نصايح لكل من يفكر في الدراسه خارج السعودية
[align=center]بسم الله الرحمن الرحيم
السلام عليكم ورحمة الله و بركاته
ما ادري شلون ابدأ في الموضوع
ما بقى على رجعتي الا 20 يوم و ارجع لديار الوطن
طبعا في رحلتي هذه استفدت الكثير من الامور و ودي الخصها لكم في عدة سطور مع بعض النصايح للطلاب السعوديين :
اول شي اذا نويت تدرس برا انجليزي
لازم يكون معك لغة حلوة تقدر تمشيك في المطارات او امور المدرسه او المعهد في اولى ايامك
اذا ما عندك
خذها نصيحه مني
ادخل معهد انجليزي في السعودية لمدة شهر او شهرين
تتعلم فيها اساسيات اللغة
بعدها سافر لاي مكان تبي تتعلم اللغه فيه
انا يوم جيت اسافر لكندا
كان عندي لغه حليوه تقدر تمشي اموري في المطارات و المعهد و في الشارع لو ابي استفسر عن شي او مكان محل
ثاني شي
انت الحين خلاص بتسافر لاي مكان في العالم عشان تتعلم اللغه
في اشياء لازم تكون معك
اولها
القراءن لو تقعد ساعه وحده في اليوم تكفيك و لا ياخذ من وقتك شي
بعدين
في بطايقات لازم تكون معك
<<<لاني ندمت في بطاقات ما خذتها
زي بطاقة البنك حقك في السعوديه
ترا بعض الصرافات تقبل بطاقه سعوديه
و رخصتك الدوليه لو بغيت تستاجر سياره و في نفس الوقت تكون زي بطاقة الاحوال لان فيها اسمك بالانجليزي و تاريخ ميلادك
فيه اشياء مهمه عشان دراستك للغه
زي القاموس
انت حر تبي تاخذ كتاب او الكتروني انت حر في هذا الشي
عاد فيه اشياء ثانويه ما نبي نطرق لها
طبعا فيه نصايح بالهبل بتجيك قبل ما تسافر
منها للدجه و منها للنفسك
اول ما توصل المدينه اللي بتدرس فيها
طبعا تسئل عن المعهد حقك و المدينه و الباص اللي تاخذه
في اشياء تسئل عنها
زي المسجد الجامع اللي تصلي فيه الجمعه
و القبله و المواقيت للصلوات الخمس
طبعا هذه كلها تلقاها في النت
اسئل عن الجوال و افضل شركة عندها عروض
اسئل عن افضل بنك في التعامل مع انها كلها سوا
عاد اللاب توب اذا تبي تاخذه معك خذه بس لا يشغل وقتك انتبه من هذا الشي
وفيه نصيحه مني
لا تخاوي عرب طول الوقت
خل لهم وقت و للدراسه وقت اخر
احرص على المدرسه اللي تختارها انها تكون ذات سمعه جيده في المدينه
بعد ما تسئل عن المدرسه
اسئل عن الطلاب
هل العرب واجد فيها
يعني اكثر من 20 طلاب في الصيف
و غير الصيف اكثر 10 طلاب
لانهم بيشكلون عليك مشكله
انا الحمد لله
المعهد حقي مستواه عالي في الدراسه و سمعته ممتازه
و الطلاب العرب ما يتعدون ال10 في غير الصيف
اما في الصيف ما تعدو ال20 طالب
و فيه نصيحه خذها مني
لاتعتمد على احد حتى لو يكون خويك الروح بالروح
و لا تعتمد على الاجانب و الاصدقاء
انت في ديار ما تدري عنها شي
ابتعد عن الاماكن المشبوه
اجلس في اماكن عامه زي coffeeshops او مطاعم على شوارع عامه
في وسط الاسبوع
رتب يومك
بحيث تكون قومتك الساعه الفلانيه
و تطلع من البيت الساعه الفلانيه
بعد المدرسه
لا تقضي وقتك كله في التمشي و الوناسه
حل واجباتك و خلص دراستك بعدين سو اللي تبي
ترا المذاكره ما تاخذ منك وقت
كلها ساعه و نص وانت خالص
بس على حسب انت و دوامك
انا كنت اخلص الساعه 1 الظهر
الساعه 2 اروح للمكتبه اخلص مذاكرتي بعدين اطلع اتمشى
لا تضيع وقتك كله مع عرب او سعوديين
ترا لهم وقتهم
اللي هو نهاية الاسبوع
ترا بتجيك نصايح منها
لا تخاوي عرب اذا بغيت تتعلم انجليزي
لا تسمع كلامه
ترا اذا سمعت كلامه
صح انك بتستانس اول الايام بس بعدين بتزهق و يضيق خلقك
دور لك على سعودي او عربي بس يكون رجل امين معك و ماهو راعي خرابيط
تحتاجه وقت الضيق
يساعدك في مصيبتك
نهاية الاسبوع وسع صدرك
رح شف لك فلم في السنما او رح لسوق و تمش او رح لحديقه و تمش فيها
ترا بتجي ايام و اوقات تندم عليها
اذا بغيت تخاوي عرب او سعوديين
خل وقتك كله معهم في نهاية الاسبوع
هذا كل شي عندي
اذا بغيت اي نصيحه او استفسار
اطرحها في ردك و انا حاضر[/align]  | 