نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

bestuser · #1 14/08/2005, 04:18 AM

[align=center]ياشيخ قسم بالله اول مادخلت المنتدى ..

شكيت داخل زعيم ولا فقر .. وش فيكم !! مافيه موضوع عن مباراة امس ..

الا عن الحكام .. وش جاكم .. اخاف بكرة يقولون لنا نبكي على اطلال الزعيم ..

ياخي من متى تهتمون للاندية الثانية

قسم بالله رفعتم ضغطي ..

من شوي قلت لخويي .. الظاهر اعضائنا يعتبرون ياسر القحطاني .. هو البطولة ..

فما عاد يبون بطولات

جا الدعيع .. وجا الغنام .. وماسوينا مثل القحطاني ..

ياعيال تكفون بكرة مباراة لنا .. نبي نناقش نبي نسوي شيء نبي استعدادات ..

اللي يقول اولمبي .. ياخي تناقض نفسك كنت تقول مافيه فرق بين اولمبي واولى

وبعدين وين اولمبي .. نصهم باول

!

الصراحة من بداية الموضوع خلنا نكملها

محتاجين لـ وسط ايمن بديل للتمياط وقلبي دفاع بديلين لتفاريس والمفرج .. وحارس

ولا تقولون فهد مبارك ولا مشعل الموري ترانا نلعب مع جابانيين وكوريين ..

مب سعوديين وحولهم !

مانبي مجاملات .. وحارس ينقصنا الدعيع ماعاد مثل اول ودايم اصابات والعتيبي بالمنتخب ..

وجبلي نكبه والبيشي اللي نكبة اكثر وراجعوا مباريات كأس فيصل ..

اتحدى محد خاف من طلعاته اللي مدري وش يبي منها ..

ولا عاد هدف الاتفاق اللي خربها

ياجماعه الزبدة .. للحين ماستعدينا صح والموسم بدأ ..

لامهاجم اجنبي ولا شيء.. والله ماظنيت تبون بطولات ..

بطولاتكم بتصير الفوز على الاتهاد والفقر

راجعوا انفسكم .. ترى الوقت ماراح منه شيء يمديكم تتداركون انفسكم

والله ماعاد صرت احب اشارك مثل اول .. مافيه مواضيع الا عن منتدى الاتهاد والفقر ..

واللاعب انطق واللاعب انتقل وعزيز والقحطاني

ماقول الا الله يرحم الشبكة قبل سنة الى سنتين :sad:

احمد[/align]