.
..
...

حركة جميلة جداً أنك تقز الحركة بدون ما تخش على الموضوع





بس أنا ودي أتشرف بدخولك





الحركة هذي حطيتها قبل في أحد الردود لي بس الظاهر أن محد من الشباب قزها لأني مالقيت تعليقات عليها عشان كذا قررت أني أحطها في موضوع لحالها



والحركة هذي خاصة بالمهاجمين بس مو معناته أنها ما تصلح مع المدافع



لأ ممكن في بعض الحالات تنفعك مثل الكورنر


لنفترظ أنك رفعت الكورة للمهاجم بس مو من الجناح من وسط الملعب أو من الجوانب بس بعد النص على طول


والكورة صارت أقرب للمدافع منك وتشوفه رايح أبو الشباب يثبت على صدره ويتمشى وأنت تحاول تديور بالمهاجم ومعلق على الأر 1 وحالتك حالة وأخرتها ياخذها المدافع قبلك ويمشي



في هالحالة وأنت تحاول تلحق بالمدافع عشان تسقط عليه كرر الضغط على أر 2


بتلاحظ أن مهاجمك يكسر بقوة (كنها كسرت مرسدس في مديور ) ويسقط على المدافع

ولا تنسون شباب حاولوا أنكم ما تستخدمون السرعة في ذا الحالة


لأن المهاجم ما يقدر يكسر بقوة وهو مشوت


يعني لو أنت جاي لبيتكم مكيم (مسرع) وتعديت شارعكم وأنت مطفي النور

مالك ألا أنك تسحب جلنط عشان تلحق على اللفة


الأر 2 مثل الجلنط بالنسبة للاعب

ونفس الشي بالنسبة للمدافع أذا تبي تسقط على مهاجم الخصم وتسبقة للكورة وخصوصاً في الركنيات والرفعات وحتى الأرضيات ماعليك ألا أنك تكرر الضغط على الأر 2

وتكفون شباب لاتحكمون على الحركة من أول مرة جربوها كذا مرة لين تضبط


وبالله شباب بدون ذب تراني حساس مرة وينكسر خاطري بسرعة
وعلموني أذا ضبطت معاكم

سلملم