر حمتووو .. وألف شكر مغرور حدي




تحياتي أبوساري