السلام عليكم ورحمة الله وبركاته


اولا الف مبروك على الفوز الصعب امام الانصار ومن سأبدأ بالنقطة الاولى من موضوعي

وهي الاداء السيء صراحة

بالفعل الاداء كان اقل من جيد ولا ادري ماهو السبب .... يعني معسكرين بالطائف والمعسكر ماشاء الله تمام ولا توقف الا لثلاث ايام بس لوفاة الملك المرحوم ,,, كمان لعيبة الهلال امس مو فاهمين بعظهم ولا واحد فاهم الثاني وهذا نحط عليه 100 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني لو جينا نقيم اللعيبة في مباراة الامس فقط نشوف

جبلي : أنا اراهن على هالحارس ماشاء الله تبارك الله

المرشدي والهليل : باختصار يشكلون خطر على الدفاع بسبب بطئهم بالحركة

العصفور : تحرك كمن حركة حلوة

مضواح : غريبة هاللاعب كنت مستني منه الشيء الكثير

عسيري : مع اني اشوف ان هاللاعب ممتاز الا اني ارى التهور في لعبه

متعب الشهراني : مني شايف زود بهاللاعب

سعد الذياب : لم نراه وهو اللاعب اللذي كان المدرب يمدحه بالمعسكر

مازن الفرج : لم نره سوى لحظةالفرحة بتسجيل الهدف

الصويلح : فنااااااااااااااااااان لكن مو يومه

الدخيل : مو يومه وننتظر الشيء الكثير منه

الموري والخراشي : نزلوا متأخرين ومامداهم يتأقلموا

صدقوني ياشباب اني ابي هالفريق هذا افضل الفرق الموجودة بكأس الامير فيصل لنه هذا المستقبل الهلالي

انا ارجح على ان اللعيبة دخلوا الملعب وهم في برود ومن هنا ندخل في النقطة الثانية وهي

الجمهور اللذي يعد على الاصابع

والله غريبة يالجمهور وش تبون علشان تحضرون الملعب يعني مو كافي ان الفريق حقق اربع القاب الموسم المنصرم وفرحكم بعد زعل

ليه يعني علشانه اولمبي ماجيتوا ؟؟؟؟؟؟

للعلم ياجمهور الرياض بعد كم سنة راح تجون الملعب وتلاقون هالفريق يمثل الفريق الاول للهلال

وانا الوم جمهور الرياض بالذات لنهم مايجوا الا بالنهائيات بس ماعدا كم واحد

وحتشوفوا يوم الخميس القادم بالشرقية كيف جمهور الشرقية راح يجي


اما النقطة الثالثة والاخيرة وهي اللبس

اللبس وش حلاته بالتصميم اللي حطته ادارة الاخبار

لكن بالملعب كان شي ثاني

اولا مافي شعار النادي

ثانيا اعلان الشركة الراعية غير واضح

ثالثا اللبس طويل زيادة ومو على مقاس اللعيبة

رابعا اللبس عريض عريض ماتشوفون كيف مضواح خاش بالفنيلة

اتمنى ان لايكون هذا اللبس هو لبس الفريق الاول ويرجعون للبس القديم حق ديادورا





اخيرا وليس اخرا احب اقول الله يوفق الزعيم بهالبطولة وينصره انشاء الله