بسم الله الرحمن الرحيم
السلام عليكم و رحمة الله و بركاته........وبعد


لا تخافون ما ابي اخطب
انا بس متعود ابدا بالسلام على الجميع

الموضوع اليوم عن الحب وما ادراك ما الحب
انا متأكد اني لو اسال كم واحد منكم مجرب الحب
بتناقزون كلكم تقول طلاب في صف اولى ابتدائي(( انا استاذ....اني ابله))

ثمن باجي انا ((يا مهجدهم)) و ازعق....:بس انت و اياه بالدور
واحد و احد
يالله....كل واحد يقول حكايته مع الحب
الحب الحقيقي مو حب الحبحر و الا الكتشب

حب صريح.....مو مهم من تحب
بنت الجيران...بنت الطقاقة..بنت عبده((فيفي)) والا ان شاء الله بنت البواب((متأثر بالادب المصري....تكفى يالعقاد))

طبعا ممكن يطلع لنا واحد عاقل مرة ويقول انه يحب بنات افكاره
مش مشكلة ...ان شاء الله تحب مصارينك

بس نبي نعرف شعورك و انت في حالة حب((ولادي فقط ما فيه بنات.....جزمة ما عاده موضوع))
********************************

و بما ان طباخ السم بيدوئه((قايل لكم مصري))

لازم ابدا بنفسي
انا بصراحة حبيت((واحدة من الناس))
لا تقرب لي ولا هم يحزنون
بالعربي ممثلة

بس وش حب
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه((ما لقيت الالف اللي عليها مده حطيت ام همزة
تعال اقراها الحين))

اه لقيتها
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
حب عذري شريف و مرسي وزناتي وعبدالفتاح

كل ما شفتها في المجلة اتقطع
و تسفح الدمعة من عليٍ((علي-تحتها كسرتين- اللي في قصيدة امرؤ القيس مو علي خوينا))
((بيصجنا ابومنار الحين ويتفلسف ويقول انها تنكتب سذا قصدي كذا :علٍ))

و ياما غنيت وانا اتروش
هل رأى الحب سكرانين((؟؟؟)) مسلنا
آآآه يا كلبي((يعني قلبي بالمصري الدلوع))((بالمصري اللي ما هوب دلوع البي))

و انواع الموشحات الغنائية بالحمام و انتم بكرامة
و قصايد و خواطر وبلاوي
وفي اوج الحماس الثوري تلقاني القي قصايد غزلية عفيفة من قلب الحمام
مثل القصيدة اللطيفة مرة اللي يقول فيها الشاعر
و العدا لاتشتبه بالخوارط و الحدود.....الحدود من الحديدة الى اقصى كربلاء

طبعا الشاعر الغزلي الكبير في هالابيات يتغنى بحبيبته اللي في الحديدة((يمنية)) وهو في كربلاء مسيكين
وانا نفس الحكاية...بس بدل الحديدة و كربلاء
اقول من القاهرة الى الخرج...حي السعودية

***
المهم اني بعد ما اسمع كل الجيران اهاتي ومواهبي الفنية
يكون الدفاع المدني وصل وكسر علي الباب((واحد من الجيران مبلغ انه سمع اصوات استغاثة واحد محاصر بالنيران))
يومها كنت اغني
النار النار النار..البي ايد نار((قلبي قايد نار))
لحكيم((شفتوا الفن على اصوله))

و كله كوم و اللقآءت((كيف تنكتب جمع لقاء)) الفضائية كوم ثاني
اول ما اسمع انها بتسوي مقابلة في قناة معينة اسنتر في القهوة((ما عندنا دش))
الين يجي البرنامج

وكل يوم قبل لا انام أألف سبع مسرحيات و فيلمين لنا انا وهي
طبعا من بطولتي المطلقة و تمثيلها وانتاج الخيال الخصب و اخراج العقل الباطن((فهمتوا شي...ولا انا))

و طبعا كل زملائي الحاقدين الغيرانين من حبي لها دائما يحاولون يشوهون سمعتها قدامي
والله انهم ما يستحون
كيف يقذفون البنية و هي سمعتها في بلدها زي البرلنت((هذي سوري))

المهم

هذي هي خلاصة معاناتي
اللي عند معاناة منكم يكتبها هنا

المعذب
ساري مع القمرة
ابوفلانة((ما يبي احد يعرف اسمها))
مخاوي الجن((بسم الله علينا))
المتعذب
المنفلق

عبود
و دمتــــــــــــــــــــــــــــــــــــــــــــــــــــــــــــــــــــــــــــــــــــم,,