بسم الله الرحمن الرحيم..














كما يعرف الجميع ان الهلال اكبر نادي سعودي وان الرئيس اللي سوف يرئسه لابد ان يكون من افضل الرؤساء وافضل من اللي قبله>>>هذا اللي يبي الجمهور الهلالي طبعا مر على الهلال رؤساء كثار وكانوا من اميز الرؤساء في السعوديه طبعا ومن بينهم محمد بن فيصل اللي عشقه جميع الجمهور السعودي موبس الهلالي واللي راح اقولكم منهو محمد:


محمد بن فيصل
أنه قصه المجد الزرقاء وقائد ربان السفينه الهلاليه وزعيم نادي القرن أنه الرئيس الذي طالما أنتظرناه وأنتظرنا معه البطولات..
انه السر الذي جلب لنا المجد من جميع اطرافه في موووووسم واحد أنه الشاب الذي أحبه خصومه ومنافسوه قبل محبيه أنه قصه المجد الفريده..

نعم يامحمد أنت من أعاد للمدرجات السعوديه الحياه
من جديد بروحك المرحه وتنافسك الشريف أنت من جعل خصومك يجردونك من هلاليتك ويلبسونك خاااااام ناديهم المفضل طمعا في كسب ودك. .ولكنك كعاده الزعماء أبيت ورفضت وفضلت ان تبقى هلاليا مدى الحياه

أنت يامحمد من شجعنا على الحضور والتشجيع واتكلم هنا بالنيابه عن جميع الميووووول انت من قاد المدرجات البائسه الى الحياه من جديد..

أنت يامحمد من زرع المثاليه في أنديتنا السعوديه وجعلت من نفسك مثااال يحتذى به أنت من ذهب لجمهور منافسيه قبل محبيه ليحييهم ويبارك لهم..
فسروا مثاليتك ضعف فأبيت الاأن ترد عليهم فكان ردك قاسيا كقسوووه هلالك على الخصوم حيث أذهلتهم برابعيه لم يسبقك عليها أحد فاللله درك

أنظر الى منتدياتهم يابوسلطان فالجميع يخطب ودك ويضرب بك المثل حتى وصل بهم الحد لان يقولوا بانك ليس هلاليا ولكنك فضلت الصمت الذهبي..

أسرت قلوووووب الجماهير السعوديه بأسرها وعشقك الملايين من الجماهير فهل يستحق بعد هذا لقب(أمير القلوب)غيرك
يامحمد أنت من أفسح المجال للشباب في بيتهم الثاني الهلال وهانحن نراهم اليوم يستلمون المهمه بدلا عن اشقائهم الذين ذهبوا لمهمه وطنيه ونراهم يدافعون عن الهلال بكل مااوتوا من قووووه وهاهم يرفعون رأسك ويصلون الى نصف النهائي وهم بعد لم يصلوا للنصف الثاني من العمر

محمد نريدك تستمر في الهلال لان استمرارك يعني لنا الشيء الكثير كيف لا وأنت من صحح وعالج وكيف لا وأنت من بنى فرق هلاليه وليس فريق وكيف لا وأنت من شجعت مواهب نادينا ودعمهم حتى جعلت الكوريين قبل السعوديين يخطبون ودهم..
كيف لا وأنت رمز الوفاء كل هلالي ساهم في مجد هلاليا بالامس القريب رايناك وأنت تودع لاعبا هلاليا بعد مااخذ الله امانته ودعته بجسده ولكن روحه باقيه مادمت تهتم وتصرف له مكافأته وكأنه يفرح لفرحنا وهو في قبره..

وفي الختام لانقول سوى أستمر يامحمد ونحن من خلفك أستمر وأستمر فأنت الفصل الخامس المتمم لبطولات الهلال الاربع..