هلا بك والله مواقف تفطس من الضحك هههههههههههههههههههههههههههه
انا من ناحيتي اتذكر موقفين واحد محزن والثاني مفرح :
الموقف الاول المحزن : بعد مباراة العمر المشهورة طلعت للشارع بروح البقالة
وماابغى اشوف احد يتطنز المهم وألاقي النصراوية قاعدين يطالعون في
الارض واسمع صوت تكسير في الاسفلت ولما وصلت لهم اشوفهم يحفرون
اسم الهلال على الارض عشان كل سيارة تدوسه اخوكم ماتمالك نفسه وهاااات
ياصياااااااح وهم يضحكووووون
الموقف الثاني المفرح : مباراة القادسية نهائي كاس ولي العهد الموسم
الماضي طالع مع الوالد بعد المغرب رايحين نعزي وقعدنا الى اذان العشاء
وصلينا العشا وخلاص بنروح البيت وانا انتظر الوالد في السيارة ويجينا
معاه واحد الا يقلط الوالد وابوي قال يالله وانا احترق ماااقدر اقول لا
واثناء القعدة ويدقون علي الشباب والضحك علي القادسية جاب قووول
اخوكم حقد وبعدها يجي واحد من عيال راعي البيت من اخوياي قالي
عزيز انت هلالي صح ؟ قلت له ايوه قال الهلاال جاب التعاادل وانا ماسك
بيالة الشاهي وتنكب علي كلها من الفرحة المهم الوالد قام يضحك قال
يالله مشينا خلنا نخليك تكمل المباراة والحمد لله فااز الهلااااال ;)
سلاااااااااااااااااااام
