أول شي لازم تعرفون اني رديت مرتين باقتباسات من ردود يازعيم ورجل القانون وقمر الهلال

بس مرتين يعلق الجهاز من أحط اضافه

لذلك بختصر كلامي

وبعلق على بعض الردود اللي كانت من فوق العارضة
أخوي يازعيم ...

القحطاني ماتنازل عن مليونين بس ؟ ..

القحطاني تنازل عن :

1- محبة واعجاب الجماهير الثانية حينما أعلن حبه ورغبته في الهلال قدام ملايين المشاهدين

2- تنازل عن 50 مليون وهي قيمة العرض المقدم من البلوي وايضا المميزات المعروضة من الاتحاد والي تفوق المقدمة من الهلال

اتوقع هالتنازلات مايقدمها إلا نجم .. خلوق وقد كلمته وماهمته الملايين بقدر مايهمه الهلال



أخوي رجل القانون ..

أول شي أخوي

كل الكلام اللي قلته عن الجمعان يتبع كلمة ( لو ) ..

لو كان كل شي يجي على( لو ) كان طلعنا لاعبين عالميين مش اسويين بس ..

وأما عن قولتك خلينا ياسر نجم قبل يجي للهلال وشلون حكمنا على نجوميته وهو مالعب ..


هذي النجومية أخوي قبل لايجي للهلال ..

نجوميته مع القادسية والمنتخب ..

ونتذكر دورتي الخليج وش سوى ياسر .. والتصفيات الاسيوية وش سوى ياسر ..

هذي نجوميته ..

وفوق هالنجومية ..

نجومية اخلاقه .. نجومية حبه للزعيم ولجماهير الزعيم ..


نجومية انضباطيته في كلمته ووعده .. نجومية مواظبته في وتدريباته ..

يكفي ان اسمه بس يجعل من صاحب الجريدة أو المجلة يكسب دبل مايكسبه بغير وجوده ...



أختي قمر الهلال ...

أخطأت في تهميش نجومية واسطورية اللاعب عبدالله الجمعان

صحيح القحطاني الان افضل منه وبمراحل ...

لكن لاتنسين ان الجمعان قدم للهلال ألقاب وحسم مباريات بفضل أهدافه الخرافية والحاسمة ..

الجمعان كان فترة من الفترات نجم آسيا الأول ...

الجمعان أختي لعب من عام 96 -97 وظهرت نجوميته عام 98 ...

اللي قتل نجومية عبدالله هو عجرفته وحركاته الصبيانية ....

وأفل نجمه حينما ترك الاهتمام بنفسه

وفقد حب الجمهور واللي هو أساس النجومية حينما اطلق وعود وخيب ظنهم فيه وثقتهم ...

ضاع عبدالله لكن الهلال أكمل مسيرته

لكن يظل عبدالله الجمعان ...

لاعبا اسطوريا يعتبر من عظماء المهاجمين اللي مروا على نادي الهلال ...

ويظل مستواه وأهدافه عالقة في أذهاننا ...

فارجوا منك اختي التعقل في حكمك ... وعدم التسرع في الحكم عشان واحد تكلم عن ياسر ولا أعجبك كلامه ;)


تمنياتي لياسر بمستقبل مرصع بالذهب مع الهلال ... ليحفر اسمه في أذهان جماهير الهلال كلاعب عظيم في تاريخ الهلال

وتمنياتي لعبدالله بالرجوع الى سابق مستواه ليستفيد هو يستفيد الهلال