-


مرسولة من القلب من اعماق القلب ( كلام المعلق )


وقت المبارة عام 1418 كنت على وقت المرحلة المتوسطة ..

آآه لو اني بس كبير شوي علشان احضر المبارة ..

واذكر اننا كنا في رحلة مع المدرسة يوم الخميس .. وكنا نتابع اخبار المبارة عن طريق التلفون اللي كان موجودد بأحد الغرف..
وطول الرحله بالنا مشغول بالهلال ..

واخر اتصال قالوا الشباب المتقدم وبقى خمس دقايق على نهاية المبارة ..
أيسنا وضاقت صدورنا ..

يوم رجعت للبيت نص الليل نمت على طول كالعاده بعد شوية بكاء اذا انهزم الهلال لاني مالي وجه اقابل النصراويين اخوياي بالمدرسه .. وكان البيت كله نايم قبلي ..

بعد صلاة الظهر .. وقف ابوي عند البقاله وجيت ابقرأ الجرايد واشوف الهلال فايز .. تشققت من الوناسه واشتري الجريده ..

واضحك بالسيارة ابوي يقولي وش عندك .. قلت توي ادري ان الهلال فايز .. وضحك ابوي ..
ابوي هلالي متعصب من ايام التسعينات .. خخخخخخخخخخخخ

حاولت اشوف اعاده للمبارة لكن ماحصل الا الاسبوع الجاي في برنامج الفترة الرياضية اللي كان يجي الظهر ..

هذي قصتي وآآآخ ياليتني كنت بالملعب وقتها ...